Kryetari i nderit-alias Isa Mustafa, bashkëthemelues i asociacionit të komunave me shumicë serbe, me Hashim Thaçin

Nga: Sinan Kastrati, Suedi

Vazhdon nga numri I djeshëm “Sherrin e mbjellin gratë dhe e korrin burrat!?”, Drini.us 12 Tetor 2021

Edhe togfjalëshi ”kryetar nderi” 1*), sikurse edhe fjalët ”veteran” e … ”legjend-ë/ar” aq shumë u përdorën vend e pa vend saqë edhe kur njeriu lexon për personalitet e mëdha të artit, të letërsisë, kulturës i vjen me vjell kur dihet se në poltikë, në Kosovë edhe në muzikë, është përdorur shumë fjala ”veteran/e, psh Shkurte Fejza, Shyhrete Behluli, ”veterane”. Për Adelinë Ismailin thuhet ”Diva” 2*).
Dhe deshëm apo s`deshëm në fjalorin tonë hyri edhe slogan3*), ”Kryetar nderi”.unë do ta quaja ”zhargon rrugësh. ”Kryetar nderi”.
Aty ku më së pakur do të besoja, edhe kryetari I ri I LDK-së, e paska propozua Isa Mustafën ”Kryetar nderi”.
Kjo paska ndodhur më 14 Mars, 202, në festën e ”Ditës së verës”
”Kreu më i ri i Lidhjes Demokratike të Kosovës, Lumir Abdixhiku ka shpallur ditën e sotme ish-kreun Isa Mustafa si kryetar nderi. Lajmin e ka bërë të ditur vetë LDK-ja me anë të një njoftimi për media. Në njoftim thuhet se propozimi për kryetar nderi të Mustafës ka ardhur nga Abdixhiku.
Abdixhiku merr vendimin e parë në krye të LDK-së, shpall Isa Mustafën kryetar nderi
Nuk iu besova syve, mendova se është ndonjë gabim prandaj kërkova në internet dhe e gjeta në disa portale … ”Abdixhiku e shpall Mustafën kryetar nderi”, Llapi..info, 14/03/2021.
Po pse kaq shumë jemi të prirur të shtiremi që ta ”ruajmë” qetësinë nga brenda kur kur çdo gjë ka marr fushën e malin.
Isa, ishte ndër personalitetet shqiptare që kishte pozita udhëheqëse në ish sistemin komunist jugosllav, si ”kryetar qebverie” në Komunën e Prishtinës. Asgjë të keqe s`ka këtu, por kur zgjidhet ”Ministër i Financave në Qeverinë Bukoshi”, bashkë me Bujar-in e Bukoshit, me fondin e 3/%-it paratë tona i keqpërdorën, paratë e mërgimtarëve.
Dhe në zgjedhjet e para e të lira, pas vitit 1999, Bujari i qoi ”gjin” Ibrahim Rugovës që ta fus në listat zgjedhore por Rugova nuk e mori dhe ai, filloi me dredhitë e vjetra.
Pas vdekjes së Ibrahim Rugovës, Fatmir Sejdiu, e mori Isa Mustafën si ”këshilltar” e Bujar Bukoshin e bëri Ministër të Shëndetësisë, mu në qeverinë e kuislingut, Hashim Thaçi.
Bujari iu afrua Ukës dhe formuan partinë ”Lista e Ibrahim Rugovës” dhe rreth vetes u tubuan ”ftyrat” më të dyshimta, Ukë Rugova, Astrit Haraqija, Dardan Gashi dhe Bujar Bukoshi.
Lufta brenda LDK-së prap filloi se kush duhët të zgjidhet ”kryetar” i LDK-së, pasi Kushtetuesja e rrëxoi Fatmir Sejdiun, si presisdent.
Për herë të parë (?), Isa u tregua më i zhdervelltë dhe fitoi kundër Fatmirit të cilin e mundi bindshëm. E mira se ishte se ky kuvend zgjedhor nuk i përdori karrigat.
Kur Isa, tradhëstisht u zgjodh ”kryetar”, Fatmirin e shpalli ”Kryetar nderi”, që ta qetësoj me një asht apo kore buke.
”Isa Mustafa zgjidhet kryetar i LDK-së – Radio Evropa e Lirë…
7 nov. 2010 — Kuvendi i VII Zgjedhor i LDK-së zgjodhi Isa Mustafën për kryetar të partisë … shpalli kryetar nderi kryetarin e deritashëm, Fatmir Sejdiu”.

”Fatmir Sejdiu, kryetar nderi i LDK-së – Bota Sot…
Fatmir Sejdiu është zgjedhur kryetar nderi me aklamacion nga delegatët e Kuvendit të LDK-së. Lexo të radhës. …”

”LDK ia heq edhe fotot Sejdiut – Bota Sot,
Lidhja Demokratike e Kosovës nuk po shfaq respekt ndaj ish-Presidentit Fatmir Sejdiu, njëherësh Kryetar Nderi i kësaj partie. Në selinë kryesore të LDK’së …”
”Sejdiu: Nuk jam më Kryetar Nderi, LDK ka rrëshqitur në duar …
Ish- kryetari i Lidhjes Demokratike të Kosovës, Fatmir Sejdiu i cili ka hequr dorë nga pozita e Kryetarit të Nderit të partisë, ka shpjeguar arsyet pse e ka …”
”Fatmir Sejdiu jep dorëheqje nga dy pozita në LDK – Klan Kosova
Ish-presidenti i Kosovës dhe ish-kryetari i LDK-së, Fatmir Sejdiu ka dalë në … e kryetar nderi si dhe nga pozita e Këshillit të Përgjithshëm të LDK-së, …”
Janë disa nga titujt e saj kohe që mbushen ballinat e shtypit.
Kjo fjalë “Fjalë nderi” e fut ish kancerin Kohl dhe CDU-në në një krizë të thellë. Kështu konstatohet se nga viti 1993 deri 1998 Kohl ka pranuar në dorë shuma parash në vlerë prej afro dy milionë marka gjermane.
Dhe derisa politikanët në botën përendimore e thejnë qafën për afera, skandale e tituj ”nderi” politikanë tanë i mbajnë ato si relikte dhe stolisen edhe me të tjera, merita e tituj nderi.
Të tillë ishin edheHashim Thaçi e Isa Mustafa, kur ishin në krye të Qeverisë, më 2013 dhe 2015.
Marrëveshja për Asociacionin
”Themelimi i Asociacionit është paraparë me Marrëveshjen e Brukselit të vitit 2013, të arritur mes Kosovës dhe Serbisë. Pas dy vjetësh, më 2015, të dyja palët (Kosova dhe Serbia), ishin pajtuar edhe për themelimin i cili parasheh të mbledh në vete rreth dhjetë komuna në Kosovë ku shumica e popullsisë është serbe, siç janë, Mitrovica e Veriut, Kllokoti, Parteshi, Ranillugu, Graçanica, Zveçani, Zubin Potoku, Novobërda, Leposaviqi dhe Shtërpca.
Themelimi i Asociacionit të komunave me shumicë serbe është paraparë me një marrëveshje në kuadër të dialogut Kosovë-Serbi në Bruksel në vitin 2013, me Hashim Thacin. Më vonë në vitin 2015, Kosova dhe Serbia nën ndërmjetësimin e Bashkimit Evropian arritën një marrëveshje shtesë për themelimin e këtij Asociacioni, që fliste për kompetenca ekzekutive, me Isa Mustafën (shën. imi). Por, Gjykata Kushtetuese e Kosovës në interpretimin e kësaj marrëveshje gjeti që parimet për Asociacionin nuk janë në përputhje me Kushtetutën. Megjithatë, Gjykata Kushtetuese e përcakton se parimet mund të harmonizohen me akte ligjore të Qeverisë së Kosovës.
Derisa Hashimi e Isa shtyhen se kush ëshë (më) fajtor për themelimin e asiciacionit, Beogradi zyrtar dhe presidenti serb Aleksandër Vuçiq, nga ana tjetër me këmbëngulje kërkojnë themelimin e Asociacionit të Komunave me Shumicë Serbe. Vuçiq, citojnë mediet në Serbi, e di mirë që shumë pika të marrëveshjes për krijimin e këtij asociacioni janë shpallur anti-kushtetuese në Kosovë. “Nuk më intereson a është në përputhshmëri me Kushtetutën e Kosovës apo jo”, citon mediumi serb B92, Aleksandër Vuciqin.

1*) TOGFJALËSH m. sh.
Njësi sintaksore që merr pjesë në ndërtimin e fjalisë dhe që përbëhet, nga dy a më shumë fjalë kuptimplota, të cilat kanë lidhje të ngushta gramatikore e kuptimore me njëra tjetrën (p.sh. detyra të mëdha, bukë gruri, dy nxënës, mot me diell, shumë ditë etj.). Togfjalësh i thjeshtë (i përbërë). Togfjalësh nënrenditës (bashkërenditës, këpujor). Togfjalësh me (pa) parafjalë. Togfjalësh i qëndrueshëm (i pandashëm, i lirë). Togfjalësh emëror (mbiemëror, foljor, ndajfoljor). Togfjalësh përcaktues (thirror). Togfjalësh i varur (i pavarur).

2*) DIV m. sh.
1. mit. Figurë e përrallave popullore, që parafytyrohej si një përbindësh me trup jashtëzakonisht të madh e me fuqi mbinjerëzore, i cili ha shumë, rrëmben njerëz etj. dhe banon zakonisht në shpella a nën tokë. Shpella e divit.
2. fig. Njeri me trup të madh e të fuqishëm. Diva ishin të gjithë.
3. Përd. mb. sipas kuptimit 2 të emrit. E kishte djalin div.
Fjala ”Diva”, përdoret gabim. në vend të fjalës ”Div”

3*) SLOGAN m. sh. libr. kryes. keq.
Frazë e shkurtër që përsëritet për të propaganduar diçka; parullë e zbrazët ose mashtruese. Slogane bajate (demagogjike). Slogane propagandistike.

Malmö, 13 tetor 2021