Ramush dhe Nasim Haradinaj …
Nga: Sinan Kastrati, Suedi
- Vetëm ju “i keni blerë” 420 hektarë tokë …, a nuk është e tepërt bre Ramush e Nasim Haradinaj?
Nuk e kisha ndërmend të shkruaj më për komandantët e as për polikë e politikanë sepse jam lodhur por dje pasi lexova dy, tre artikuj për Ramuash Haradinajn, nga vetë Ramushi, ish komandant i Dukagjinit dhe një për Xhavit Halitin, nuk më zuri vendi vend (”B… vend” pop.) dhe pas disa muajve, përsëri sikur u këndella dhe po i them edhe unë dy-tre fjalë.
Ramushi flet për Familjen Musaj: “Nuk shkova për t’u vrarë me Musajt, por për të biseduar”.
Nuk i shkohet burrit të botës në shtëpi, natën me një çetë cubash o Ramush. Lidhu dikun, o me Kanun o në Ligjet e Kosovës (atherë ish të RSFJ-së, UNMIK-ut). Kur ta rrethosh shtëpinë dikujt, ajo është e shenjtë dhe çdo njëri do të mbrohej e do të luftonte siq edhe bëri Familja Musa.
Ju keni e keni sulmua Familjen Musaj dhe ai është mbrojtur me të drejtë dhe me të gjitha doket e zakonet shqiptare, e drejta është në anën e Familjes Musa.
Ramush, kosin e prish uji e ”burrin”, huji. Ty Ramush, kajta për ”burrë-ni”, për pasuri e për pushtet të ka qorrua.
(“Haradinaj flet për vrasjen e familjes Musaj”, Bota Sot, 7 JANAR 2019
“Sipas tij, nxitja e tensioneve mes dy familjeve është bërë me skenar të krijuar jashtë Kosovës.
Ai ka thënë se ka shkuar tek shtëpia e familjes Musaj – për të sqaruar gjithçka. “Nuk shkova për t’u vrarë me Musajt, por për të biseduar”)
Kjo kajtë e kjo lakmi për pasuri shihet edhe më vonë se ti u bëre milioner. Ke shtëpi- Kala në Prishtinë, shtepi tjetër në Marigonë, lagje e Prshtinës dhe qindra hektarë tokë që dihen.
Dhe ato që “nuk dihen”.
Për ato që ”nuk dihen”, më së miri flet letra e Adem Grabovcit për etjen dhe pangopësinë tënde
Ramush e Daut Haradinaj …
”Ish deputeti i Kosovës, Driton Tali ka publikuar një letër të Adem Grabovict i cili ia kishte shkruar kreut të Aleancës për Ardhmërinë e Kosovës,Ramush Haradinaj. Në këtë letër të publikuar Grabovci ia përmend Haradinaj pasuritë milionëshe. Aty thuhet se, ka uzur puar në emër të Iuftës shtëpi dhe banesa.
“Ramush, prej nga e arrite pasurinë marramendëse personale? – shtëpinë disamilionëshe në Prishtinë, – banesën dykatëshe në Prishtinë, – banesën në Prizren, – banesën në Tiranë, – banesën në Durrës, – villat në Durrës, në Brezovicë, – pronat disamilionëshe në Dukagjin, – tokat në Miradi, – kullat disamilionëshe në Glloxhan, – dy villa jashtë shtetit, në Monte Karlo dhe në Dubai. Duhet t’i dëshmosh pronësitë e tyre në detale”, thuhet në letrën e publikuar nga Driton Tali, shkruan gazeta “Botsot”.
”DeI Ietra e Adem Grabovcit për Ramush Haradinaj: l përmend Pasuritë dhe ViIIat në Monte-CarIo dhe Dubai”, admin June 22, 2021
Deklarimi i pasurisë së Nasim Haradinajt
Nasim Haradinaj dhe “Liria ka emër” …
“Haradinaj tregon se si e bleu shtëpinë në lagjen më të shtrenjtë të Prishtinës”
”Po, kam ble në ‘’Marigona’’, e paguaj kredinë kadal-dalë në Raiffeisen. Por i kam të hyrat e qirasë, që fatmirësisht po ma mundësojnë jo veç me pagu atë, por edhe me ta qit një kafe ty nëse du”.
“Plasshin prej inati – plasshi, plasshi, plasshi”!
O Ramusho, ti së pakut tregon çka ke në bark:
“Plasshin prej inati – plasshi, plasshi, plasshi”!
Është e pabesueshme që vetëm Familja Haradinaj, Ramushi, Dauti, Nasimi të keni tokë mbi 400 hektarë tokë.
Dhe ka të tillë që i dalin në krah Ramushit …
Xhavit Haliti: ”Edhe 500 hektarë me ia falë Ramushit nuk bëhet kurrgjë!”
“Duhet të përballemi me problemet thelbësore të Kosovës, jo me një problemin e një are. Një arë e paska marrë, hajde ja paskemi falë. Jo 200 po 500 hektarë me ia falë Ramushit nuk bëhet kurrgjë. Nëse e krahasojmë kontributin, po them kështu, po flasim me merita. Atë se ka paguar askush me rrogë për të luftuar për Kosovën, i ka pasë ato merita të veta. Nuk besoj që duhet me falë nëse e ka shkelë ligjin nëse nuk e ka shkelë ligjin, s’kemi çka debatojmë për këtë”.
Xhavit Haliti, patrioti që i ka vetëm 2-3 milionë euro …
Sa poshtë kemi rënë.
“Komandantët” kur është në pyetja hajnia, vjedhjet dhe vrasjet (e pazbuluar), e mbrojnë shoqi-shoin, sepse ata në këtë mënyrë e mbrojnë vetvehten.
Ramush, ti deshe të bëheshe edhe “president” dhe kjo s`ka kurrfarë behane sepse je kryetar partie dhe çdo parti dëshiron të vije në pushtet dhe ta mbaj pushtetin.
Po ti, Ramush deshe ti blesh votat ose ti marrës hua ato, apo s`është kështu?
”Nëse m’i japin votat për president, ua kthej edhe unë”
Ramush, a skuqesh së pakut tash për ato që i ke thënë publikisht në gazeta dhe në televizion?
Dhe ende ka të tillë, si ti e që të përkrahin ty dhe ende ti do të mbetesh në pushtet por, mos harro se populli nu khan barë e nuk harron.
Malmö, 16 dhjetor 2021
