Letër dashamirëse kritikuesve të mij për të vërtetën që vret më shumë se sa plumbi …!

Në foto: Jakup Kastrati me Wokerin, te cilin Hashimi e kishte burgosur me 1998

Sinan Kastrati (Turjakë), Suedi

Nuk është hera e parë që i kam ndërprerë fejtonet e mia kur kam shkruajtur për ”komandantët” dhe viktimat.
Pas publikim të pjesës së dytë, në Drini.us, dje më 13 Janar 2022 me titull ”Për qentë besnik dhe për qentë e burrështetasëve …!” që gjithashtu ishte vazhdim i shkrimit “Elegji për Beckin”, Kujtime, Drini.us, 11 Janar 2022 mora letra nga më të ndryeshmet, kisha vendosur të flas vetëm për qen por po e nderpres me shpresë se do të vije një ditë kur të thuhen ato që fliten vesh më vesh por edhe shkruhen.
Ajo që dihet, është se Hashimi, të gjitha viktimat e veta, i bleu, i rehatoi duke iu dhënë poste qeveritare e në përfaqësi diplomatike (Gjergj Deda, Veli Bytyqi) ndersa disa të tjerëve iu mbylli gojën me … si Cen Deskun i cila pa fije turpi, RRENE.

Cen Desku afër këshilltarit të lartë politik të HTH, Smajl Sylës, në inaugurimin e Hashim Thaçit kur zgjidhet ”president”. Ceni është viktimë, por i ka ndryshuar fjalët …!

Hashimi ishte edhe në Turjakë, në Damanek e në Bubël. Aty ishte Cen Desku, te Ahmet Rrahmani. Pse shkoi Ceni te Hashimi?
Ishte edhe sekseri, Isni Kilaj, një ish nxënës, më vonë kryetar komune etj.
Dhe shkaku pse po e ndërpres është presioni me anë të letrave dhe thash e thënave që nuk po mund ti bëjë ballë më e as ti duroj.
Një nga letrat private ishte e shkruar me plot emocione për heroizmat e Fatmir Limës, Hashim Thaçi dhe të UCK-së?! “UCK eshte e shenjte per mua (uck si ushtri jo per individ te caktuar te pasluftes). Ata jane heronjte e mi qe i pres te vin te na shpetojne (nxjerrë nga kontesti, në kohë lufte). Dhe po, po te mos ishin ata … sot do isha e vdekur. Une do te vazhdoj ta dua ushtrine time po aq shume sa ate dite kur degjova per here te pare per ta. Kete adhurm per ushtrine tone do ta mbaje deri ne fund te jetes”.
Nuk i bejë publike emrat e atyre që më shkruajnë privatisht në adresat e mia e as nuk polemizoj. Është e drejtëe çdo njërit ose njërës që të përkrah ose jo një formacion ushtarak, siq quhej UÇK-ja apo FARK-u, sikurse është e drejtë që të kenë simpati ose jo për përsonat e caktuar.
Atherë, unë vërtetë se unë kam shkruajtura për Fatmir Limën dhe Hashim Thaçin dhe do të shkruaj përsëri. Nuk them se nuk gaboj por çdoherë bazohem në të vërteta. Ato të vërteta dikujt mund të mos i pëlqejnë duhet të ballafaqohemi me faktet e kohës.
Në oden e Musli Ali Dervishit, mahallë e Dervishve, kështu quhen pasi që katragjyshi i tyre kishim pas marrë dorë te Shehi Rahavecit, ishte bërë “dervish” ishte e vjerrur një fotografi e një ish komandanti.

Une (Sinan Kastrati) në mes me djemtë e Ramiz Hoxhes, i pushkatur me 1998, me Fadilin dhe Enverin …

Në odat e shqiptarëve, nuk është adet që të virren fotografi të personaliteteve, bile nëpër odat e kullat, mund të them asnjëherë nuk kam pa fotografi të heronjëve të kohës, as të Skënderbeut e as të J. B. Titos.
Fotografitë e Titos, Kardelit e të … Rankoviqit i kam gjetur të vjerrura në ballinat e mureve të ish komunistëve shqiptarë (ish LKJ-së) por shkaqe politike dhe ata njerëz, me anë të atyre fotove, kanë mbërri në majat më të larta të mundshme, por si karieristë dhe askush nuk iu ka besua atyre. I tillë është edhe kusheriri im Faruki, një djalë i ri që dorën në zemër nuk e njoh ani pse kam qenë disa herë ose më saktë sa herë që shkoi në Turjakë, shkoi edhe në Damanek te axha i tj, Haki Alia, vëllai i madh i Muslisë, plaku më i vjetër në moshë.
”Komandantin”, fotografia e të cilit ishte vjerrë, është Fatmir Lima.
Fatmir Lima, djalin e mixhës së Farukit, Halil Azem Kastratin e ka keqtrajtua bashkë me ”Ftyrën”, ”Bashkim Finon”, me Nexhmi Krasniqin dhe ia ka marrë pasaportën dhe 3.200 DM. në katundin Lladrofc. Për Fatmirin dhe Hashim kam shkruajtur disa herë, dhjetëra herë.
“Pse e ndërpreva fejtonin “A kishte luftë çlirimtare në rrethin e Llapushës” ?”

Pse e ndërpreva fejtonin “A kishte luftë çlirimtare në rrethin e Llapushës” ?

“Prokuror Millaku, urdhëro faktet, burgose Hashimin!”, SINAN KASTRATI, Bota sot, 9 DHJETOR, 2016 NË ORA: 08:35
https://www.botasot.info/opinione/620101/prokuror-millaku-urdhero-faktet-burgose-hashimin/
Rasti më i rëndë është pushkatimi Ramiz Haxhës dhe Selman Binishit, në pabesi afër Banjës dhe burgosja, gjithashtu tradhtisht e Jakup Kastratit dhe e Cen Deskut, në Dragobi, në fund të tetorit 1998.’
Unë kam shkruajtur një fejton me 18 vazhdime me titull “A kishte luftë çlirimtare në rrethin e Llapushës”, ku ”heronjë” kryesorë i kam Hashimin, Fatmiri, Sokol Bashotën, Bislim Zyrapin, Gani Gjemë Paqarizin, por edhe avokatin nga Tërpeza, Bajram Krasniqin, me vendbanim në Prishtinë dhe disa të tjerë ndoshta dhjetëra viktima që nuk janë vrarë nga serbët por, dyshohet se vrasës janë shqiptarët kur Hashimi e … Fatmiri ishin përgjegjës për at ”zonë”, ”Zonën e Pashtrikut” duke fillua nga Qabiqi e deri në Bllacë dhe nga Sferrka e Gashit, në Padrime (Rahovec).
Për më shumë mund të gjinden në vegzat që i dërgova apo edhe në Google, me autor: Sinan Kastratin.

Hashim Thaçi në katundin Bubel, te Ahmet Rrahmani ”pajtohen” me Cen Deskun. Ay ishte Jakup Kastrati dhe Isni Kilaj

Dëshmitë që i kam sjellur dhe janë publikikua askush nuk mund ti mohoj.
Njerëzit janë vrarë dhe nuk kanë as varr. Të gjithë kanë emra e adresa dhe te shumica kam qenë dhe i kam pyetyr (intervistua, fjalë e rëndë, sepse nuk jam hetues policor e sa prokuror).
Ato që janë publikua, janë të mjaftueshme për të bâmat e tyre të pista, të Hashimit dhe të Fatmirit por është e pakuptueshme se si ende i përkrahin kur dihet se Hashimi është akuzua për krime lufte kundër njerzimit dhe është në paraburgim në Hagë, me Rexhep Selimin dhe … Kadri Veselin.

Fakturat dhe falsifikimet se si plaqkiteshin mërgimtarët (Halil Kastrati)

Pjesa e dytë, plotësim i fakurës së parë.

Disa nga viktimat e rrethit tonë, afro 10, mund ti gjeni në dy shkrimet, vegëzat që iu dërgova dhe se si janë rrahur fshatarët e Qabiqit, fshati i Mujë Krasniqit. Ndër ta, është edhe baba e Berat Buzhalës të cilin me krye teposhtë e kanë fut në bunar (pus).

“Nëse Hashimi është i pastër, le ta dëshmoj atje ku duhet, në gjykatë !”, Revista Drini, 26 Qershor 2020

Nëse Hashimi është i pastër, le ta dëshmoj atje ku duhet, në gjykatë !

Me Haki Alinë, vëllain e madh te Muslisë dhe axhen e Faruk Musliut nga Damaneki

Fund

Malmö, 14 janar 2022