Prof. Bajram Binaku, Pejë
Pasi qe e sfidoj veten, Arben Vitia, si garues për të parin e Prishtinës, njëkohësisht dhe si ministër i shëndetësisë, u pa se pa iu përkushtuar synimit me vizion të qartë, me “duar në xhepa”( nuk fitohet. Në një darsëm para lufte, kur sofrat shtroheshin, ndërsa dasmorët hanin mbi qylymë ulur këmbëkryq; një dajë imi vetem shiqonte. Unë si “kujdestarë” i asaj sofre ,po e pyes, përse nuk kishte nisur të hajë?
Ai ma ktheu;”nuk kam lugë”!. Unë i thash:”Ja luga, po paraprakisht hiqi duart nga xhepat”!
Pra, as me hëngër e pi nuk mundemi me duar në xhepa.
Gabimi i parë i Arben Vitisë ishte mos përkushtimi për fitore në Prishtinë, sepse nuk kishte dhënë dorheqje nga ministri i shëndetësisë, ndërsa kandidonte për kryetar të Prishtinës nga LVV. Kryerja e dy punëve njëkohësisht, nënkupton se asnjërën nuk mund ta kryesh deri në fund.
Duke qenë se pozita e ministrit të shëndetësisë ishte e hapur, erdhi pingul,
prej Amerike Rifat Latifi, një njeri përfekt, qe ishte dhe profesionist i mirë, madje dhe i cilësuar si punëtor i mirë nga subjekti të cilit i kishte takuar përpara. Të drejtën, as unë nuk kam pritur të kthehet më Arben Vitia në ministri, sepse pas humbjes si kandidat për Prishtinë, i kishte rënë imazhi, të cilin e kishte krijuar në LVV, si punëtor, politikan e madje dhe si i duhuri i profesionit me vite të tëra.
Unë gjatë tërë kohes dhe shumë para se të shndërrohej LVV në subjekt politik, kam njohur shumë mjekë të fushës, madje dhe aktivistë e veprimtarë politikë, qe do të mund ta kryenin detyrën e ministrit ashtu si ishin nevojat dhe kërkesat gjatë pandemisë dhe tutje.
Këta, sot janë pjesë e organizimit nëpër LVV dhe në qeveri. Poashtu, kemi profesorë të respektuar, qe mund t’i përballojnë dhe t’i zgjidhin problemet e grumbulluara me vite në këtë dikaster.
Rifat Latifi, padyshim se do të mbetet emër i nderuar në këtë qeveri. Por, sa ishte e dobishme ardhja e tij nga Amerika, kjo u pa, qysh në ditët e para të emërimit të tij në këtë post.
Mentaliteti kosovar, qe për një kohë të shkurtë, gjykon se mund ta ndryshojë gjendjen në mjekësi, ministri, është karakteristikë e këtij populli. Mjekësia ka rënë në një hendek, aq të thellë, sa qe, jo për një vit, po as për një mandat, mjekësia nuk mund të sillet në binarë të duhur. Ministri i dorëhequr, duke pasë, synim ndryshimin në ministrinë e shëndetësisë, në njerën anë dhe pamundësinë e realizimit të projektit, deshi të lirohet nga kompleksiteti i problemeve të grumbulluara me vite, sidomos, nga ato në QKUK.
Pa u pastruar aty grupet e interesit, klanet, elementet partiake, padrejtësitë e nepotizmi, vështirë do ta ketë secili ministër, qe do t’a pasojë z. Latifin.
Për ish ministrin, një është e ditur, se hyri e doli i pa korruptuar e me ndërgjegje të pastër.
Kryeministri e di se shëndetësia është në kollaps, në prag të falimentimit. Këtë e dëshmoj dhe eksperti gjerman me projektin e tij të publikuar para disa ditësh.
Prandaj mjekësia duhet të reformohet. Kosova ka mjaft personalitete të kësaj fushe, madje dhe aktivistë të kahershëm.
Tek i përzgjedhuri për këtë post duhet të mbizotërojë guximi, kreativiteti dhe puna.
Atë e pret një provim mjaft i vështirë për ta kapërcyer, kushdo qe të jetë ai!
