Autor : Lirim Gashi, Prishtinë
__________
Sado i rrezikshëm të jetë ekstremizmi fetar islamik, ai nuk paraqet një kërcënim serioz për paqen botërore, sepse i vetmi shtet islamik që posedon një bombë bërthamore është Pakistani.
Por bomba bërthamore e Pakistanit mund ta shkaktojë vetëm një Hiroshima, në rastin më të keq.
Prandaj vetëm superfuqisë botërore Rusisë dhe homologes së saj rajonale Serbisë i konvenon të përqendrojnë politikën ndërkombëtare tek kërcënimi i vogël nga ekstremizmi fetar islamik, për ta shpërqendruar atë nga kërcënimi i tyre i madh dhe i drejtpërdrejtë ndaj paqes rajonale dhe botërore.
Pra, vetëm superfuqia botërore Rusia dhe homologja e saj rajonale Serbia mund të jenë të interesuara për një shpërqendrim të tillë të vëmendjes.
Ne shqiptarët asesi nuk arrijmë ta kuptojmë se jemi viktima të paaftësisë sonë për të kuptuar se çfarë është e dobishme për ne si individë, si kolektiv, si komb dhe si shtet.
Për shembull, potencimet e vazhdueshme të dashurisë dhe besnikërisë ndaj popullit, atdheut dhe shtetit tonë nuk na sjellin aspak dobi, nëse nuk ndërmarrim veprime konkrete për ta dëshmuar atë dashuri.
Një fjalë e urtë gjermane thotë:
“Aty ku ka vullnet ka gjithmonë një rrugë”, që në gjuhën tonë popullore do të thotë se “vullneti ynë nuk është real, por vetëm deklarativ, sepse ne shprehim dashurinë dhe besnikërinë tonë ndaj popullit, atdheut dhe shtetit, vetëm për të përmirësuar. reputacionin personal dhe jo për ta dëshmuar apo dokumentuar me veprime konkrete.
Nëse Albin Kurti çuditërisht do të më pyeste :
Cilat masa urgjente do ta ndihmonin aktualisht qeverinë dhe vendin tonë për të dalë nga ky rreth vicioz në të cilin e mban peng Serbia me ndihmën e Rusisë, vendeve kyçe evropiane që janë nën ndikimin e saj dhe bashkëpunëtorëve të saj shqipfolës që paguhen nga agjencitë e Sputnikut për të minuar themelet e Kosovës, atëherë unë do t’i përgjigjesha si më poshtë:
Britania e Madhe është e vetmja fuqi botërore e cila jo vetëm që nuk e ka ndryshuar kurrë besnikërinë e saj të plotë ndaj Kosovës, por edhe që e ka demonstruar vazhdimisht me mbështetje konkrete.
Të lutem përdore miqësinë dhe besnikërinë e sinqertë të Britanisë ndaj Kosovës për të rritur ndikimin e shtetit tonë në politikën amerikane dhe izraelite dhe brenda muajit do të bindesh se sa shpejt mund të ndodhë mrekullia.
