Uashington DC – 5 Janar 2023
Tensionet e fundit në mes të Kosovës dhe Serbisë janë të nxitura nga përpjekjet e vazhdueshme dhe afatgjata të Serbisë për të minuar sovranitetin, integritetin territorial dhe përparimin demokratik të Kosovës, të gjitha të arritura me mbështetjen e fuqishme të Shteteve të Bashkuara të Amerikës, BE-së dhe parterëve tjerë. Aleksandër Vuçiq dhe regjimi i tij vazhdojnë të paraqesin rrezik serioz ndaj paqes dhe stabilitetit në rajon, kryesisht për shkak të lidhjeve të tij të ngushta me Putinin dhe Kinën, të cilat Perëndimi është duke i nënvlerësuar me naivitet. Kosova, ashtu si Mali i Zi dhe Bosnje-Hercegovina, shihet nga Vuçiqi si një pengesë ndaj qëllimeve të tij radikale, të njëjta me ato të mentorit dhe paraardhësit të tij, Sllobodan Millosheviq, për krijimin e Serbisë së Madhe. Ne të nënshkruarit, duke paraqitur pikëpamjet e gati një milion shqiptarëve që jetojnë në Shtetet e Bashkuara, e konsiderojmë të pafalshme që demokracia më e re dhe më pro-amerikane në botë vazhdon të përballet me trysni të jashtëzakonshme nga diplomatët e BE-së dhe ShBA-së.
Insistimi i Zëvendësndihmës Sekretarit të Shtetit Gabriel Eskobar dhe Ambasadorit Amerikan në Beograd, Z. Kristofer R. Hill që Kosova të bëj lëshime shtesë do ta minonte qartë qëndrueshmërinë e saj si shtet sovran dhe demokratik. Krijimi i një Asociacioni të Komunave me Shumicë Serbe, siç po kërkohet, do të ishte shkatërrues ndaj rendit kushtetues dhe karakterit shumetnik që Kosova e mishëron, duke e bërë shtetin jofunksional dhe të paqeverisshëm, ashtu siç ka ngjarë në Bosnje. ShBA-ja dhe BE-ja duhet ta kuptojnë qartë dhe ta pranojnë që gjendja aktuale nuk është çështje e të drejtave të pakicës serbe. Pakica serbe ka të drejta të mëdha – të garantuara me kushtetutën e Kosovës – të cilat ne vetëm mund t’i dëshirojmë që Serbia t’ua njohë mbi 100,000 shqiptarët që jetojnë në Luginën e Preshevës.
Ne jemi po ashtu seriozisht të shqetësuar nga deklarata vijuese e Ambasadorit Hill, që ka të bëj me kthimin e trupave serbe në Kosovë: “Natyrisht se qeveria e Serbisë ka të drejtë t’i drejtohet KFOR-it, por ajo mbetet çështje politike”. Kjo e dobëson rolin e ShBA-së dhe NATO-s dhe e rritë rrezikun e shtimit të tensioneve ndëretnike dhe të përshkallëzimeve. Forca e Sigurisë së Kosovës (FSK) ka rekrutë nga të gjitha etnitë, përfshirë serbët e Kosovës. Nëse ka nevojë për ta siguruar dhe mbrojtur Kosovën përtej asaj që KFOR-i e garanton, FSK-ja mund të ngritet në krye të detyrës. ShBA-ja dhe BE-ja duhet të përqendrohen në mbështetjen e FSK-së dhe në përgatitjen e Kosovës për NATO dhe BE, duke i kundërshtuar prerazi aludimet se është e tolerueshme që Serbia qoftë edhe të mendojë për ta sulmuar Kosovën përsëri. Ne besojmë vendosmërisht që nëse edhe vetëm një ushtar serb e kalon kufirin, atëherë Kosova dhe shqiptarët nuk do të kenë zgjidhje tjetër përpos të mobilizojnë kapacitetet e tyre mbrojtëse dhe t’i dëbojnë të gjitha trupat pushtuese nga vendi, krimet e të cilave janë ende të freskëta në mendjet tona.
ShBA-ja dhe BE-ja duhet të pushojnë së ledhatuari Serbinë dhe duhet ta refuzojnë lëvdimin e Vuçiqit dhe bashkëmendimtarëve të tij për shuarjen e kërcënimeve dhe problemeve të cilat i krijuan vet vetëm javë më parë. Politika e kohëve të fundit për barazimin e rremë të fajit në Ballkanin Perëndimor e ka nxitur një agresion të ri serb me qëllime hegjemoniste. Duke i paraqitur të dyja palët si përgjegjëse për përshkallëzimet dhe aktivitetin kriminal të mbështetur nga Beogradi, BE-ja dhe NATO janë duke e trimëruar agresionin dhe revizionizmin serb. Ne e shohim kundërproduktive dhe të papranueshme që, për shembull, ShBA-ja dhe BE-ja i quajnë barrikadat forma të “protestimit paqësor”. Raportimet nga mediat dhe burimet e besueshme dëshmojnë që barrikadat janë ngritur nga grupet kriminale dhe paramilitare, të komanduara nga Beogradi në bashkërendim me “Qendrën Humanitare Ruse” në Nish të Serbisë dhe me mercenarët rusë të Grupit Wagner.
Përderisa ShBA-ja dhe BE-ja i shohin barrikadat dhe kërkesat e Serbisë për kthimin e ushtarëve serbë si forma të trysnisë për detyrimin e Kosovës që të bëj lëshime, ata duhet të jenë syçelë ndaj pasojave: lejimi i Serbisë që të sillet me agresivitet rrezikon shkatërrimin e përpjekjeve për paqe dhe investimet që ShBA-ja, BE-ja dhe shtetet tjera demokratike i kanë bërë në Ballkan me dekada. Ky është një moment kyç në histori që të adresohet jostabiliteti i krijuar nga interesat hegjemoniste të Beogradit dhe të kthehet rajoni në rrugën e paqes dhe mirëqenies ekonomike. E vetmja mënyrë për ta arritur këtë është duke ia bërë me dije Serbisë – pa humbur kohë – që ajo ose e pranon pavarësinë e Kosovës ose e gjen veten në kundërshtim të drejtpërdrejtë me Perëndimin, NATO-n, dhe çdo aspiratë që mund ta ketë për të hyrë në BE.
— Për më shumë informata ju lutem na kontaktoni ne info@thepaac.org
Nënshkruesit e deklaratës, Organizatat shqiptaro-amerikane:
Federata Pan Shqiptare – VATRA
Kongresi Panshqiptar Amerikan (KPA)
Batalioni Atlantiku – Atlantic BattalionShoqata Malesia e Madhe, New YorkShoqata Malesia e Madhe,
Michigan Komuniteti Shqiptaro-Amerikan nga Illinois (KShAI)Rrjeti i Bizneseve të Diasporës ShqiptareShoqata Peja – New YorkShoqata KrajaShoqata Ulqini – ChicagoShoqata ÇameriaShoqata Prespa – Chicago
Shoqata UskanaFondacioni Plavë GuciShoqata Ana e Malit Shoqata Valet e LiqenitShoqata Jehona – Michigan
***
Further Appeasement of Serbia Risks Serious Escalations in the BalkansWashington, D.C. – 5 January 2023,The recent tensions between Kosova and Serbia are fueled by Serbia’s ongoing efforts and long term plans to undermine Kosova’s sovereignty, territorial integrity, and democratic progress, all of which have been achieved with strong support from the United States, EU, and their partners. Aleksander Vucic and his regime continue to pose a serious threat to peace and stability in the region in large part due to his close ties to Putin and China, which the West has been naïvely underestimating. Kosova, along with Bosnia and Montenegro, is seen by Vucic as an obstacle to his radical aims consistent with those of his mentor and predecessor, Slobodan Milosevic, namely the creation of Greater Serbia. We the undersigned, representing the views of nearly one million Albanians living in the United States, find it inexcusable that the youngest and most pro-American democracy in the world continues to face inordinate pressure from EU & US diplomats.
The insistence by DAS Gabriel Escobar and the US Ambassador to Belgrade, Mr. Christopher R. Hill, on further concessions by Kosova would clearly undermine its viability as a sovereign and democratic state. The creation of an Association of Municipalities with Serbian Majorities, as being advocated, would be detrimental to the very constitutional order and the multi-ethnic character Kosova embodies today, threatening to make the state dysfunctional in a way we have seen with Bosnia. The US and the EU ought to understand and accept that the current situation is not an issue of Serbian minority rights. The Serbs from Kosova have extensive rights – enshrined in Kosova’s constitution – which we could only wish Serbia equivalently granted to over 120,000 Albanians in the Presheva Valley.
We are also gravely concerned by Ambassador Hill’s declaration that “[of] course, the government of Serbia has the right to address KFOR, but this remains a political issue,“ as it pertains to the return of Serbian troops to Kosova. This weakens the role of US and NATO and increases the risk for more ethnic tensions and escalations. Kosova Security Force (KSF) has recruits from all ethnic backgrounds, including Kosova Serbs. If there is a need to secure and defend Kosova beyond what KFOR guarantees, KSF can rise to the task. The US and EU should focus on supporting KSF and Kosova to be ready for NATO and EU while vehemently reject allusions that it is tolerable for Serbia to even think about assaulting Kosova another time. We firmly believe that if a single Serbian soldier were to cross the border, then Kosova and Albanians will have no choice but to mobilize their defenses and chase out any invading troops.
The US and the West need to stop appeasing Serbia and reject praise for Vucic and his cronies for solving threats and problem mere weeks after he engenders those himself. The recent policy of falsely equalizing blame in the Western Balkans has encouraged renewed Serbian aggression and hegemonic aims. By depicting both sides as responsible for Belgrade-backed criminal activity and escalations, the EU and NATO are emboldening Serbian aggression and revisionism. We see as counterproductive and unacceptable that, for instance, the US and the EU are calling the barricades as means of “peaceful protests.” Reports from reliable sources and media prove that the barricades have been erected by criminal and paramilitary groups, commanded by Belgrade in coordination with the ‘Russian Humanitarian Center’ in Nis, Serbia and the Russian mercenaries from Wagner Group.
While the US and EU may see barricades and agitating requests for the return of Serbian soldiers as means of pressuring Kosova into making concessions, they must be acutely aware of consequences: letting Serbia act aggressively risks wrecking the peace efforts and investments the US, EU, and other democratic governments have made in the Balkans for decades. This is a key moment in history to resolve the instability generated by Belgrade’s hegemonic interests and return the region to a path of peace and economic prosperity. The only way to achieve it is by making it clear to Serbia – without delay – that it either accepts Kosova’s independence or it shall find itself decisively against the West, NATO and any possible aspirations, if any, it may have for joining the EU.
—
Signatories of the Statement, Albanian American Organizations:
Pan-Albanian American Congress (PAAC)Pan Albanian Federation of America VATRABatalioni Atlantiku – Atlantic Battalion
Albanian-American Community of Illinois (AACI)Malesia e Madhe Association, New YorkMalesia e Madhe Association, MichiganAlbanian Diaspora Business NetworkPeja – New York AssociationKraja Association Ulqini Association – Chicago
Çameria Association
Prespa Association – Chicago
Uskana AssociationPlavë Guci FoundationAna e Malit Association
Valet e Liqenit AssociationJehona Association – Michigan
