Letër për Albinin

Për m’i pasë, mbi 50%, të votave e me u kritikue, për çdo gjë, të mirë apo jo, qe bën, është e pa imagjinueshme ta paramendojë një kokë normale e njeriut.

Ti shkon në Tiranë, kritikohesh, shkon në Bruksell, kritikohesh. Veç, kur të kritikojnë edhe kur shkon në toalet. Ti, Albin, ke shkue me kërkesa të qarta në Bruksell, e këta, të kritikojnë, se nuk prure asgjë nga Brukselli. Ti më këto kreatura njerëzish, qe e kanë humbë pushtetin, nga populli, e qe tani janë në opozitë, vështirë se do t’ia dalësh. Sepse këta, janë adhuruesit më të fuqishem, nga brenda, të Vuçiçit, se sa lista serbe me krejtë Serbinë. Të quajtën sharllatan, mashtrues, të pa aftë e me lloj lloj epitetesh. Ti e ke vështirë, sepse këta kanë instaluar një sistem, aq të fuqishem, si në politikë, poashtu dhe në mjetet e informimin , një mur kinez, sa që me ju kundërvue me politikë e ke të pa mundur.

Këta, jo veç në parlament, po dhe ku do të mundën do të inskenojnë dhe do ta luajnë rolin e viktimës, vetem, qe të heqin nga pushteti.

Këta nuk e qanë bythën për fatin e Kosovës, për ndarje, për varësi nga Serbia. Këta thjeshtë donë të jenë në pushtet dhe askush mos të ketë mundësi ti ndjekë penalisht, për krime, për vjedhje e korrupcion.

Mos harro, Albin Kurti, këta kanë ndërtuar një perandori me kapital të popullit, me djersën e baballarëve tanë. Kosovën e kanë bërë rrush e kumbulla regjimi i egër i Hashim Thaqit, Isa Mustafës e Ramush Haradinaj, të cilët, veç e veç i kanë bizneset dhe biznesmenët me të fortë në vend. Ata. me do tjerë, edhe sferat e interesit i kanë të ndara. Po, veç kësaj këta kanë prona e para nëpër bankat e huaja, me të cilat, mund të financojnë sherbimet e huaja, për të të hequr nga pushteti.

Këta janë kriminelë, mund edhe të të vrasin pas shpine, qe ta shpëtojnë kapitalin e fituar në mënyrën më të ndytë. Këta kanë privatizue prona vlera e tyre ishte më e vogël se e mjeteve, makinerive e aseteve, të cilat i shitën pastaj në Greqi e Turqi.

Duhet një dokumentacion, me i gjatë se gjitha rrugët e ndërtuara me korrupcion, pas lufte, nga këta, qe ti përfshijmë në një bilten, me qindra libra, të bëmat e tyre, në dem të qytetarëve e Kosovës.

Ti, ke paraqitur një projekt, për zgjidhjen e shumë problemeve, në mënyrë qe Kosova të nxirret nga hendeku, qe e kanë futur keqbërësit. Po mendoj, qe nuk janë renditur sipas situatës dhe zgjidhjes, qe kërkojnë. Fal shkencës, imunizimi, në Kosovë po rrjedh në binarë të mbarë dhe, të shpresojmë, qe mos të kemi humbje, më tutje nga kjo pandemi.

Një renditje e re do të ishte më se e nevojshme.

E para, Vetingu

Do të duhej, qe, fillimisht, të insistohet në prokurori e gjyqsi, për azhuritet me të madh. Kjo do të thotë, punë intensive dhe kualitative. Dihet, se deri me tash, performanca e prokurorëve dhe gjykatësve ishte numri i lëndëve të kryera. Jo! Kështu nuk zgjidhen lëndët, po, në bazë të rëndësisë dhe vlerës se demit të shkaktuar. Pra, duhet filluar shqyrtimi i lëndëve penale me rrezikshmëri të lartë, fillimisht, të peshqve të mdhenj e kështu me radhë. Pastaj, këta prokurorë e gjykatës, vet do ta kuptojnë se ku e kanë vendin. Po punuan mirë dhe po, janë të pa korruptuar, madje dhe mund të avansohen.

E dyta, Ndihmat

Duhet të krijoni kushte, qe secili banorë i Kosovës të ketë, mundësi për të jetuar

Tu ndihmoni institucionalisht, jo përmes shoqatave, të cilat nuk i kontrollon askush dhe mund të qarkullojnë më mjete financiare të dyshimta.

E treta Forcimi ushtarak.

Duhet ta forconi, policinë ushtrinë, AKI-në, në mënyrë, qe asnjë sherbim i huaj apo i brendshëm mos të mund ti cenojë interesat kombëtare.

E katërta Shqipëria

Të krijohen kushtet ekonomike e politike, të funkfsionimit të dy shteteve, sikur të ishin të bashkuara. Të unifikohet, tregu, programi shkollor, e drejta në pronë, e drejta në shëndetësi, barabarsisht në të dya vendet tona, sikur të ishte një shtet.

Kështu do të krijohet një infrastrukturë ligjore, për ti hedhur para gjykatave, përmes hetimit prokurorial, të gjithë personat, qe kanë rënë ndesh me ligjin dhe kanë shpërdorur me pushtetin, duke krijuar kapital për veti, familjarë, shokë e miq. Kjo do të ishte një zgjidhje e suksesshme për shkatërrimin e klaneve të krimit në Kosovë. Pastaj, edhe bisedimet me Serbinë, punësimin e kështu me radhë.

Nese arrinë ta bësh këtë do të isha shumë i lumtur, qe përmes ekranit të televizorit të të shof duke i bërë vizitë burgut të sigurisë se lartë të Dyzit dhe duke ecur nëpër tepihin e kuq!