Gjergj Kabashi
____
A e dini…?
***
A e dini që “Tallava-Populli” që jeton në Gadishullin Ilirik apo Shqiptarët që su dëgjohet zëri si shiptarë, janë popull pa histori !?
Se “tallava-populli” nuk ka si të ketë histori të vetën, pasi në tokën e tij lejon (për shkak të gjumit të rëndë “arnaut”, që kurrqysh nuk po e lëshon), ti mbillen histori dhe kultura të huaja!
A e dini se “bikërit” e “Arnautllukut” e kanë kokën në Ankara, e cila ua meremeton dhe ndërton xhamitë krejt gratis, si të investonte në ndonë vilajet të dikurshëm osman të saj !?
A e dini se i ashtuquajturi KOASH (anti-KOASH i Janullatosit), e ka kokën në Athinë?
A dini që Sava Janjiq , përpos në “srpsku zemlju Kosmeta”, e ka kokën në Beograd?
A e dini që të gjitha këto përmbysje (sidomos në Kosovë), i ndihmuan “kUmanDantëT”!
A ju kujtohet kur në vitin 2004, budallica “arnaute”, e kallte kishën ortodokse hipur në kulmin e saj, me flamurin e kombit shqiptar në dorë?
Dhe sigurisht që e dini se fotoja (video) e asaj murrice “arnaute”, e pati marrë dhenë?!
A keni sy në ballë e mendje në kokë për të pa se si një komunitet fetar (i lidhur fort me Turqinë neootomane), na e mbushi vendin cep më cep me xhami, sa që më nuk ngjajmë në vend shqiptar?
Ata nuk do të kishin mundësi ta bënin këtë krim të jashtëzakonshëm antikombëtar të fshehur pas “të drejtave e lirive njerëzore”, po të reagoje ti, tjetri e tjetra si shqiptar e shqiptare…?
A e dini se shqiptarit nuk i jipet fjala kurrë, krahasuar me dofar lindamorinash, qe njëzet e kusur vite?
A e dini që gjatë gjithë kësaj kohe është ndjekur atdhedashuria shqiptare?
A e dini që “ne” e kemi lidhë vetvetën dhe ardhmërinë tonë me zinxhirë të rëndë?
A e dini që në Kosovë po bëhet ajo që pikëpërpikë e ka dashur SANU , se SANU, nuk bënë polemika idhnake rexhepqosiste?
Ne tash s’kemi çka të bëjmë, se këto pyka të SANU-s, i kanë vënë HTH, IM, LH , duke menduar se po veprojnë për të mirën e Kosovës, por ishte në të mirën e çizmes së forcës së sigurisë së Serbisë, si dhe për shkak se dikujt i digjte “b..tha”…, pasi ia kishte vënë therrën në këmbë vetës pa pikë nevoje!
A e dini se qe pothuaj 45 vite Akademiku Gjuriq nga Beogradi , e ka pas planifikuar variantin më të butë “nëse humbet Kosova”, shpalljen e saj si “tokë të askujt”.
Do të thotë e të gjithëve njësoj, edhe e atyre që janë mbi 93 % e edhe e të tjerëve.
A e dini se në këto teza u bë Kosova shtet multietnik, në bazë të Kushtetutës Ahtisari?
Dhe a e dini se pastaj serbët largpamës bënë probleme të vazhdueshme dhe vendin “multietnik” të Kosovës e bënë vend njëetnik të “popullit serb” të saj?!
A e dini se të burgosurit e panumërt politik dikur, janë arrestuar e burgosur kryesisht prej shqiptarëve, se serbët nuk dinin se çka po flasim ne me njëri-tjetrin.
A e dini se islamin politik e kemi dhuratë danajsh prej dikujt nga Shqipëria , e se kush ia kishte lënë atij/atyre “në dorë” …, është çështje tjetër.
A e dini se gjyksamani Musliman nga Tirana, Abdi Baleta, që na rrente se është nacionalist i madh shqiptar përpara luftës, pas sulmit në Kullat Binjake në New York me 11 Shtator 2001, nuk vonoi shumë dhe shkroi librin më antishqiptar të mundshëm, “Populli shqiptar përballë terrorizmit intelektual të Falaçit”.
Pra, Muslimanit turkomadh A.B. , ia kishte zënë rrugën shkrimtarja dhe gazetarja e madhe botëore, me prejardhje italiane, Oriana Falaçi dhe libri i saj, “Mllefi dhe Krenaria”.
Etj, etj…
Dhe a e dini se shumë vrasje ndërpartiake, janë bërë nga shembulli i egër dhe antinjerëzor i dikujt prej Shqipërisë …!
Prandaj, nuk duhet të befasohmi kurrë për atë që na ndodhë , pasi ne nuk jetonim këndejpari, prandaj na ndodhin të gjitha këto kur mungojmë ne…?!
Pastaj: A e dini që bota demokratike (as une si një ndër shqiptarët , nëse do të kisha fuqi) , nuk e lejon mbjelljen e “Lindjes së Mesme” apo “Kandaharit”, në atë pjesë të botës?
Po të isha MbiNjeri do ti kisha dhënë jetët e pafundme që Shqiptaria jonë të mos shndërrohej prej xhamive turko-serbe-arabe, në Muslimani…!
Secila kulturë – e ka vendin e vet, në vendin e vet!
A e dini se Serbia e ka ndihmuar me agjenturë këdo që ka pasur si qëllim e synim islamizimin e vendit tonë?
A e dini se ajo deshti ti tregonte botës, madje edhe arriti ta bindte shumëkend se ne “donim Liri Muslimane”, duke na e pshurrur përpjekjen historike dhe përgjakjen dhe vuajtjen shumëshekullore për Lirinë Shqiptare?!
A e dini që krejt strukturat e shërbimit sekret të Kosovës (i gjithë rrjeti), është urdhëruar pas luftës që të vraponin “për ardhjen e lirisë muslimane”?
A e dini që ajo Serbi që e ka ndihmuar Turqinë dhe këdo që deshti të na islamizonte , përderisa në anën tjetër e përdorte dhe e përdorë argumentin e islamizimit se “keni luftuar e na keni bombarduar për një krijesë shtetërore Muslimane”?!!
___
Serbët nuk na duan ndryshe, pos si Musliman !
***
Pothuaj qe afër 150 vite Serbia (me Rusinë pas) me çdo kusht synojnë ti islamizojnë shqiptarët. Ata nuk janë pajtuar kurrë që Shqiptarët të mbeteshin ata që ishin: Shqiptarë! Ata kanë dashur që të ishim vetëm mysliman me M të madhe! Madje , Rusia nuk ka ndejtur kot por ka dërguar edhe agjentë që e kanë luajtur rolin e imamëve, qysh në kohën e pushtimit turk-osman! Madje njeri prej tyre është edhe personazh i romanit “Misioni Rus” i shkrimtarit Ibrahim Kadriu dhe ka shërbyer si agjent i fshehur pas punës si imam në Prizren derisa kryeqyteti i shqiptarisë bije nën pushtimin e Serbisë.
Edhe Velika Medresa “Krala Aleksandra” në Shkup (Medreseja e Madhe), është hapur urgjentisht nga Serbia në vitet e saj të para të pushtimit. Aty janë shkolluar agjentë gjoja myezinë që pergatiteshin t’ua bënin lule e dritë Turqinë shqiptarëve. Për ti shpërngulur në “vendin e vet mysliman”, që ishin toka dhe shtëpi të shkreta të armenëve dhe kurdëve.
Dhe Dheun e tyre të Arbërit, t’ua linin serbëve dhe malazezëve!
Kjo që shkruhet serbisht për këngëtaret botërore Dua Lipën, Rita Orën dhe vajza e gra të tjera, të njohura e të panjohura dhe shpifjet tipike serbe se gjykohen nga të gjithë (Svi ih osuđuju . Ne možete da nosite krst oko vrata jer ste Muslimanke = Nuk mund ta bartni kryqin në qafë se jeni Muslimane) e tregon hapur shpirtin e keq dhe urrejtjen e pa fund serbomadhe dhe mospajtimin e tyre që të jemi vetvetja, vetëm ata që duam që të jemi si dhe gjithmonë ta kujtojmë të kaluarën tonë shumëshekullore si të krishterë.
A ko te sada pita, Srbijo …! (E kush të pyet tash, Serbi …!)
Heshtja e tyre, është sëmundja e tyre …!
***
Islamikët mund të jenë në mesin tonë, por atyre nuk u dëgjohet zëri me muaj e vite. Megjithëse janë duke bërë roje – për Islamin! Heshtja e tyre është sëmundja e tyre, “azili” i tyre shpirtëror, ikja në një realitet dhe botë tjetër imagjinare. Ata e ngrenë kryet papritë e kujtue vetëm kur u preket “Kurani famëlartë”, por jo kur fyhet e përpiqet poshtërimi i Gjergj Kastriotit, Pjetër Bogdanit, Hasan Prishtinë, Idriz Seferit.
Politikani i djathtë danez Rasmus Paludan e dogji një ekzempalr të Kuranit përderisa e mbajti një demonstrim publik në afërsi të ambasadës së Turqisë në Kopenhagen me 21 janar. Foto: Fredrik Sandberg/TT
***
Islamistët shqipfolës nuk i shqetëson gjendja në Preshevë, apo synimet për t’ia imponuar Kosovës “asociacionin e komunave serbe”, por vetëm Islami dhe Kurani!
Ata janë shembull i madh (për të keq) , se çka është në gjendje ti bëjë vetës një popull i pa vëmendshëm!
Islamikët shqipfolës , që janë të vdekur mendërisht, nuk e kuptojnë se Bibla, Kurani, Talmudi etj, me gjithëse cilësohen si “libra të shenjt” është e drejtë e dikujt që mund të mendoj se duhen kallur publikisht , për të përçuar ndonjë mesazh ndaj politikave të caktuara religjioze.
Praktikimin e religjonit të caktuar, apo mospraktikimin e asnjë religjioni, nuk ka të drejtë ta pengoj askush, pasi është e mëktshme ti prekësh njeriut në nevojat e tij shpirtërore; por të mos reagosh kur një grua e re si kjo dënohet për tu mbytur me vinç, është panjerëzi dhe egërsi e madhe njerëzore.
Autoritetet iraniane kanë dënuar një grua shtatzënë në fillim të të 20-ave me vdekje dhe ekzekutimi është i pashmangshëm. Shahla Abdi është një kurde etnike. Ajo u arrestua në mes të tetorit kur gjërat zienin gjatë protestave mbarëkombëtare të shkaktuara nga vrasja e policisë së moralit islamik të Mahsa Amini në shtator. I vuri flakën fotografisë së themeluesit të Republikës Islamike, Ajatollah Ruhollah Khomeinit.
***
Kjo vajzë e re, kjo nuse e re shtatzënë në muajin e katërt, dënohet me vdekje vetëm se e ka kallur foton e ajetullahut aktual të Iranit.
Kjo është arrestuar si një ndër pjesëmarrëset aktive për heqjen e shamisë , pas vrasjes së Aminas, vajzës së re kurde të Iranit.
Islamistët e gjorë “arnaut” kërkojnë edukim dhe arsimim të vazhdueshëm , por edhe displinim rigoroz shtetëror, se ata nuk i kuptojnë kurthet e hoxhallarëve antishqiptare që luftojnë si të marrë për t’ua mbuluar kokat me shami vajzave dhe grave shqiptare, që ata mendojnë se i takojnë islamit familjarisht.
Duhet kuptuar se të luftosh për “çështjen e shamisë” në Kosovë, apo kudo tjetër në shqiptari, është sikur ta kthesh prapa rrotën e historisë njerëzore.
Populli në Iran vazhdon të jetë në këmbë për ti hequr shamitë e imponuara në kokat e vajzave dhe grave nga regjimi teokratik, andaj shqiptarët duhet të jenë të pamëshirshëm ndaj të gjithë atyre që përpiqen për islamizmin e shoqërisë shqiptare.
Në anën tjetër, në Kosovë “hoxha i moderuar” Labinot Maliqi lufton dhe kërkon ndihmë edhe nga SHBA për t’ua vënë shaminë sa më shumë femnave, “motrave të tij muslimane!”.
Dreq, o punë …!
__
Më raportoj për Daciqin dhe Erdoganin
***
Po më duket që më lajmëroi një preshevar tek xhandarmëria e fb, për shkak të komentit tim rreth lutjeve të Ivica Daciqit, Ministrit të Jashtëm të Serbisë që ia kishte bërë Presidentit Erdogan të Turqisë, për të ndikuar tek “Kosova e tij muslimane”!
Më paskan paralajmërue se une , si gjithmonë, “nuk i respektoj standardet”.
Postimi yt është në kundërshtim me Standardet tona të komunitetit për përmbajtjen e bezdisshme, më thanë xhandarët që e ruajnë Preshevën, Bujanocin, Medvegjën dhe mbarë Kosovën prej meje!
Ata e ruajnë me standarde shumë të larta Shqiptarinë , si dhuratë të çmuar për serbët, grekët dhe turqit “e qytetëruar!”.
“Standardet” po i respekton Serbia , që sëbashku me Turqinë neoosmane po na e mbushë vendin qyk më qyk me xhami, mu ajo Serbi që po i largon një nga një nga vendi i vet shqiptarët nga Lugina e Preshevës.
He medet për neve…, po se si na “kishte falë zoti” për me ia kënaqë zemrën çdo armiku?!
__
Qashtu asht, Albin Kurti …!
***
Aaaaa, topi si luen këto fjalë, këto “arra pa thelb brenda”!
Albin Kurti do të duhej ta kishte pyetur gruan e vet të zgjuar se si veprohet në Norvegji, se a iu shkon Mbreti, kryeministri a Kryekuvendari udhëheqësve fetar në takime a jo?
Se a ua urojnë Krishtlindjet, Pashkët etj., sikurse që veprohet tek ne?
Serbët e Grekët e kanë një arsye që i urojnë të parët e kishave të tyre, se ato janë në favor madje prijëtare të nacionalizmit ekstrem në vendet e tyre, diktuese të tij, përderisa ky që e vizitoj Kryeminitri ynë pa asnjë nevojë e arsye dje , me vepër është lojal ndaj një kombi tjetër me të kaluar armiqësore historike ndaj nesh, i cili për interesat e veta ekspansioniste po na e fetarizon vendin me investimet religjioze që s’po marrin fund?!…
Para se ta këshilloj gruaja e nderuar e tij, po i them une: Jo, jo…!
Në asnjë demokraci europiane nuk është feja ajo që në cilëndo mënyre i dikton shtetit , se shteti qartësisht me Kushtetuta është i ndarë prej religjionit.
Askund në botë nuk veprohet kaq mbrapsht dhe me pasoja për sigurinë kombëtare e shtetërore, sikurse tek ne , ku as Kryeministri se respekton Kushtetutën!
Në vendet europiane mbyllen kishat se nuk ka frekuentues pasi askund nuk bëhet propagandë fetariste për shtimin e tyre, sikurse në Kosovë ku bëhen propaganda të tilla dhe ku Turqia për interesat e saja gjeostrategjike i derdh mbeturinat fetariste të saj , duke zbrazur thasë me para për investime religjioze të saj në “Arnautlluk”, si të zbrazte m në ndonjë wc publike.
Të gjithë pa përjashtim kemi pritë nga Albini reflektim kombëtara e njerëzor në raport me ruajtjen e identitetit kombëtar, e jo ti dorëzohet një personi që me vepër është kryeekstremisti dhe mohuesi numër 1 i kulturës, historisë, traditave, dokeve e zakoneve shqiptare.
Nëse Vjosa Osmani Dje është takuar me Papen në Vatikan, është takuar për të mirën e Kosovës, për forcimin ndërkombëtar të shtetësisë së saj , pasi Vatikani është shtet brenda shtetit në Itali, ndërsa ti nuk pate nevojë ta takoje Pikërisht Dje Naim Tërnavën , që për fat të keq mbrohet e mbahet si beg i Perandorisë Osmane, mu nga pasuesja e asaj perandoria sot.
Me këtë takim Albin Kurti dërgon mesazh të keq (porosi) tek publiku, që në mungesë informatash mendon se NT është i mirë për ne.
Ai është i mirë e i dobishëm për tjetërkend, e jo për ne…!
Në këtë mënyrë dhe me kësi shembujsh të kqinj, e bëjmë popullin tonë të lëndueshëm, pasi kështu i japim pa dashur identitet fetar dhe pastaj duhet ta marrim “me të mirë” NT a tjetrin “për popullin e tij Musliman”, posa dikush të vizitoj Vatikanin apo këdo tjetër në “Kaurri!”.
Pse u dashka falenderuar NT “…për frymën e tolerancës e të harmonisë fetare”?
Pse u dashka të më toleroj (duroj) dikush mua apo une atë?
Pse kur ky term është mëkat edhe të përmendet, pasi ne e bëjmë jetën tonë njerëzore dhe për gjërat intime që i takojnë ndërgjegjës sonë, s’kemi pse ta pyesim askend, pra as Naim Tërnavën apo Dodë Gjergjin.
Ne i kemi të drejtat tona njerëzore dhe ato që na i garanton edhe Kushtetuta e Kosovës.
Dhe-Pikë!
E përsëris se, përpos Ibrahim Rugovës, që nuk la asnjë pasardhës politik (megjithëse ishte gjigand i kulturës për rrethanat e atjeshme shqiptare) , të tjerët nuk patën fuqi e as që u përpoqën për të mirën e shqiptarizmës, për të mirën e nacionalizmit modern shqiptar.
Kjo do të mbetët një fatkeqësi e madhe kombëtare, që kanë për ta paguar shtrenjt Shqiptarët Sot , sikurse edhe Nesër …!
Një tjetër gabim …!
__
Pas vizitës së Osmanit në Vatikan, Kurti pasi me BIK-un flet me Ipeshkvin për statusin e kishës katolike në Kosovë.
Një ditë më parë Kryeministri i Republikës së Kosovës ishte pritur nga Naim Tërnava, ndërsa më 24 janar u prit nga Ipeshkvi i Ipeshkvisë së Kosovës, imzot Dodë Gjergji.
Në takim u theksua përkushtimi i Qeverisë për garantimin dhe respektimin e plotë të lirisë fetare, në mënyrë të barabartë, për të gjithë qytetarët e Republikës së Kosovës.
A duhet ligji për komunitetet fetare të cilit duhet ti nënshtrohen të gjitha komunitetet, apo takime të tilla të Kryeministrit me prijësit e tyre?
A duhej takim edhe me prijësin e ortodoksve të Kosovës apo ai e ka udhëheqjen në Beograd?
Sikurse tjetri që e ka në Ankara…?!!
***
Thjeshtë, a është e nevojshme që një President , Kryeministër, Kryekuvendar apo tjetri udhëheqës shtetëror, të flas pres apo shkoj në takime me udhëheqës të komuniteteve fetare në vend për punët që rregullohen me ligj dhe mundet ti kryej tjetërkush?
