Prof. Bajram Binaku, Pejë
Vëllezër e motra shqiptar. Këto ditë gjithë shqiptarët e vërtetë janë në anlth, se çka do të ndodhë në ditët dhe muajt në vijim. Kosova po përjeton një agoni, pothuaj si të ditëve të të njejtit muaj, të muajit shkurt të vitit 1989. Atëherë kur satrapi serb Millosheviq, aneksoj Kosovën më kushtetutë. Pasoj ngujimi i minatorëve, protestat e tubimet të kota, sepse Kosova kishte rënë totalisht nën okupim klasik serb, duke e futur edhe qirilicën si shkrim zyrtar në Kosovë. Për 10 vite me radhë shqiptarët ishin në luftë të pa rreshtur me Serbi. Inskenimet ishin më se të përditshme, si shishja e Martinoviqit, prerja e fidanëve të serbëve nga “shiptari”, mbrojtja e pragut të shtepisë nga “srbska majka”e të tjera të pa numërta.
Të gjitha këto “zullume”shqiptarësh , në sy të pushtetit serb ishin “material”për t’i tregue botës se shqiptarët dhe Kosova nuk meritojnë as republikë e as pavarësi. Masakrat serbe të luftës se fundit mbi popullatën e pa armatosur, kishin qëllimin e përndjekjes përtej kufinit. Nuk ishte e kotë as marrja e dokumenteve përsonale nga policia kufitare serbe. Shqiptarët rezistuan me sa munden, po në përgjithësi nuk kishin mundësi për një luftë frontale, përballë një armiku të armatosur deri në dhëmbë. Nuk armatoset një popullatë me kuaj e mushka, duke ecur kreshtave e maleve të pa kalueshme. Këto ditë jetojmë në ankth! Në njerën anë nga gatishmëria e zhandarmerisë e ushtrisë serbe për ndërhyrje në Kosovë e në anën tjetër nga presioni i perëndimit për ta pranuar ndarjen e Kosovës, jo në dy pjesë, po në dymbdhjetë sosh! Pas shpalljes se pavarësisë sipas “kushtetutës se Ahtisarit” Kosova do të formohej si shtet multietnik me: një flamur të ri, me një himën të ri, më gjuhë të barabarta të të gjitha etnive, për të gjithë banorët e saj.
Shqiptarët u dorëhoqen nga simbolet kombëtare, për hirë të pavarësisë. Por prej pavarësisë se shpallur, serbët injoruan gjitha përparësitë. Për deri sa në të gjitha komunat, fshatrat e rrugët me banim shqiptarësh u zbatua njëkohësisht gjuha emërtuese e toponimeve, pra në dy dhe tri gjuhë, në enkllavat serbe e në veri kurr s’u zbatue dy gjuhësia. Madje as simbolet, festat e programet mësimore. Bie fjala pak kilometra larg Prishtinës, Qagllavica është shtet më vete: Ka spital, shkollë, rrugë, qe nuk zbatojnë kushtetutën e ligjet e Kosovës. Gjithë këtyre të kqiave u kanë parapri qeveritë e kaluara me pa aftësitë, budallëqet, apo dhe shantazhët. Ato madje nuk respektuan as qeverinë Kurti, e cila fitoj mbi 50% në zgjedhjet e fundit. Tani ka dalë një pengesë e madhe për realizimin e sovranitetit të Kosovës, qe është asociacioni i komunave serbe! Fatkeqsisht kjo ide e nënshkruar në Bruksel nga Hashim Thaqi me 2013, pastaj edhe nga Isa Mustafa me 2015, në vazhdimsi, është përkrahur nga shoqëria civile dhe partitë, të cilat tani janë në opozitë. Si mund të kemi një shtet multietnik i cili teritorialisht i ka dy etnitete? Kjo është lojë e perëndimit dhe një trysni e pa shembullt, qe i bëhët qeverisë Kurti! Mendoj se këtu ka një plan sekret në dëm të sovranitetit të Kosovës.
Serbia do t’a bojkotojë Rusinë me kusht të përfitimit të kompetencave shtesë, si në veri ashtu dhe në jug të Kosovës. Në këtë rast perëndimi, si po duket, ka premtue asocoacionin një etnik serb në gjithë territorin e Kosovës Pra, kështu, çështja e Kosovës të mbetët de fakto e de jure e pa zgjidhur. A ja kemi bërë hyzmetin krejt këtyre rrjedhave, besoj qe po: Asnjëherë rreth asociacionit nuk kemi pasë qendrime të unisuara. Ç’është edhe më keq, disa subjekte vazhdimisht kanë mihë në pavarësinë e Kosovës, si BIK-u, mjetet informative, analistët e spiunët e tipit të Spahiut, Matoshit, Haxhiut etj. Tani kur ka ardhur veja të bytha, tentojnë t’ia lënë pataten e nxehtë Albinit, por ky nuk do ta marrë.
Prandaj doli me një deklaratë se, “nuk bën të dalë qerrja para kalit”! Ai deklaroj, përse të kemi asociacionin si parakusht për bisedime me Serbinë, duke aluduar se gjitha marrëveshjet duhet të shqyrtohen njëkohësisht! Me 31 janar ambasada amerikane ka thirrur gjithë spektrin politik dhe shoqatat civile lidhur me krijimin e asociacionit. Besoj qe kryeministri e ka thënë fjalën dhe qendrimin rreth formimit të tij. Tani ka ardhë koha të ndahet shapi nga sheqeri dhe të deklarohen të gjitha subjektet.
Janë apo nuk janë për themelimin e asociacionit të komunave serbe duke shpërfaqur fëtyrën e tyre të vertetë!
