Emin Azemi, shkrimtar nga Shkupi
_____
Në një intrevistë për një tv. të Kosovës, Nevenka Trump, eksperte e njohur e së drejtës penale ndërkombëtare, si dhe autore e librit “Gjykimi i papërfunduar i Slobodan Millosheviqit”, ka folur për gjykimin e Salih Mustafës, me ç’rast nxjer në pah disa parregullësi skandaloze gjatë procesit gjyqësor.
Ajo tha se Salih Mustafa u dënua me 26 vite burgim për një vrasje të cilën e kryen forcat serbe (!)
“Gjykimi në rastin e Salih Mustafës ishte abolutisht një shembull i rëndësishëm se si gjërat mund të shkojnë gabim dhe se si gjykatësit mund të bëjnë gabime. Fillimisht duke dhënë një dënim kaq të madh, 26 vjet për disa ditë lufte dhe për krime të cilat, kur e lexoj gjykimet, nuk janë e bindur se si Salih Mustafa ka mundur të ketë përgjegjësi. P.sh. për një viktimë që është braktisur në një “kompleks” ku bashkëpunëtorët shqiptarë janë mbajtur dhe është braktisur dhe vrarë nga një plumb serb, nga forcat serbe dhe megjithatë gjykatësit thonë “në rregull, serbët e kanë vrarë, por Salih Mustafa është përgjegjës për vrasje”” – tha ajo .
Në këtë intervistë Nevenka Trump, pati edhe një adresim drejtuar mediave, të cilat, sipas saj ka qenë dashur të merren më me përkushtim me këtë rast.
Në Kosovë kanë mbetur pak media profesionale, por shumica janë shndërruar në makineri klienteliste të oligarkëve, të maskuar me këmishën e militantizmit politik.
Në mungesë të një gazetarie të mirëfillt investiguese, ku do të trajtohej profesionalisht edhe rasti i Salih Mustafës, këto media kanë rezervura hapësirë dhe termine për turli kastraveci të frustruar që përveç mosdijes dhe egoizmit demonstrojnë edhe një gjuhë tepër primitive të komunikimit.
Po të kishim media si duhet, ndoshta epilogu i gjykimit të Salih Mustafës do të kishte një rrjedhë dhe epilog krejt tjetër.
Mos e harroni Watergate-tin, një aferë që u bë publike nga gazetarët të cilët e rrëzuan nga pushtetit Presidentin Nixon. Gazetarët e rinj të “Washington Post”, Bob Woodward dhe Carl Bernstein, në mëngjesin e 17 qershorit 1972, morën detyrë të gërmojnë dhe të gjejnë gjithnjë e më shumë informacione që tregonin për korrupsionin e presidentit të atëhershëm të SHBA Richard Nixon dhe administratës së tij. Njerëzit e Nixon-it dhe vetë Presidenti u gjendën në qendër të skandalit më të madh politik në historinë e SHBA-së – e quajtur afera Watergate.
Njerëzit që e rrethonin Niksonit u përpoqën të mbulonin përfshirjen e tyre në skandal, por Gjykata e Lartë, u kërkoi atyre që të kthenin të gjitha kasetat me bisedate regjistruara në mënyrë të paligjshme. Dy javë pas vendimit të gjykatës, Nixon u bë presidenti i parë amerikan në histori që dha dorëheqjen.
Salih Mustafa vazhdon të vuaj dënimin me burg sipas një procesi të deformuar gjyqësor, por pa një hulumtim paraprak gazetaresk. Cila gazetari? Ajo e mësipërmja që detyroi një President amerikan të japë dorëheqje, apo kjo gazetaria e jonë që merret me munafikllëqe dhe prodhimin serik të analistëve analfabetë.
____
