Nga: Kolonel Dilaver Goxhaj, Tiranë
_____
1 MAJI – DITA NDËRKOMBËTARE E KLASËS PUNËTORE NE SHQIPERI
Për herë të parë 1 Maji është kremtuar në Shqipëri në vitin 1905, kohë kur Shqipëria ishte ende pjesë e Perandorisë Osmane. Atë ditë, një grup të rinjsh e punëtorësh shkodranë organizuan një manifestim nëpër rrugët e qytetit të Shkodrës dhe më pas një piknik jashtë qytetit, tek ura e Mesit.
Ndërsa shpallja e 1 majit dita e punëtorëve shqiptarë dhe festë zyrtare në Shqipëri është bërë më 14 mars 1946 nga Asambleja Kushtetuese, kur ajo pranoi Kushtetutën.
Si rrjedhojë gjatë rindërtimit të ekonomisë dhe zhvillimit të gjithashëm të Shquipërisë pas çlirimit të saj nga UNCSH, festa e 1 Majit caktohej si afat përfundimi veprash të ndryshme ekonomiko-sociale. Ja disa prej tyre:
(1). Në 1 maj 1946 u inaugurua rruga Berat-Çorovodë, në mes të një gëzimi dhe entusiazmi të papërshkruar të popoullit të Skraparit. Gjatësia e rrugës ishte 49 km, e cila pati edhe 30 ura të mëdha e të vogla. Në inaugurimin e saj morën pjesë më se 5.000 burra, gra, të rinj e të reja dhe pionerëtë shkollave përqark Çorovodës si dhe ushtarët e repartit Ushtarak “980” të xhenjos, të cilët fituan simpatinë e gjithë popullit të Skraparit, pasi qenë ata ushtarë që çanë ripin e Strores, e cila dukej se ishte e pamundur të hapej. Për inaigurimin e kësaj rruge shkuan Ministri i Botores ing. Spiro Koleka dhe Kahreman Ylli.
(2). Më 1 maj 1948 u inaugurua fillimi i Prodhimit në Kantjerin e Bitumit në Patos, punimet për ndërtimin e të cilit kishin filluar në mars të vitit 1947.
(3). Po më 1 Maj të vitit 1948 u inaugurua përfundimi dhe lëshimi i ujit në Kanalin Ujitës “Naum Panxhi”, punimet për të cilin kishin filluar në nëtor të vitit 1946. Ky kanal pati një gjatësi prej 33 km dhe gjerësi 2-5 m. Me këtë kanal ujiteshin 2.500 ha tokë arë. Rrjedhja e tij fillonte nga kanali Hajdaraj, që e merrte ujin nga lumi Shkumbin, dhe pastaj kalonte fushat e Hajdaranit, Kryezjarrthit, Mjekësit, Kuqanit, fushat e Shirgjanit e ato të fshatrave Gjormë, Gjergjan, Bejlik, Malesej, fushën e madhe të Pozhakut prej 700 ha, si dhe tokat e fermës së Cërikut.
(4). Më 1 maj 1955 është bërë inaugurimi i Kanalit Ujitës Vjosë – Levan – Fier, i cili gjarpëronte që nga Selishta e gjer poshtë në Pojan. Kanali ishte me gjatësi 32 km, me kapacitet ujitës për 15.000 ha tokë arë. Shifrat treguan se puna ishte shumë e madhe: 1.300.000 metra kub gërmine me krahë, lëvizje dheu me makineri – 1.204.000 metra kub. Ceremoninë e inaugurimit të kanalit e hapi kryetari i Komitetit Ekzekutiv i Qarkut të Vlorës, Faik Ahmeti; shiritin e preu Kryetari i Këshillit të Ministrave, Mehmet Shehu, ndërsa përshëndetjen e bëri Sekretari i Parë i KQPPSH Enver Hoxha, kurse portat e kanalit i hapën Enver Hoxha dhe Mehmet Shehu.
