Ali Sh. Mehmeti
Së pari një anekdotë rreth ngjarjes, për të cilën thonë se vërtet kishte ndodhur në Armatën e Jugosllavisë socialiste (i kërkoj falje romëve, që do ta përdori gjuhën origjinale që është përdorur).
Për ta treguar barazinë mes popujve, një ushtari magjup i kishin propozuar që të bëhet anëtar i partisë komuniste. Paraprakisht duhej të përgatitej me disa njohuri elementare. E merr kapiteni në pyetje dhe fillon me pyetje më të lehta. Kush është Tito, Kardeli, Stamboliqi …. Magjupi, duke mos e njohur askënd e bën nervoz kapitenin, por edhe vet bëhet nervoz. Kështu i nervozuar, magjupi i kthehet kapitenit: a di ti kush është Xhango klarinetisti, Sandokan tupanxhia, Hasan hajni …. Natyrisht se kapiteni nuk i njihte. E sheh shoku kapiten, ti i njeh magjupt e tu, unë i njoh magjupt e mi!
Këtyre ditëve po vërshojnë komentet rreth vrasjes së një gruaje shqiptare, 28 vjeçare në Gjermani. Një ngjarje tragjike që meriton dënim publik dhe gjyqësor më të rëndë. Por, gatishmëria e jonë që ta përbaltim vetën duk ia atribuuar këtë dukuri (femicidin) kulturës sonë nuk qëndron. Kështu, veçse përcjellim një kompleks inferioriteti tek fëmijët tanë dhe i bëjmë që të ndihen me faj. Para se të bini këtë lloj konstatimi rrotullohuni rreth vetës, lexoni pak, informohuni dhe pastaj shkruani.
Femicidi, vrasja e grave dhe vajzave, është fenomen i pranishëm gjithandej dhe nuk na dallon shumë nga të tjerët, as për të mirë, as për të keq. Ndoshta për të mirë!
– Në Kroaci me 4 milion banorë, në 20 vitet e fundit janë vra 400 gra/vajza – 5 gra/vajza në vit për 1 milion banorë (burimi: večernji list)
– Në Serbi me 6,8 milion banorë, në periudhën 2010-2022 janë vra 379 gra/vajza – 4,28 gra/vajza në vit për 1 milion banorë (burimi: radio evropa e lirë)
– Në Zvicër me 8,7 milion banorë në periudhën 2009-2018 janë vra 246 gra/vajza – 2,82 gra/vajza në vit për 1 milion banorë (burimi: enti statistikës i Zvicrës)
– Në Shqiëri me 2,8 milion banorë në periudhën 2010-2021 janë vra 153 gra/vajza – 4,5 gra/vajza në vit për 1 milion banorë (burimi: euronews – policia e shteti shqiptar)
– Në Kosovë me 1,8 milion banorë në 12 vite të fundit janë vra 50 gra/vajza – 2,31gra/vajza në vit për 1 milion banorë (burimi: albinfo.ch)
Nëse bëjmë bashkë Shqipërinë me Kosovën del se vriten 3,6 gra/vajza në vit për 1 milion banorë.
Sigurisht që edhe vetëm një të vritet për shkak të përkatësisë gjinore, apo çfarëdo arsye tjetër është shumë, por mos harroni se gjithkush i ka “magjupt e vet”
Pra kujdes, sepse me këtë lloj vet përbaltjeje nuk do bëheni “më katolik se papa” kudo që jetoni, por vetëm do i bëni fëmijët e juaj të ndihen keq, inferior dhe servil.
P.S. Referenca për numrin e banorëve është viti 2021
