Autor : Lirim Gashi
***
JA SI E BINDA GAZETARIN GJERMAN QË RAMIZ LLADROVCI DHE PIPIDAK PILIFUNCI JANË FITUES TË ÇMIMIT NOBEL
Në Düsseldorf takova një gazetar gjerman, i cili filloi të mburrej se gjermanët janë mendimtarët dhe drejtuesit më kreativë të universit, duke marrë si shembull emrat më të famshëm botërorë si Hegeli, Kanti, Niçe, Ajnshtajni, Marksi, vëllezërit Grimm, e kështu me radhë.
T’ju them të drejtën, ma shqetësoi shumë Hashimin me mburrjet e tij, por kur më pyeti se cilët poetë, shkrimtarë apo shkencëtarë shqiptarë e kanë fituar ndonjëherë çmimin Nobel, i thashë: Ramiiz Ladrovci e ka fituar.
Më pyeti se kush është Ramiiz Lazdrovci dhe në cilën shkencë e ka marrë çmimin?
I thashë se është mësuesi i Ajnshtajnit që e shndërroi forcën në fuqi me ndihmën e Linda Morinës në emisionin e Adriatik Kelmendit.
Më pyeti kush është Linda Morina?
I thashë se ajo është motra e Angela Merkelit nga ana e babait .
Më shikoi me habi dhe më tha “Nuk e dija që Hitleri ishte shqiptar”.
I thashë, turp të kesh budalla i marrë, si nuk e di që Adolf Hitleri është djali i gjyshit tim Misin Lates, i cili ishte kumbari i Mujës dhe Fatës?
I emocionuar, tensionuar dhe hutuar pse nuk di kaq shumë gjëra të rëndësishme, më tha se ia kam hedhur komplet trurin jashtë programit dhe se nuk e di se në cilin film gjendet.
Pastaj më pyeti, a kemi ne shqiptarët ndonjë nobelist tjetër përveç Ramiiz Llazdrovcit?
Thashë sigurisht që kemi. Ai quhet Pipidako Pilifunci dhe është babai i Hamut Schmidtit, i cili lindi natën e shmitrit.
Tha: si duket ju shqiptarët s’keni bërë gjë tjetër veçse t’i lëni shtatzënë gjermanet më të famshme.
I thashë, të duket vepër e vogël lënia shtatzënë e gjermaneve më të famshme ?
Dhe pastaj e pyeta: A mund ta lë shtatzënë motrën e tij Klaudian?
Më tha: Pse jo nëse pranon, por ti e ke kokën shumë të madhe dhe nëse fëmija të ngjan ty, ajo mund të ketë komplikacione të rënda gjatë lindjes.
I thashe mos ki frike nuk do ketë asnje komplikacion, sepse do t’ia ngre kembet drejt perëndimit dhe ajo ne vend të një Hitleri të madh do ta lind nje Stalin të vogël.
Përveç kësaj, asnjë nga emrat e famshëm që m’i përmende nuk ishte gjerman, të gjithë ishin hebrenj.
Skajshmërisht i inatosur më pyeti: E çfarë mendon se dimë të krijojmë ne gjermanët?
I thashë nacionalsocializëm.