Isa Mulaj, shkrimtar, Istog
Në shumë pjesë të botës, madje edhe në Kosovë, ka teori konspirative se SHBA i mbështet qeveritë e korruptuara dhe grupet e ndryshme të krimit. Këtë është vështirë t’ua hiqni nga mendja një pjese jo të vogël të publikut, e aq më shumë bashkësive të ndryshme me indoktrinime të caktuara ideologjike. Kjo ndodhë për një numër të madh shkaqesh, në mes tjerash, për shkak të bashkveprimit ndërmjet agjencioneve qeveritare dhe ambasadave të SHBA-së me institucionet dhe popullsinë lokale. Kur këto të fundit dështojnë me reforma, qeverisje, zhyten në korrupsion dhe kriminalitet, atëherë një pjesë e zhgënjyer e publikut mendon se institucionet e qeverisë amerikane janë pjesërisht përgjegjëse pasi i kanë përkrahur ata të cilët u pasuruan jashtligjshëm duke u marrë edhe më krime dhe tradhti kundër vendit të tyre ose Kosovës. Duke e ditur këtë spirale, për ta mbrojtur integritetin e vet, qeveria e SHBA-së formon Listën e Zezë që ua ndalon institucioneve qeveritare të saj të bashkëpunojnë me shtete, institucione, grupe, dhe individë të ndryshëm që dyshohen se janë të përfshirë në korrupsion dhe krime. Kjo listë në shumicën e rasteve nuk parasheh ndërmarrjen e masave kundër qeverive dhe individëve të apostrofuar, por së pari ka të bëjë me mbrojtjen e integritetit të qeverisë amerikane për të mos bashkpunuar me grupe kriminale. Deri këtu, Lista e Zezë shihet nga popullsia lokale e Kosovës si e paefektshme sepse nuk ka ndonjë veprim prapa saj. “O le t’i shtin Amerika n’lista t’zeza e t’kuqe se kta hajna e kriminelë veç po fuqizohen ma shumë; çka po u duhet Amerika ktyne kur s’po ka kush me ia u ndalë plaçkën dhe tradhtinë? Le t’m’shtin mu Amerika n’çfardo liste veç t’boj kapital si Sami Lushtaku, Daut Haradinaj, Ramush Haradinaj e shumë tjerë, se sen s’po m’duhet Amerika”, është reagimi i shumë qytetarëve. Siç u tha më lartë, kjo ka të bëjë me interesin e qeverisë amerikane për të mos u përzier në grupet e krimit, ose së paku për t’u distancuar nga ato.
Në raste tjera, kur krimi i organizuar arrinë përmasa ndërshtetërore, siç është për shembull terrorizmi dhe rrjeti i madh i trafikimit të drogës, atëherë merren masa ndaj personave në Listën e Zezë jo vetëm nga qeveria amerikane por edhe nga Interpoli.
Vetëm tek shqiptarët që janë në Listë të Zezë i gjëni “pro-amerikanët” më të mëdhenj dhe “patriotët më të përkushtuar”, siç janë për shembull Sami Lushtaku, Daut Haradinaj, Ramush Haradinaj, etj. Ky i fundit nuk është në Listë të Zezë por është vëllai i tij dhe miku i tij i “shtëpisë” siç e quante vetë Ramushi, Millan Radojqiq (plus Zvonko Veselinoviq). Në shoqërinë e kësaj kompanie të Listës së Zezë, duke llogaritur edhe vëllain e tij, Ramushi del nëpër studio televizive e byrykatet si pro-amerikan. Po të njëjtën gjë e bënë edhe Sami Lushtaku. E tërë kjo nga frika se mos po u rrezikohet pasuria dhe plaçka nga Byroja Shtetërore e Kosovës për konfiskimin e pasurisë së fituar në mënyrë të jashtligjshme. Përderisa kjo nuk u rrezikohet, këta thonë: “Rrnoftë Amerika [që na e shtin emrin nëpër lista të zeza, të bojkafta, e çfare t’i teket].”
Sami Lushtaku dhe Daut Haradinaj …
Emri në Listën e Zezë të qeverisë amerikane është bërë sinonim i patriotizmit folklorik dhe tradhtisë kombëtare nga vetë personat e përfshirë në të. Ramushi si “patriot” e jep Çakorrin dhe është në mundim, po që se vjen në pushtet, ta japë edhe veriun e Kosovës. Dauti thotë në Kuvendin e Kosovës se për patriotizëm personal u mban shkollë tanve. A është patriotizëm me ia dhanë Çakorrin shkive, dhe me bashkpunu me bandat kriminale të Serbisë në veri të Kosovës kundër rendit kushtetues? A është patriotizëm bashkpunimi dhe koalicioni i AAK-së me LDK-në, pavarësisht se këto janë dy partitë që i kanë bërë shumicën e vrasjeve ndërmjet veti nëpër Dukagjin? Dauti më tutje mburrej në Kuvend se e ka detyruar TMK-në që ta organizoj ceremoninë e varrimit të ish-kryetarit Ibrahim Rugova, kundër Agim Çekut, Nuredin Lushtakut, etj. “Ku është Agim Çeku, komandanti, le t’folë? Çu Nurë, thuje çka ke thanë atë ditë!…Kam dhanë edhe vllazën, jepim prapë n’koft nevoja për këtë ven!” Njërin vëlla, të quajtur Enver Haradinaj, e ka dhënë për LDK-në pasi ata dyshohet se ia kanë vrarë, ose 9 muaj para se Dauti të mburret se e ka ba pykë Agim Çekun dhe Nuredin Lushtakun rreth organizimit të TMK-së për ceremoninë e varrimit të kryetarit të LDK-së. Dy vëllëzërit tjerë, Luani dhe Shkëlzeni janë vrarë gjatë luftës në përballje me forcat e Serbisë, që i bie sikur me ia pas vra LDK-ja, sepse Ramushi, siç e ka dëshmuar edhe Agim Bahtiri, i ka si miq shpije strukturat kriminale të Serbisë në veri të Kosovës. Patriotizëm se jo mahi! Kurse për Sami Lushtakun i cili thotë “Kush nuk e don Amerikën, s’e don as Zotin”, po e përmbyllim me këtë vlerësim:
“Nëse dikush apo shumëkush, jo që nuk e don por i imponohet urrejtja ndaj Amerikës, kjo vjen për shkakun tënd. Ti e don Amerikën në formë folklorike në përpjekje për t’ua mbyllur sytë dikujt ose atyre që janë të verbër, por Amerika konketisht ose në realitet e ka vlerësimin zyrtar publik për ty”, si vijon:
