Pamje nga Konferenca shkencore
Nga: Dr. Veton Zejnullahi
Edhe në këtë tetor, Presheva u shndërrua në epiqendrën e studiusve shqiptarë nga të gjitha trojet etnike shqiptare, krejt kjo fal një organizimi të mrekullueshëm nga Shoqata për Trashëgimi Kulturore e Preshevës, udhëheqjes së saj dhe sidomos Kryetari z.Xhemaledin Salihu, organizim ky i cili tani më është shndërruar jo vetëm në tradicional por edhe të domosdoshëm me pjesëmarrjen e dhjetëra e dhjetëra studiusve shqiptarë, dhe të cilit duhet ta marrin shembull edhe institute të cilët kanë edhe kushte edhe mundësi shumë më të mëdha se SHTTK.
Dhjetëra kumtesa duke ju përgjigjur temës bosht që kishte të bënte me personalitetet shkencore shqiptare në Albanologji nga Lugina e Preshevës dhe viset tjera shqiptare, shtjelluan aktivitetin e intelektualëve madhor si Idriz Ajeti, Ernest Koliqi, Nijazi Azizi, Zef Mirdita, Shukri Rrahimi, Anton Çetta e shumë të tjerë. E veçanta e kësaj Konference ishte pjesëmarrja e studiuses rumune Kamelia Nita e cila na solli punimin per Princezën shqiptare Elena Gjika si dhe profesori nga Sanxhaku Dr. Hivzo Golosh i shtuan edhe më shumë vlerën konferencës duke i dhënë edhe karakter ndërkombëtar.
Ekspozita me fotografitë nga aktiviteti ndër vite i SHTTK-së, promovimi i librit nga konferenca e kaluar, vizita e vendeve të trashëgimisë kulturore si “ Guri i shpuar”, dhe bifurkacioni në fshatin Çukarkë ishin aktivitete tjera në këtë konferencë
Vizitë Ujëndarëses në Çukarkë
Gjatë konferencës u organizua edhe një orë letrare ku recituan poezitë e tyre pjesëmarrësit e konferencës dhe një mbrëmje muzikore e jashtëzakonshme nga këngëtari preshevar Agim Kadriu i cili krijoi një atmosferë shumë të bukur
Konferencat e organizuara nga SHTTK dhe prof. Xhemaledin Salihu kanë arritur që të krijojnë një rrjet të fuqishëm të studiuesve shqiptarë nga Lugina e Preshevës, Shqipëria, Kosova, Maqedonia e Veriut, Ulqini, Sanxhaku duke marrë kështu një karakter mbarëkombëtar.
Urojmë që kjo traditë të vazhdojë edhe më tutje edhe pse mungon mbështetja nga organet e pushtetit lokal dhe krejt ky organizim për të dytin vit rradhazi u realizua fal mbështetjes financiare të Ministrisë së Kulturës të Republikës së Kosovës.
