Lis Bukuroca
Gjenocidet duhet përmendur gjithmonë Serbisë, derisa të kërkojë ndjesë, por edhe pastaj. Kush guxon t’u thotë hebrenjve mos i përmendni plojat që u janë shkaktuar, sepse ka kaluar shumë kohë!?
Përmendja e gjenocideve pengon kërkesa maksimaliste serbe. Ai që ballafaqohet me krimet e shtetit të vet, nuk mund të presë shpërblime! Për ato gjenocide shumica e shqiptarëve di pak, e aq më pak di Vuçiqi apo politikanët europian!!!
Shteti serb kërkon republikë për serbet, por nuk ofron asgjë për Luginën. Ata besojnë në epërsinë racore serbe! Pse duhet të besojmë edhe ne dhe të themi:„Mos ia përmendi se i di ai!“
E ku di ti se çfarë di Vuçiqi? Ose, prej nga e di ti se ai di për gjenocidet sa di libri, që nuk e pranoi?
Të thuhet mos ia përmend Vuçiqit tragjeditë e shkaktuara nga shteti serb, d.m.th. mos ia merr ftyrën jashtë vendit. Kjo është mënyra më e mirë për ta shndërruar Serbinë në viktimë. Albini nuk është profet, as i pagabueshëm, por për inat të tij, nuk duhet mbështetur Serbinë! Albin Kurti nuk është zot, por është më i miri që kemi!
Edhe pse asnjë serb nuk shqetësohet në Kosovë, politikanët serb vazhdimisht flasin për serbet e rrezikuar. E çfarë thonë tanët? Mos ia përmend tragjeditë që na ka shkaktuar, se pengohet zgjidhja!
Shqiptarët e Luginës nuk kanë shkuar të jetojnë në Serbi, por i ka pushtuar Serbia!
Shqiptarët e Maqedonisë nuk kanë emigruar në Maqedoni, por i ka pushtuar dhe shkëputur Serbia nga Shqipëria duke i masakruar dhe duke vrarë edhe fëmijë.
Kosova nuk është në këtë gjendje pse e zgjodhi vetë, por pse e pat pushtuar dhe shkëputur Serbia!
Asnjë shtet nuk ka dëmtuar kombin shqiptar sa shteti serb. Kjo duhet të përmendet në çdo takim duk i rikujtuar fragmentet shqiptare: shqiptarët në Mali të Zi, në Maqedoni, Lugina, Kosova, diaspora, shqiptarët në Turqi, të gjithë ata janë pasoja tragjike të shkaktuar nga shteti serb! Dhe, nuk ka kërkuar kurrë ndjesë. E ti thua, mos ia përmend! Serbia armatoset ende dhe po të guxonte, do ta sulmonte sot Kosovën! E ti? Mos e nervozo Serbinë!
Mos ia përmend vrasjet e1.133 fëmijëve, se kështu pengohet zgjidhja! Mos i përmendi se ai i di! Sa poshtë kemi rënë! Jemi fundosur moralisht e intelektualisht, por mendojmë se dimë tepër shumë sa mund ta mësojmë Kryeministrin se çfarë duhet të flasë, çfarë jo! Apo ndoshta po e bëjmë se prisnim shpërblim prej tij dhe tani hakmerremi?!
A thua si do të reagonin sikur t’ishin vrarë fëmijët e tyre? A do të kërkonin heshtjen?
Libra nga Lis Bukuroca:
Ata që jetojnë në Gjermani mund t’i porosisin disa libra edhe te thalia.de ose në 340 libraritë e saj në Gjermani, Austri dhe Zvicër.
Gjenden edhe te libraria më e madhe në SHBA Barnes and nobles dhe mund të porositet, përveç online, në 630 libraritë e tyre. Shikoni ju lutem se ku ju konvenon çmimi më tepër.
Kuptimi i jetës te amazon *
Kuptimi jetës te lulu **
Letër burrave (I )te amazon
Letër burrave (I) te lulu
Letër burrave (II) te amazon
Letër burrave (II) te lulu
Ngjyrat e dashurisë te amazon, roman vetëm për lexues të moshës madhore
Ngjyrat e dashurisë te lulu, roman vetëm për lexues të moshës madhore
Die Asylbewerber, komedi gjermanisht
* Te amazon tash e tutje mund të porositen edhe nga Australia.
** Te lulu mund të porositen nga 150 vende të botës. Shikoni çmimin se ku ju konvenon më shumë.
