Nga: Pirro Prifti, Tiranë
Pa i hyrë teorive konspirative për atentatin e dështuar ndaj Trump të dhënat që ka nxjerrë FBI tregojnë se Trump është goditur me tre lloj armësh gjysëm automatike, pra duhet të kenë marrë pjesë më shumë se një person në attentat. Në vëndin ku u vra atentatori është gjetur edhe një radio-transmetuese , pra me dikë komunikonte. Argumente te tjera janë disa si plogështia (?!) e disa punonjësve të gardës që mbronte Trumpin për të kontrolluar zonën , madje edhe kur një nga spektatorët i tha punonjësve të sigurisë se.. dikush është mbi cati dhe ka një armë…, por ata nuk reaguan dhe mbeten si të hutuar. Vrasja e dy personave nga FBI përfshi dhe atentatorin dhe plagosja e një spektatori, tregon që atentati ka qënë serioz dhe me qëllim eliminimin e kandidatit për President të SHBA.
Kryetari republikan i Dhomës së Përfaqësuesve të SHBA, Mike Johnson tha gjithashtu se Dhoma e Përfaqësuesve do të kryejë një hetim të plotë të sulmit në tubimin e fushatës së Trump. “Populli amerikan meriton të dijë të vërtetën,” tha Johnson. “Ne do të kemi Drejtoreshën e Shërbimit Sekret Kimberly Cheatle dhe zyrtarë të tjerë përkatës nga DHS dhe FBI të paraqiten për një seancë dëgjimore përpara komiteteve tona sa më shpejt që të jetë e mundur (Donald Trump appeared to be the target of an assassination attempt. Here’s what to know (msn.com).
Edhe reagimi i Presidentit Biden ndaj atentatit Ishte fortë dhe domethënës: “të gjithë duhet të dënojnë” atentatin e dyshuar ndaj Ish-presidentit Donald Trump.Duke Iu drejtuar kombit rreth dy orë pas të shtënave, Biden tha se ndjehej I lehtësuar që Trump thuhet se “po bën mirë”. Ai tha se nuk kishte qenë në gjendje të kontaktonte Trump përpara komenteve të tij, por Shtëpia e Bardhë tha se ai foli me Trump disa orë më vonë.”Ne nuk mund të lejojmë që kjo të ndodhë,” tha Biden. “Ideja se ka dhunë si kjo në Amerikë është thjesht e padëgjuar” (Biden says ‘everybody must condemn’ attack on Trump | AP News).
Edhe udhëheqësit e tjerë të botës shprehën përkrahje për kandidatin Trump dhe dënuan aktin e atentatit ndaj tij si një shënjë e keqe për demkracionë perëndimore. Sigurisht qeveria shqiptare dhe eksponentë politikë shqiptarë e dënuan atentatin dhe shprehen solidaritet me demkoracinë amerikane dhe SHBA.
Problemi qëndron se kush mund të ishte i interesuar për të vrarë ish presidentin Trump?
Mund të ishte një person me probleme mendore që bëri atentatin, i nxitur nga retorikat e ndezura politike në SHB? Kjo mund të bjerë poshtë lehtësisht po të marrësh parasysh se të sëmurët mendore nuk mund të planifikojnë por mund të bëjnë gjera të çastit dhe pa u përgatitur mirë e pa patur ndonjë ekip që ti përgatisë sepse impulse patlogjik është i çastit dhe veprimi është i menjëhershëm.
Pra problemi mbetet tek grupet politike brënda apo jashtë SHBA që nuk duan që Trump të bëhet President. Duke ditur se atentatet ndaj Presidentëve amerikanë ku katër nga ata kanë qënë vdekje- prurëse, kanë patur si qëllim eliminimin e një Presidenti i cili dëshëronte të realizonte politika kretjësisht antagoniste me kandidatin tjetër, pra kanë qënë pasoja të luftrave politike të ashpra në SHBA por në kuadër të demokracisë amerikane. Kjo po ndodh edhe sot në SHBA. Shpresojme të mos përsëritetet.
Kush mund të jenë këto grupe politike që mund të përfitojnë nga largimi i Trump ?
Këta mund të jenë ata grupe që dëmtohen nëse Trump do të mund të bëhej President. Kjo argumentohet me retorikat e Trump gjatë fushatës, retorika të cilat kërkojnë: ndalimin e emigracionit të paligjshëm në SHBA sidomos të meshkujve kontrabandistë e kriminalët hispanikë duke ngritur muret në kufi me Mexikën, ndërprerjen e luftës në Ukraine, ndalimin e luftës në Gaza, rishikimet e prgrameve të NATO-s, zvogëlimin e borxhit buxhetor të SHBA i cili është rreth 20 trilion dollarë, përpjekje për marëveshje me shtetet si Kina, Rusia, Koreja e Veriut, dhe mundesisht mbajtja larg e luftës.
Më të Interesuarit për të vazhduar luftrat, janë lobet amerikane ushtarake që kërkojnë vazhdimin e luftës në Ukrainë dhe kudo, me qëllim të rritjes së fitimeve nga shitjet e armëve, dhe mbajtjes së dobësuar të Rusisë dhe Kinës duke forcuar NATO-n si pjesë e sigurisë kolektive të botës perëndimore.
Një argument tjetër është edhe fraza e një opozitari ukrainas ndaj Zelenskit, Viktor Medvedchuk, i cili i dërgoi një letër Trump ku shkruhej : “Eleminimi fizik i kundërshtarëve politikë dhe korrupsioni politik janë hallka në një zinxhir për ata që kërkojnë të qëndrojnë në pushtet dhe po përfitojnë nga lufta në Ukrainë duke u shitur armë neo-nazistëve ukrainas.” (https://www.yahoo.com/neës/russian-media-medvedchuk-sends-letter-145034803.html).
Nuk ka ndonjë të dhënë se rregjimi Iranian të kërkonte eliminimin e Trump duke ditur se në kohën e Trump marëdhëniet e SHBA me Iranin ishin në një nivel diplomatik pa retorika armiqësore.
Këto Informacione tregojnë mundësinë e një lufte politike të ashpër në SHBA mdis lobeve që duan të vazhdojnë luftrat, me idenë se Kina, Rusia dhe në përgjithësi BRICS, dhe organizata e Shangait (një forum për sigurinë dhe mbrojtjen në Euroazi), dhe po rrezikojnë demokracinë perëndimore e për pasojë duhen mbajtur nën kontroll, – me lobet që kërkojnë marëveshje dhe zgjidhje të konflikteve pa luftë.
Si konkluzion duket qartë se SHBA në këto zgjedhje të ardhshme presidenciale gjëndet përballë dy strategjive komplet të ndryshme të të dy Partive kryesore të SHBA: Demokratët që duan të ruajnë dominimin amerikan nëprmjet forcimit të NATO-s dhe bashkëpunimit të të gjitha demokracive perëndimore me BE, Australi, Kanada, Angli, për të ruajtur dominimin e Dollarit amerikan dhe të zonave të Influencës në botë, dhe nga ana tjetër strategjia Trump për `Make Amerika great again`, duke pranuar realitetin ndryshe të botës sepse kanë dalë forca të tjera ekonomike-politike me të cilat duhen ndarë zonat ekonomike-politike, dhe për një botë globaliste por jo me dominimin e vetëm të një shteti dhe të një monedhe, por arritja e zgjidhjeve me marëveshje e jo me luftë.
p.prifti@umb.edu.al
