Kryesia e Kuvendit të Republikës së Kosovës ka miratuar sot logon e Kuvendit, e cila del të jetë e kopjuar.
Logoja e re e Kuvendit të Kosovës është pothuajse e ngjajshme me logon e një panairi në Arabinë Saudite.
Në mbledhjen e fundit, të mbajtur sot (e premte) Kuvendi i Kosovës konform Rregullores ka miratuar logon e Kuvendit.Pa treguar asnjë detaj lidhur me jurinë për përzgjedhjen e logos, Kuvendi ka ndarë detaje vetëm rreth konceptit të logos.
Në njoftimin e Kuvendit të Republikës së Kosovës thuhet së përzgjedhja është bërë nga juria profesionale, por pa treguar se kush ishte pjesë e jurisë.
“Simboli i shtëpisë në logon e Kuvendit simbolizon ndërtesën kryesore të shtetit, Kuvendin, si instutcioni më i lartë ligjvënës dhe përfaqësues i Republikës së Kosovës. Pjesa e poshtme e logos simbolizon rreshtat e ulëseve të deputetëve në Kuvendin e Kosovës, ndërsa vija e mesme në pjesën e sipërme të simbolit paraqet ulësen e kryetarit dhe të nënkryetarëve të Kuvendit. Vijat anash, po ashtu në pjesën e sipërme, simbolizojnë ulëset e anëtarëve të qeverisë. Me bashkimin e të gjitha pjesëve, simboli pasqyron në mes hartën e Republikës së Kosovës, që, së bashku me yjet, simbolizon flamurin e Kosovës”, thuhet në njoftimin e Kuvendit të Republikës së Kosovës.
Për logon e re të Kuvendit të Kosovës ka reaguar dizajneri i njohur kosovar, Agi Haxhimurati.
“Po cuditen arabet sa “autentike” logo e re e Kuvendit te Kosoves! Kosova dhe storiet qe perseriten!”, thuhet në reagimin e tij.
