Lis Bukuroca, Gjermani
Ne nuk duam të vdesim në vendin e huaj, ju nuk doni të jetoni në vendin tonë!
Neve na u hoq mundësia me dhunë për ta vazhduar jetën atje, juve ua humbën vullnetin për të mbetur aty: me padrejtësi, me vjedhje dhe me korrupsion.
Ne ikëm nga Serbia naziste, ju nga Klani Pronto dhe „Partia Institucionale“, që integrohet në Pronto, sa herë të ndihet e rrezikuar nga ndërtimi i shtetit ligjor.
Mërgimi është shpëtim i vetvetes, por asimilim i fëmijëve!
Ju po ikni sot nga ata që dikur patën ikur në Gjermani e Zvicër nga Millosheviqi!
Ne nuk kemi ku të kthehemi, ju nuk keni ku të rrini!
Mërgimtari shpëton disa veta nga uria në atdhe, por i humb disa jashtë atdheut!
Ai është bujaria dhe mjerimi njëkohësisht, d.m.th.: heroi dhe viktima, fitorja dhe humbja, krenaria dhe vaji!
Ne duhet të respektojmë dëshirën tënde për të ndryshuar kombin, ti duhet të respektosh dëshirën tonë për të mbetur shqiptarë!
Mos dëmto ata që duan të mbeten si ishe ti dje!
Nëse ti nuk ndihesh më shqiptar, është racizëm ta përbuzësh kulturën shqiptare!
Në përpjekje për të shpëtuar të kaluarën, humbëm të tashmen dhe të ardhmen!
Zgjedhja e religjionit është çështje personale dhe private, si edhe zgjedhja e rrobave!
Sa më shumë që të vdesin, aq më pak marrin pjesë në kortezhe!
Zoti nuk e ka krijuar varfërinë dhe robërinë, por i ka krijuar kriminelët dhe pushtuesit kriminelë!
Intelektuali duhet të flasë të drejtën, jo të llaptojë çfarë dëshiron të dëgjojë kleri; e as të bëhet zëzmadhues i tij!
Nuk është perversion homoseksualizmi, perversion është rrahja dhe dominimi i njeriut të dobët nga më i fuqishmi!
Perversion është diskriminimi i bashkëshorteve dhe i motrave!
Zoti duhet të pushojë me diskriminimin dhe të shpërndajë inteligjencën më drejtë.
Disa popuj zbulojnë çdo gjë, disa asgjë!
Në paqe vendit i duhen vetëm politikanë patriotë, që respektojnë Kushtetutën!
Nëse të ofendon dikush, mos e ofendo: kur të leh qeni, ti nuk i leh pas.
Politikanëve shqiptarë duhet t’u ndalohet përdorimi i maskave. As qytetari nuk i bart dy!
__________________
Libra nga Lis Bukuroca
Ata që jetojnë në Gjermani mund t’i porosisin disa libra edhe te thalia.de ose në 340 libraritë e saj në Gjermani, Austri dhe Zvicër.
Gjenden edhe te libraria më e madhe në SHBA Barnes and nobles dhe mund të porositet, përveç online, në 630 libraritë e tyre. Shikoni ju lutem se ku ju konvenon çmimi më tepër.
Kuptimi i jetës te amazon *
Kuptimi jetës te lulu **
Letër burrave (I )te amazon
Letër burrave (I) te lulu
Letër burrave (II) te amazon
Letër burrave (II) te lulu
Ngjyrat e dashurisë te amazon, roman vetëm për lexues të moshës madhore
Ngjyrat e dashurisë te lulu, roman vetëm për lexues të moshës madhore
Die Asylbewerber, komedi gjermanisht
* Te amazon tash e tutje mund të porositen edhe nga Australia.
** Te lulu mund të porositen nga 150 vende të botës. Shikoni çmimin se ku ju konvenon më shumë.
