Më 9 shkurt, të votohet njeriu që ka çliruar veriun dhe ka ndaluar pazaret me territoret e Kosovës!

Popull i dashur i Republikës së Kosovës, të gjithë jemi dëshmitar të faktit se LIDERSHIPI i partive të inkriminuara, është vërtetuar në vepër, si unikati më denigrues keqqeverisë dhe fatkeqësia më e madhe, që ka guxuar t’i ndodhte popullit dhe shtetit të Kosovës, pas lufte!

Andaj sot me 9 shkurt të vitit 2025, me këtë ditë të shënuar dhe datë historike, për të ardhmen e vendit tonë, le të votohet partia që ka çliruar veriun, ka ndaluar pazaret me territoret e Kosovës, ka shpallur të jashtëligjshme organizatat terroriste serbe, ka dëbuar kriminelët e Radojçiqit në Serbi, ka asgjësuar tabelat ilegale serbe, ka ndaluar dinarin serb, ka mbyllur postat, bankat, institucionet paralele dhe komunat ilegale të Serbisë në Kosovë, ka vendosur rend e ligj dhe ka shtri plotësisht sovranitetin shtetëror dhe rendin e ligjin edhe në veri, njëjtë si në çdo cep tjetër të Republikës së Kosovës!

Te gjitha këto janë të arritura historike, të shënuara në kohë rekord, të cilat kurrë më, nuk mund ti zhbëj as tjetërsoj askush, prandaj dhe marr të drejtën tu bëjë thirrje vëllazërore edhe njëherë që të votoni njeriun dhe partinë, e cila jo vetëm është zotuar, por dhe ka dëshmuar me vendosmëri se di, mundet dhe guxon edhe me veprime konkrete në terren, ta mbrojë me dinjitet sovranitetin e shtetit të Republikës të Kosovës, kudo!!!

Kurse në vitet e qeverisjeve të partive të inkriminuara u vërtetua katërçipërisht se në piramidën groteske të udhëheqjes shtetërore dhe kryesitë e partive të kriminalizuara politike, ishin mbledhur mbetjet më të frikshëm të elementëve më të shantazhuar dhe emrat më të dyshimtë për shitje të territoreve e pazare me tokat e Kosovës, si dhe specialist për korrupsion galopant e krim të organizuar masiv.

Ata të cilët për mese 13 vite të qëndrimit në pushtet, me koalicione dhe në rotacione me listën serbe, treguan se ishin njësimi më tragjik dhe më jashtëkohor, që ka mundur t’i vendosej përdhunshëm popullit të Kosovës mbi krye.

Emra të dehur aq fort nga pushteti dhe lakmia për t’u pasuruar kriminalisht, sa po të mos ishin rrëzuar nga vota e lirë e frustrimit mbarëpopullor kundër tyre, nuk hezitonin, as të kryenin tradhti të hapura kombëtare,  të cilët përveçse nënshkruan dy herë marrëveshjen për “zajednicën” dhe miratuan atë bashkë me listën serbe në Kuvend, nisën ti shisnin edhe tokat e Kosovës pjesë, pjesë, shteteve fqinje, duke hy në pazare edhe për faljen e veriut të Kosovës , Serbisë fashiste, dhe në fund deshën t`ia linin popullit shqiptar, këmbët e Arushës në dorë!

Korruptimi galopant dhe pasurimi marramendës material, i ish pushtetarëve të inkriminuar, në kurriz të qytetarëve, përmes krimit të organizuar, ishin bërë arma e tyre më e fortë,  dhe nuk kishte ligj as shtet, që mund as guxonte t’i çonte, ata prapa grilave për bëmat e tyre kriminale.

 Kupola më denigruese dhe fatkeqësia më e madhe politike që ka mundur t’i ndodhte popullit dhe shtetit të Kosovës, pas çlirimit nga Serbia!

Një nga konglomeratet më të trishtueshme politike të të gjitha kohëve, që kishin kapur të gjitha shtyllat kryesore të shtetit, veçanërisht sistemin e drejtësisë dhe çdo institucion tjetër shtetëror me rëndësi, duke i vendosur tërësisht në duart e veta dhe nën diktimin e mafio-oligarkëve, kurse veriun e Kosovës ua kishin dorëzuar bandave kriminale të Millan Radojçiqit dhe kthyer në oazë të krimit të organizuar, ku përfitonin kriminalisht të dy palët.

Ata ia falën 2500 hektar tokë autoktone të Kosovës, FYROM-it dhe 8300 tjera Malit të Zi, ndërsa veriun e Kosovës filluan ta quanin tokë të Rankoviqit dhe nisën të paguanin edhe firma të huaja me parat e taksapaguesve tanë, për propagandimin e faljes së kësaj pjese, nga më jetiket të vendit tonë, Serbisë hegjemoniste, duke u shndërruar në fenomenin më të rrezikshëm për ekzistencën dhe vazhdimësinë e shtetit të Kosovës.

U dashtë të vinte Albin Kurti dhe Qeveria e tij në pushtet, që të ndaloheshin përfundimisht pazaret me territoret e Kosovës, të mos guxojë më kush, ta quaj veriun e Kosovës “autonomi të Millan Radojçiqit”, as “tokë të rankoviqit”, dhe pjesë të fatururar, që duhej ti falej Serbisë për “vitra”!

Vetëm nën qeverisjen e z. Kurti pas më tepër se dy dekadash anarkie totale, për herë të parë edhe shqiptarët do të guxonin ta kalonin lumin Ibër e të lëviznin lirshëm edhe në veri të Kosovës, ku u rivendos rendi e ligji edhe në atë pjesë të patjetërsueshme të vendit tonë dhe u shtri shtetësia e Kosovës  dhe vendos sovraniteti i plotë shtetëror edhe atje si në çdo cep të shtetit tonë të lirë e të pavarur.

Por pikërisht në momentete fundit, kur qytetarët e Kosovës prisnin me padurim përfundimin e fushatës zgjedhore dhe shpresonin ti gëzoheshin rezultatit të votimeve të lira e demokratike, krisi ndërhyrja e porositur e dylberit Grenell, i cili njëjtë si amerikano-latini Eskobar, që pas dështimit në Kosovë, u dërgua si ambasador në një nga vendet prej nga edhe ai vet e kishte origjinën, edhe Grenell u emërua i deleguar “special” për kriza në vendet latino-amerikane, por edhe nga atje, ai u përpoq që në përputhje me tarifën e pranuar nga Aleksandër Vuçiqi dhe opozita e inkriminuar, të godiste me potencial “shkatërrues”, Albin Kurtin, për ti sjellë fitoren në pjatë dhe riinstaluar me forcë, në pushtet opozitën e inkriminuar, në mënyrë që ti kryejnë bashkë, pazaret e mbetura në gjysmë nga mandati i kaluar për ndarjen e Kosovës dhe faljen e veriut të vendit tonë, Serbisë hegjemoniste.

Madje megjithëse dihet botërisht që çfarëdo ndërhyrje nga jashtë në sistemin elektoral pak ditë para mbylljes së fushatës zgjedhore në një vend të lirë, është në kundërshtim të plotë me të gjitha rregullat ndërkombëtare të zgjedhjeve të lira dhe normat e demokracisë kudo në botë, krejt kjo ndodhi, vetëm pse z.Kurti ua prishi oazën e krimit të organizuar politikanëve të inkriminuar që kishin krijuar bashkë me kriminelët serb të veriut.

Njeriu, i cili me vendosmërinë e një udhëheqësi të dinjitetshëm shtetëror, pas 25 vitesh anarkie, eliminoi përfundimisht edhe bandat kriminale dhe grupacionet terroriste serbe, duke i dëbuar ato bashkë me kryeterroristin Radojçiq në Serbi, e çliruar edhe minoritarët serb nga terrori i bandave të Millan Radojçiqit dhe mundësuar edhe pjesëtarëve të kësaj pakice në veri, të jetojnë të lirë dhe në demokraci të plotë, si në çdo cep tjetër të Republikës së Kosovës!

Prandaj Popull i Dashur i Republikës së Kosovës, në mënyrë që Kosova të bëhet më e mirë, më e fortë e më prosperuese dhe më e fuqishme se kurdoherë më parë, u bëj thirrje publikisht, që me 9 shkurt të vitit 2025, të votoni masovikisht partinë e Kryeministrit i cili e ka çliruar veriun e Kosovës, ka ndaluar pazaret me territoret e Kosovës, ka shpallur të jashtëligjshme organizatat terroriste serbe, që vepronin lirshëm në Kosovë, ka dëbuar kriminelët e Radojçiqit në Serbi, ka asgjësuar tabelat ilegale serbe, ka ndaluar dinarin serb, ka mbyllur postat, bankat, institucionet paralele dhe komunat ilegale të Serbisë në Kosovë.

Njeriun, i cili ka vendosur rend e ligj në gjithë vendin dhe ka shtri plotësisht sovranitetin shtetëror edhe në veri, njëjtë si në çdo cep tjetër të Republikës së Kosovës dhe në mandatin vijues, do ta fus edhe Vettingun e shpërbëj mafien në gjyqësor, konfiskojë pasuritë e grumbulluara kundërligjshëm dhe dërgoj hajnat në burg, në mënyrë që Kosova të bëhet një shtet i vërtet, dhe më e fortë se kurrë më parë, të anëtarësohet në NATO, OKB dhe të gjitha organizatat tjera botërore, si dhe të shndërrohet në vend me perspektiv, e të dëshirueshëm, për të jetuar me kënaqësi në të dhe bëjë krenuar shqiptarët, para gjithë botës me shtetin e tyre shembull për të mirë!

Prandaj i ftojë edhe njëherë të gjithë qytetarët që të zgjedhin partitë dhe votojnë Kryeministrin, i cili ka bashkuar mbarë vendin dhe shuar pazaret me territoret e Kosovës, ka deklasuar matrapazët që tregtonin sipas dëshirës së tyre, tokat tona autoktone dhe mënjanuar thikat e gërshërët, që ishin mprehur për ti ndarë e ricopëtuar tokat e Kosovës, kryeministrin që ka shtrirë sovranitetin e rivendosur shtetësinë në gjithë territorin, dhe garantuar integritetin territorial edhe në atë pjesë jetike, e të patjetërsueshme të vendit tonë, që ish pushtetarët nga partitë e inkriminuara ishin bërë gati, ta kontrabandonin, për t`i plotësuar dëshirat dhe kënaqur orekset serbomëdha të kriminelit Aleksandër Vuçiq, të emërtuar enkas si “toka të Rankoviqit, për t`ia falur sa më “lezetshëm” këtë pjesë jetike të vendit tonë, Serbisë hegjemoniste.

Duke e ditur shumë mirë se Grenell është vetëm një funksionar i përkohshëm dhe person i përveçëm, e nuk është Amerika, i cili madje nuk është pranuar të marrë pjesë as në inaugurimin e presidentit Trump, kurse me SHBA-të, ne si popull dhe shtet mik kemi marrëdhënie të përhershme, të cilave u jemi dhe mbetemi përjetësisht mirënjohës për çlirimin e Kosovës, mbrojtjen dhe ndihmën në shtetndërtim, si aleati më i madh historik dhe politiko-strategjik i Republikës së Kosovës, ju ftoj të mos i merreni seriozisht, as mos u jepni rëndësi aq fort deklarimeve korruptive të Richard Grenellit, i cili çdo gjë e flet dhe bënë për interesa personale dhe përfitime të parave.

Kurse, SHBA e di njëjtë sikurse se edhe ne vet, që populli i Kosovës është populli më proamerikan në botë dhe dëshiron që Kosova të jetë shtet i fortë ligjor me sistem të konsoliduar demokratik, ku sundon reni e ligji, andaj detyrë dhe obligim i të gjithë neve, qytetarëve dhe shtetasve të Kosovës, brenda dhe jashtë vendit, është që të votojmë për njeriun i cili e ka dëshmuar në vepër, përkushtimin maksimal dhe treguar vendosmërinë më të madhe për funksionimin e shtetit ligjor dhe garantimin e sovranitetit të plotë, kudo dhe në çdo cep, anë e këndë të territorit të Republikës së Kosovës!

Kështu që për fund, me shpresën e pathyer se vota e juaj, do ti besohet njeriut të duhur, për Kosovën, u shpreh nga zemra, Urimet më të mira dhe mbarësi maksimale të gjithë qytetarëve në votimet e lira dhe demokratike të 9 shkurtit, në shtetin tonë të pavarur dhe Republikën e bukur të Kosovës heroike.