Sot, më 16.09.2021 në Shkup të Maqedonisë së Veriut, do të zhvillohet mbledhja e përbashkët e Qeverisë së Republikës së Kosovës dhe Qeverisë së Republikës së Maqedonisë së Veriut.
Mbledhjes i paraprinë takimi tête à тête midis Kryeministrit të Republikës së Kosovës, Albin Kurti dhe kryeministrit të Republikës së Maqedonisë së Veriut, Zoran Zaev. Ky takim planifikohet të zhvillohet në ora 11:00.
Në ora 11:30-12:30 mbahet mbledhja e përbashkët e dy Qeverive.
Në ora 12.30 fillon ceremonia e nënshkrimit të marrëveshjeve/memorandumeve në mes Qeverisë së Republikës së Kosovës dhe Qeverisë së Maqedonisë së Veriut
Pas mbledhjes, nga ora 13:30-14:00, Kryeministri i Republikës së Kosovës Albin Kurti dhe Kryeministri i Republikës së Maqedonisë së Veriut Zoran Zaev, do të mbajnë konferencë për media.
Sqarim: Sipas praktikave të vendit nikoqir, konferenca për media do të jetë online. Linkun e transmetimit të konferencës do ta ndajmë me ju me kohë. Po ashtu, meqë masat kundër Pandemisë të zbatuara në Maqedoninë e Veriut kufizojnë qasjen e medieve në ndërtesën e Qeverisë, ne do të ndajmë me ju pamje nga mbledhja sapo ato të jenë gati.
