Agim Kasapaollit, legjendës sportive dhe gazetareske mbarëshqiptare, duhet ti jipet “Çmimi Jetësor” për kontributin e tij të gjithanshëm

Ka njerëz që e dinë që në fëmijëri se çfarë duan të bëhen kur të rriten.

Sepse panë, përjetuan dhe mësuan diçka magjike që me shpejtësinë e dritës i magjepsi dhe i frymëzoi për gjithë jetën.

Diçka që i la jo vetëm pa fjalë dhe pa frymë, me pamjen, karakterin, zgjuarsinë, talentin, humorin, magjinë, bukurinë, lëvizjet, elegancën, shpejtësinë dhe teknikën e përsosur, por edhe që i la pa asnjë dilemë se cili do të jetë profesioni i tyre i ardhshëm i jetës.

Kështu i ndodhi një djaloshi të ri, të zgjuar, të bukur, shtatlartë, të talentuar dhe ambicioz nga Peja, sapo e pa në ringun e boksit një boksier të zi, të bukur, elegant, fisnik dhe teknikisht të përsosur që fluturonte rreth kundërshtarëve të tij si një flutur dhe që i thumbonte ata si një bletë, me goditje të shpejta, elegante dhe precize deri në marramendje.

Një boksier goja e të cilit nuk pushonte kurrë së thëni gjëra interesante dhe koka e të cilit nuk pushonte kurrë së menduari gjëra të zgjuara, të bukura, fisnike, humane dhe të drejta.

Kështu i ndodhi i Agim Kasapollit, djaloshit të bukur, të talentuar, elegant dhe shtatlartë nga Peja, kur e pa për herë të parë në ringun e boksit boksierin më të madh të të gjitha kohërave Mohammad Ali.

Dhe ndërsa për shumicën e fëmijëve një përjetim i tillë magjik kthehet në një dëshirë të zjarrtë për t’i qëndruar besnik sportit gjatë gjithë jetës së tyre, për Agimin sporti u bë jo vetëm një profesion jetësor, por edhe një mision jetësor.

Sepse ai e kuptoi se sporti nuk është vetëm i shëndetshëm për trupin, shpirtin dhe mendjen, por edhe një mision i pazëvendësueshëm për ruajtjen e paqes sepse e neutralizon padrejtësinë, urrejtjen dhe dhunën rrugaçe.

Agimi në fakt e kuptoi që në fëmijëri se sporti kapërcen me lehtësi të posaçme barriera politike, racore, etnike dhe ideologjike në dukje të parë të pakapërcyeshme dhe afron e bashkon njerëz të pamjeve ngjyrave, botëkuptimeve, entiteteve, feve, shtresave, kulturave, ideologjive dhe bindjeve të ndryshme.

Agim Kasapolli u lind më 11 prill 1945 në Pejë, ku kreu shkollën fillore dhe të mesme, ndërsa diplomoi në Fakultetin e Edukimit Fizik në Sarajevë.

Ai ishte për pesëmbëdhjetë vjet rresht lojtar i pesëshes së parë në ekipin e basketbollit

Buducnosti nga Peja, i cili në atë kohë garonte në ligën e parë federative B.

Gjatë asaj kohe, ai e veshi 35 herë fanellën e reprezentacionit të Kosovës dhe madje 10 herë

ai i nisi ndeshjet si kapiten i ekipit.

Për shkak të

lojërave të tij cilësore ai në vitin 1970 u zgjodh njëzëri sportisti i vitit në Kosovë.

Në vitin 1977 ai u licencua në shkollën e trajnerëve në Zagreb si trajner i kategorisë federative.

Në vitin 1972 ai fitoi titullin kampion i Jugosllavisë me ekipin e pionierëve të Kosovës.

Në vitin 1973, ai mori çmimin e dhjetorit si sportisti më i gjithanshëm kosovar, ose më saktë si kampion në not me gjoks në 200 metra dhe si nënkampion në maratonë, pas garave të mbajtura në Batllavë

Ndër të tjera ai ishte edhe përzgjedhës i ekipit të basketbollit të Kosovës dhe trajner i ekipit femëror të basketbollit “Universiteti i Prishtinës” , i cili garoi në ligën më të fortë në Evropë, atë të ish-Jugosllavisë, në periudhat 1981-1982. dhe 1982-1983.

Në periudhën 1982-1983 Agimi u shpall trajneri më i suksesshëm i Jugosllavisë në konkurrencën e femrave.

Në vitin 2010, si përzgjedhës i reprezentacionit të Kosovës, ai fitoi turneun ndërkombëtar në Prishtinë, ku morën pjesë Emiratet e Bashkuara dhe Shqipëria.

Në atë turnir, Kosova arriti rezultatin më bindës në historinë e basketbollit, duke mposhtur Emiratet e Bashkuara me rezultat 127-58 (69 pikë diferencë).

Karriera e tij gazetareske është legjendare. Këtë vit ai feston 40 vjet punë të pandalshme dhe jashtëzakonisht të suksesshme.

Në periudhën 1975-1990 ai ishte fillimisht gazetar, e më pas redaktor dhe komentator në Televizionin e Prishtinës.

Përveç kësaj, ai ishte gazetar korrespondent në gazetën e Zagrebit “Zagrebačke Novosti”.

Ai ishte edhe redaktor i rubrikës sportive të kësaj gazete dhe bashkëpunëtor i rubrikës sportive

Revista “KOSH” në gjuhën serbokroate, e cila u botua në Zagreb në periudhën 1983-1986.

Pas çlirimit të Kosovës nga okupatori serb, ai herë pas here ishte kolumnist në gazetat “Koha” dhe “Zëri”.

Ai bëri mbi 1200 moderime nga 26 disiplina sportive të zhvilluara në të gjitha kontinentet e botës.

Ngjarjet më interesante të moderuara nga Agim Kasapolli gjatë karrierës së tij të pasur gazetareske në Televizionin e Prishtinës janë të panumërta.

Dhe meqenëse nuk mund t’i rendis të gjitha, do të listoj vetëm ngjarjet më të mëdha sportive.

Moderator i Lojërave Olimpike Verore:

1. 1980, Moskë – BRSS

2. 1984, Los Anxhelos – SHBA

3. 1988, Seul – Koreja e Jugut

4. 2000, Sydney – Australi.

Ai e ka komentuar këtë Olimpiadë nga studio e RTK-së në Prishtinë.

Moderator i Lojërave Olimpike Dimërore:

1. 1980, Lake Placid – SHBA

2. 1984, Sarajevë – Jugosllavi

3. 1988, Calgary – Kanada

4. 2002, Lake City – SHBA. Këtë Olimpiadë ai e ka komentuar nga studio e RTK-së në Prishtinë.

Moderator i Kupës së Botës në Itali 1990

1. 11.06.1990, Angli – R. Irlandë

2. 12.06.1990, Belgjikë – Kore e Jugut

3. 15.06.1990, Austri – Çekosllovaki

4. 19.06.1990, Itali – Çekosllovaki

5. 25.06.1990, R. Irlandë – Rumani

6. 26.06.1990, Belgjikë – Angli

7. 01.07.1990, Kamerun – Angli, çerekfinale

8. 04.07.1990, Angli – FRGJ, gjysmëfinale

9. 07.07.1990 Itali-Angli gjysemfinale

10. Finalja nuk u transmetua, sepse regjimi serb pushtoi RTP-në (kampione doli Gjermania)

Moderator i Kupës së Botës FIFA 2002, Japoni, Kore e Jugut.

1. Meksikë – Itali

2. Kroaci – Ekuador

3. Meksikë – SHBA

4. Brazil – Belgjikë

5. Japoni – Turqi

6. Senegal – Turqi

7. Brazil – Turqi

8. Lufta për vendin e tretë, Turqi – Kore e Jugut 3:2

Finalja e këtij kampionati botëror është komentuar nga Azem Brovina

9. Brazil – Gjermani 2:0

Moderator i Kupës së Botës në basketboll:

1. 1970, Lubjanë. I ftuar si ish-lojtarë të “Buduçnost” Peć

2. 1978, Manila – Filipine

3. 1982, Cali – Kolumbi

4. 1986, Madrid – Spanjë

5. 1990, Buenos Aires – Argjentinë

6. 2000, Stamboll – Turqi, i ftuar për të qenë trajner i Kombëtares së Kosovës.

Moderator i Kampionateve Evropiane të Basketbollit:

1. 1975, Beograd – YU (si gazetar i “Sportskih novosti”)

2.1979, Torino – Itali

3.1981, Pragë – Çekosllovaki

4.1983, Nante – Francë

5.1985, Shtutgart – RFGJ

6.1987, Athinë – Greqi

7.1980, Banjaluk – YU, Kampionati për Femra

8.1982, Ankona – Itali, Kampionati i Femrave.

Moderator i Kampionateve Botërore të Boksit:

1. 1978, Beograd – YU

2. 1982, Mynih – SRG

3. 1986, Rino – SHBA

4. 1989, Moskë – BRSS

Moderator i Kampionateve Evropiane të Boksit

1. 1979, Këln – RFGJ

2. 1981, Tampere – Finlandë

3. 1983, Varna – Bullgari

41985, Budapest – Hungari

5. 1987, Torino – Itali

Ai moderoi pothuajse të gjitha kampionatet botërore dhe evropiane të boksit së bashku me Veli Vraniqin, i cili ishte redaktori i tij. Nga viti 1984 deri në vitin 1990, ai vetë u bë redaktor i programit sportiv në RTP.

Turniret e rëndësishme të boksit:

1. Turniri Strangjat – Bullgari

2. Fitues i Beogradit

3. Doreza e Artë, Beograd

4. Gongu i Artë, Shkup

5. Kampionati Ballkanik, Prishtinë

Ai komentoi mbi pesëdhjetë ndeshje në boksin profesionist, duke filluar nga Larry Holmes-Michael Spinks dhe duke vazhduar me shumë boksierë të tjerë të mëdhenj.

Ai moderoi duelet e Luan Krasniqit deri në titullin kampionit të Evropës ndaj Rene Monse.

Në vitin 1978 në Beograd ai moderoi duelin mes Mate Parlov dhe Conte, ku Parlov mbrojti titullin kampion bote në boksin profesionist.

Ai komentoi gjithashtu lojërat mesdhetare:

1.1979, Split – Jugosllavi

2. 1983, Casablanca – Marok

3.1985, Latakia – Siri

Universiada:

1.1981, Bukuresht – Rumani

2.1987, Zagreb.

Ai gjithashtu komentoi finalet e të gjitha garave evropiane të basketbollit:

1. 04.05.1979, Francë, Grenoble. Finalja e Kupës së Kampionëve të Evropës në Basketboll, Bosnje – Emerson

2. 29.03.1979, Spanjë, Lacorunia. Finalja e Kupës së Kampionëve, C. Zvezda – Vjenë Hungari (basketboll, liga e femrave)

3. 23.05.1979, Hendboll: Borac nga Banja Luka – Borac nga Uroševac, finale e Kupës së Jugosllavisë.

4. 20.03.1979, finale e Kupës Korac në basketboll, Partizan – Arigon,

5. 21.07.1979, Karlovac: Kampionati Evropian i Atletikës.

6. 03.08.979, Moskë: Spartakjada

7. 09.09.1979, Bled: Kampionati Botëror i Lundrimit.

8. 26.07.1980, Beograd: Turneu ndërkombëtar i vaterpolit, Tašmejdan.

9. 06.09.1980, Sarajevë: Kupa Interkontinentale e Basketbollit, Bosnje – Maccabi – Kanzastar – Real

10. 05.09.1981, Split: Kampionati Evropian në not, not të sinkronizuar, zhytje dhe vaterpolo.

11. 29.11.1981, Moskë: Kampionati Botëror në Gjimnastikë

12. 18.03.1982, Shibenik: Kupa Koraqi, basketboll, Shibenik – Limozh.

13. 17.04.1983, Beograd: Kupa Botërore e Gjimnastikës Ritmike

14. 07.05.1983, Goteborg: Kampionati Evropian i Gjimnastikës

15. 30.07.1983, Rjjek: Kupa Ballkanike ne not

16. 15.03.1984, Gjenevë: Finalja e Kupës Korac në basketboll, C. Zvezda – Ellan Ortezi.

17. 25.03.1984, Oslo: Ski, Kampionati Botëror

18. 02.01.1984, Garmishpartinkirchen: Kërcim me ski

19. 23.01.1985, Zagreb: Basketboll, Kupa e Kampionëve të Evropës. Cibona – CSKA Moskë

20. 31.01.1985, Zagreb: Finalja e Kupës së Evropës në basketboll. Cibona – Real

21. 04.03.1985, Athinë: Ndeshja e Kupës së Kampionëve të Basketbollit. Jugoplastika – Realiteti

22. 11.10.1985, Sarajevë: Boks. YU – SHBA.

23. 09.05.1985, Žare: Basketboll, mirëseardhja e Ćosić-it, YU – Evropë.

24. 12.05.1985, Helsing: Kampionati Evropian i Gjimnastikës

25. 22.09.1985, Las Vegas: Boksi profesionist, titulli botëror i peshave të rënda, Spings – Larry Homs

26. 09.01.1986, Kaunas: Basketboll, Zhallgiris – Cibona

27. 19.01.0986, Firence: Kampionati Evropian i Gjimnastikës Ritmike

28. 17.03.1987, Novi Sad: Basketboll, finalja e Kupës së Kampionëve të Evropës, Cibona – Scavolini

29. 01.03.1988, Zagreb: Finalja e Kupës Evropiane të Basketbollit, Cibona – Real.

30. 05.04.1988, Belgjike, Ghent: Turne per titullin kampion europian i basketbollit Partizani – Arisi – Maccabi – Tracers.

31. 17.04.1990, Spanjë, Zaragoza:

Finalja e Kupës së Kampionëve të Basketbollit të Evropës, Jugopllastika – Barcelona ishte moderimi i tij i fundit para mbylljes së Radio Televizionit të Prishtinës.

Në vitin 1999 u rihap Televizioni, por tani jo si RTP, por si RTK. Ky projekt fillimisht u mbikëqyr nga OSBE.

Vlen të theksohet fakti se Agimi gjatë pushtimit dhjetëvjeçar të RTP-së ishte edhe kryetar i Sindikatës së Radios dhe

Televizionit të Prishtinës, dhe si përfaqësues i sindikatës mori pjesë në trupin koordinues të përbërë nga Martin Çuni, Skender Blaka dhe Xhevat Juniku.

Për më shumë se 2 muaj ky grup zhvilloi negociata që punëtorët e RTP-së të jenë bartës të projektit të RTK-së. Pas shumë debatesh dhe kompromisesh të vështira, ata ranë dakord që RTK-ja të fillojë me një staf të kombinuar prej 50% ish-punëtorë të RTP-së dhe 50% të tjerë të zgjedhur nga OSBE-ja, të cilët ishin kryesisht të rinj nga Kosova, me pak ose aspak përvojë në gazetari.

Në fillim, gjatë vitit 1999, RTK transmetonte vetëm 2 orë program në ditë. Në vitin 2000, kur qeveria e Japonisë i dhuroi RTK-së teknologjinë më të avancuar televizive, programi u zgjerua. Transmetimet e para sportive në Kosovë filluan në gjysmën e dytë të vitit 2000, sepse marrësit e sinjaleve të antenave në mbarë vendin ishin të bombarduar nga forcat e NATO-s, kështu që ishte teknikisht i pamundur transmetimi i drejtpërdrejtë.

Raportet e para në Kosovën e lirë ishin:

1. Boks: Prishtinë – Tiranë, Pallati i Madh i Sportit, Prishtinë (ende e pa djegur)

2. Basketboll: Trepça – Tiranë, Mitrovicë.

Të gjitha transmetimet nga liga e basketbollit në vitet 2000, 2001 dhe 2002 janë transmetuar në RTK.

Në vitin 2002, marrëveshja u ndërpre vetëm me ekipin e Trepçes dhe KTV filloi të transmetojë ndeshje nga Mitrovica. Fillimisht si raporte dhe më vonë live.

Në atë periudhë Agimi ka bërë mbi 170 transmetime vetëm në basketboll.

Ndeshja e parë ndërkombëtare e futbollit ndërmjet Kosovës dhe Shqipërisë është transmetuar drejtpërdrejt në bashkëpunim me televizionin shqiptar KLAN. Agimi këtë ndeshje e ka komentuar nga stadiumi i Prishtinës në duet me Dritan Shakohoxhën.

RTK bëri edhe shumë emisione të tjera spektakolare, për të cilat do të flas në mënyrë të detajuar në një përmbledhje të veçantë.

Kësaj radhe kam prezantuar vetëm disa disiplina sportive të punuara nga Agimi, pasi që pas luftës asnjë televizion në Kosovë nuk i ka përmendur në emisione informative e aq më pak t’i transmetojë. ato.

Mirënjohjet e Agimit :

Në Universiadën e Zagrebit në vitin 1987, Agimi mori mirënjohjen “shenja e artë” nga Josip Verhoveci, presidenti organizativ i Universiadës dhe Sekretari Federativ i Punëve të Jashtme.

Ai mori në vitin 1972 çmimin e dhjetorit për arritjet e tij me pionierët e basketbollit

Në vitin 2000 u shpall “Gazetari i Vitit”.

“Gazetari i Vitit” u shpall edhe në vitin 2002 për kontributin e tij në sensibilizimin e basketbollit pas luftës në Kosovë.

Në vitin 2004 ai mori çmimin kombëtar “Anton Mazreku”.

AKTIVITETET POLITIKE GJATË PUSHTIMIT

Agimi është një nga themeluesit e KOK dhe

Anëtar i Kryesisë së Shoqatës së Sporteve të Kosovës 1991-1995.

Kryetar i Federatës së Sporteve të Kosovës ishte në periudhën 1990-1999.

4 vite me radhë ishte kryetar i këshillit të ekspertëve të FFK dhe themelues i të gjitha federatave të Kosovës

___