Sadri Ramabaja, Prishtinë
____
Sonte, nën përkujdesjen e ZKM të Republikës, në 40 vjetorin e rënies së Nuhi Berishës dhe Rexhep Malës, në ambientet e Bibliotekës Kombëtare “Pjetër Bogdani”, u mbajt akdemi përkujtimore.
Në natën e 11 janarit, në të gdhirë të 12 janarit të vitit 1984, Nuhi Berisha dhe Rexhep Mala, dy pararendësit më emblematik të UÇK-së, u rrethuan nga forcat policore, në lagjen periferike të Prishtinës, që pas rënies së tyre, do të marrë emrin e aktit të heronjëve – Kodra e Trimave.
Atë natë të ftohtë janari, plot 11 orë rresht, Rexhepi e Nuhiu luftuan pa ndërprerë. Më pas dëshmitarët e asaj ngjarjeje, më kanë rrëfyer se gjatë pothuajse gjithë kohës së luftimit ata kanë kënduar.
Dy idealistë luftëtarë përballë mbi 300 forcave policore që kishin rrethuar dyfish lagjen në fjalë.
Ka 40 vjet që ne shënojmë, sidomos vitet jubilare, rënien e shokëve tanë. Organizimi kësaj radhe ishte pothuajse i përkryer. Natyrisht kishte edhe lëshime të karakterit objektiv.
Njëri prej folësve, Skender Kastrati, revolucionari nga orët e para të rezistencës për Republikë, duke e ciësuar km Albin Kurti si kryeministri më i mirë në Europën Juglindore, do të pohonte se, Rexhep Mala e Nuhi Berisha me vetëdije të plotë janë sakrifikuar, meqë vetëm ashtu ata dërgonin mesazhin e qartë se pa sakrifica sublime nuk fitohet liria, ndërkaq do të jenë institucionet e Shtetit ato që do ët realizojnë idealin e heronjëve.
Një dekadë më vonë, kur rrethanat gjeopolitike do të ndryhsonin në dobi të Kosovës, modeli i bashkimit të brezave që shpërfaqnin Rexha e Nuhiu, do të shërbejë për bashkimin e forcave revolucionare dhe krijimin e UÇK-së.
Përvjetorët e kësaj natyre, fatkeqësisht shfrytëzohen edhe nga elemnentë që nuk kanë në konsideratë të vërtetën historike.
Ky fakt e dëmton edhe shënimin jubilar të kësaj natyre.
Në min. 1:12.17, jo rastësisht, Gafurr Elshani e ripohoi 17 shkurtin si datë të themelimit të LPK-së [sic!], pavarësisht se të dhënat faktike të dëshmitarëve okular dhe ato arkivore, tashmë e kanë verifikar se 17 shkurti ishte thjeshtë produkt i komplotistëve, siç do të veprojë kjo lagje edhe në raport me drejtimin e UÇK-së dhe më pas edhe Republikës për një periudhë të mirë, ndërkaq data e themelimit të LPK-së ishte 17 janari 1982, pikërisht pak orë pasi ishte akorduar ky bashkim mes tre përfaqësuesve të tri organizatave përkatëse: Jusuf Gërvallës [LKÇVSHJ-së], Kadri Zekës [OMLK-së] dhe Ibrahim Kelmendit [Fronti i Kuq].
