Nga : Lirim Gashi, Prishtinë
___
Pse Albin?
___
Pse Albin t’u dhimbsen pesëmbëdhjetë minuta për t’ia dedikuar heroit me të madh kombëtar të të gjithë kohërave Gjergj Kastriotit?
A t’ia falim tani Gjegjin serbëve dhe ta shpallim Sulltan Muratin hero tonin më të madh kombëtar të të gjitha kohërave, vetëm pse nuk e vlerëson ti ?
Apo ta pyesim veten pse ti Albin që më pate thënë se librat e Uksin Hotit janë Biblat e partisë tënde, nuk i gjete pesëmbëdhjetë minuta kohë për t’iu drejtuar njerëzve që ishin mbledhur rreth shtatores së Gjergj Kastriotit për ta festuar ditëlindjen e tij?
Herën tjetër do të mblidhemi rreth shtatores së Gjergjit për ta shpallur Sulltan Muratin hero me të madh kombëtar dhe për t’ia shuar dritat shtetit të dytë shqiptar.
Ta shohim pastaj se a do t’i gjësh pesëdhjetë minuta kohë për t’iu drejtuar masës, apo do ta dërgosh Arbër Vokrrin djalin e një udbashi për të cilin muti i shefave të tij nga Beogradi ishte dhe mbeti i ëmbël si sutllijashi.
Një gjë është e sigurt:
Ukshin Hoti nuk do të vepronte kështu.
Albin, unë nuk jam ai lloj njeriu që pështyn gjithçka që ka menduar dhe thënë për ty, por nëse mendon se do të jesh në gjendje të sillesh si një Zot i pamëkatë në tokë vetëm pse ta përkëdhelin shpinën disa batkqinjë servilë të cilët për hir të interesave të tyre të ngushta do t’ia lëpinin bythën edhe Sllobodan Millosheviqit sepse janë bij e bija të prindërve që ia kanë lëpirë bythën Aleksandër Rankoviqit, atëherë do të më motivosh mua, mikun tënd besnik dhe kritik që të mos e shtrojë rrugën nëpër të cilën do të ecësh vetëm me qilim të kuq dhe lule, por edhe me hitha dhe therra sa herë që e devijon.
E kuptoj nevojën tënde për vota, por shtetarët e mëdhenj jo vetëm që arrijnë të jenë të pavarur nga votat e pista dhe të marrin mjaftueshëm vota të pastra por edhe t’i qëndrojnë besnikë vetes dhe premtimeve që kanë bërë.
Fatkeqësisht, në dy-tre vitet e fundit, këtë nuk e kam vënë shumë re tek ti.
