Florim Zeqa
Edhe pse nuk i përkas grupit të njerëzve që zhgënjehen lehtë dhe për asgjë, kësaj radhe u bënë shkas gjërat e vogla që më shkaktuan zhgënjmimin e madh e të papritur në vendlindjen time të dashur, Kosovën Dardane!
Me hajna nuk ka shtet!
Që nga hyrja në pikat kufitare kudo në qytetet tona vëreheshin pankartat gjgante “Mirë se vini bashkatdhetarë”, por menjëherë pas tyre fillon mashtrimi dhe rrjepja e mërgimtarëve filluar nga ‘policat e sigurimeve’ për automjetet, numrat e telefonisë mobile, riaktivizimi i pakove digjitale televizive, tatimi në pronë për shtëpitë e pabanuara e deri tek çmimet astronomike të artikujve ushqimorë të cilat ua kalojnë edhe vendeve më të zhvilluara evro-perëndimore!
“Mundësia” e tërheqjes së 20 eurove të ‘policave të sigurimeve’ është një hajni e planifikuar mirë nga pushtetarët aktualë, për faktin se asnjë mërgimtarë nuk i humb tri ditë të arta të pushimeve për të shkuar në Prishtinë për 20 euro, pa e llogaritur koston shtesë të udhëtimeve.
Meqë kësaj radhe udhëtimin për në vendlindje dhe anasjelltas e bëra me Autobus, nuk e pata fatin të “shërbehem” me ‘policën e sigurimeve”, por kjo nuk më shpëtoj nga peripecitë e tjera të shumëta që përjetova në vendlindje.
Përjetimi i parë i keq ndodhi me rastin e blerjes së dy numrave të telefonisë mobile nga një kompani në qytetin e Mitrovicës, të cilat i pagova më shtrenjtë se zakonisht (12 euro një numër për një muaj), njëri prej të cilëve m’u aktivizua vetëm pas një jave, kurse tjetri as pas tre javësh të qëndrimit në vendlindje.
Gjatë ankesave të përditshme në pikën e shitjes, mësova për vjedhje akoma më të mëdha të mërgimtarëve nga e njëjta kompani në Aeroportin e Prishtinës, të cilëve ua kishin marrë nga 30 euoro për kinse shërbime vjetore të internetit, por më të kontrolluar numrat e tyre në pikën e njëjtë të shitjes ku ndodhesha unë, u zbulua vjedhja dhe mashtrimi i madh, pasi aktivizmi i kartelave telefonike u ishte bërë në afatin një mujorë e jo vjetor siq e kishin paguar!
Përjetimi i dytë i keq me ndodhi më rastin e riaktivizimit të pakos digjitale televizive, për të cilën u detyrova të paguaj hiq më pak se 39 euro. Kur jemi në këtë segment, bashkatdhetarët e dijnë fare mirë se me rastin e aktivizimit të parë i kemi paguar nga 70 euro, prej tyre pagesën prej 45 euro për tre muaj plus 25 euro shërbime të kyqjes në rrjet, me premtimin që herën tjetër kur të vijmë në vendlindje të paguajmë vetëm shërbimin mujorë prej 15 eurove dhe asgjë më shumë. Por e vërteta na doli të jetë ndryshe, 15 euro për rrjetin mujorë dhe 24 për shërbime të kinse për “mirëmbajtje të pajisjeve të internetit”, të pajisjeve të ç’kyqura edhe nga rrjeti elektrik një vit më parë më rastin e largimit nga vendlindja!
Krahasuar me tatimin në pronë, më i lartë po na delë të jetë tatimi për pajisjet e ç’kyqura elektronike të internetit sesa tatimi në patundshmëri!
Përjetimi i tretë i keq më ndodhi me kompanitë e udhëtimeve (Autobusët Interurban), çmimoret e të cilave varionin jo sipas ligjit por sipas “maliqit”. Sa më e fortë kompania, çmimi më i lartë, sa më e dobët kompania çmimi më i ulët për shërbimin e njëjtë!
Zhgënjimi i mërgimtarëve nga vjedhja sistematike për çdo sherbim të kompanive të licencuara nga shteti ka bërë që nga viti në vit të bie numri i mërgimtarëve që i vizitojnë vendlindjet e tyre.
Kur këtyre përjetimeve t’iu shtohen edhe reduktimet e energjisë elektrike 6 me 2 dhe nga 10 deri në 30 orë pandërprerë pa rrymë në pikun e vapës, nuk ka sesi të mos jetë i lartë zhgënjimi i mërgimtarët në vendlindjen e tyre.
Parregullësitë në trafik pasojë e mosfunksionimit të shtetit
Për parregullësitë dhe plaçkitjen e mërgimtarëve në vendlindje nga kompanitë e licencuara nga shteti fajtore është politik-bërja, përkatësisht të gjithë pushtetarët e deritanishëm përfshirë këta aktualë.
Përderisa pushtetarët paraprak i liçensuan dhe i kontrollojnë kompanitë e inkriminuara, pushtetarët aktualë janë fajtorë për paaftësinë e menaxhimit dhe ndëshkimit të kompanive të inkriminuara të cilat vazhdojnë të plaçkisin qytetarët dhe mërgimtarët, me të cilat para e ushqejnë krimin e organizuar dhe korrupsionin në vendin tonë.
Për kaosin urbanistik në kryeqytet dhe qytetet e mëdha të Kosovës, përveq pushtetit lokal, fajtore është Ministria e Transportit dhe Infrastruktues e cila lejon abuzimin dhe keq-menaxhimin e Stacioneve të Autobusëve nga matrapazët që u qesin haraq kompanive të cilat e bëjnë transportin e rregulltë të udhëtarëve në linjat Urbane dhe Interurbane.
Si pasojë e kësaj, kompanitë e udhëtimeve për t’i ikur pagesave për çdo hyrje në Stacionin e Autobusëve në Prishtinë detyrohen të ndalen jashtë stacionit vend e pavend, duke ua rrezikuar jetën e qytetarëve nga kalimi i paligjshëm i rrugëve për t’i zënë linjat e autobusëve në destinacionet e caktuara.
Zhgënjimin ta kthejmë në forcë për largimin e kusarëve politik
Jam thellësisht i bindur se shumica e mërgimtarëve që ishin në vendlindje do ta gjejnë veten në përshkrimin tim personal të cilin nuk e përdora për hakmarrje kundër askujt, madje nuk e permenda as emrin e kompanive prej të cilave u dëmtova personalisht.
Por, qëllimi i këtij shkrimi është vetëdijësimi i pushtetarëve për çasje ndryshe ndaj artieries më të shëndoshë kombëtare-mërgatës, pa të cilën atdheu ynë do të varfërohet dhe braktiset çdo ditë e më shumë nga popullata e saj.
Njëkohësisht pres reflektim të qytetarëve dhe mërgimtarëve për distancim ndaj politikanëve që e katandisen vendin siq është më së keqi, më keq se asnjëherë gjatë historisë.
Siq e ceka në fillim të këtij shkrimi, është hera e parë që u ktheva i dëshpruar nga vendlindja, jo shkaku i përjetimeve personale, por nga katandisja e çdo gjëje dhe gjithçkaje në Kosovë.
Por, këtë zhgënjim personal do ta kthejë në forcë dhe përkushtim për ndryshimin e madh politik në vendin tonë dhe luftimin e dukurive të shumëta negative, numri i të cilave është i gjatë dhe i pambarim.
Atdheu im i katandisur,
të dua edhe kështu siq je,
të kam nënë e më ke djal,
dashuria për ty,
në shpirtin tim,
vlon si vullkan i pashuar,
derisa të vijë,
përseri tek ti.
Florim Zeqa, 20.08.2022
