Përshkrim: Një nga fotot për plisin në Preshevë para një viti …
Gani I. Mehmeti
Dikush po përpiqet ta kapërcejë gardhin para se të arrijë tek ai. Kështu edhe udhëheqës të televizioneve të Kosovës, të quajtur moderatorë, secili para tjetrit po caktojnë për debat temën rreth Bashkimit Kombëtar me analistët tanë të «mirënjohur», thua se bashkimi kombëtar është në dorën e tyre. Kjo, edhe si temë për debat është tepër bajate dhe e parakohshme, nga që, nuk ma merr mendja të ketë shqiptar kundër Bashkimit, prandaj e shoh si të panevijshme vetë debatet.
Bashkimi kombëtar që të bëhet, kërkon shumë punë e kushte që nuk janë pjekur. Bashkimin kombëtar shqiptar nuk do të mund ta bëjnë pa përkrahjen e ndërkombëtarëve, sepse ne nuk duhet të harrojmë me kë kemi të bëjmë. Fqinjët tanë na kërcënojnë përditë me luftë për të na pushtuar a për të marrë ndonjë copë të territorit tonë ende, e këta shkojnë e bisedojnë për bashkim kombëtar.
Që të bashkohemi ne, fillimisht duhet të punohet në atë drejtim, që jemi shumë larg. Shumë me vend ekziston ajo thënia : Para se të bashkohen tokat, duhet të bashkohen kokat! Me koka të ndara nuk bëhet asnjë bashkim.
Duhet të armatosemi në radhë të parë më mirë se që janë të armatosur fqinjtë tanë. Duhet të kthehen shqiptarët nga mërgata për t’u aktivizuar për luftë më parë, pastaj të shhihet se kush do të fitojë. Nuk bëhet bashkimi kombëtar me duar në xhepa, pa armatim e pa përkrahje kombëtare.
Që të bëhet bashkimi kombëtar, ne duhet të jemi të gjithë në një vi, të dëgjojmë ata që do të mund ta bënin kërkesën e jo të shahemi e të rrahemi nëpër kuvendet shqiptare si në Kosovë, ashtu edhe në Shqipëri, ku janë aq shumë të përçarë, sa kanë arritur në armiqësi ndërmjetvetit.
Pushtetarë e deputetë shqiptarë inatin nuk e mbajnë me të huajt, ndërsa me të vetët e kanë inatin më të madh se sa interesin për shtetin. Kjo nuk na çon neve përpara. Kjo na çon në copëzime të tjera e jo në bashkim.
Në Rubikon-in e Klan Kosovës u rrahën edhe shumë ide e metoda të ndryshme se si do të mund të vinte deri tek bashkimi kombëtar, por sërish, shkuan nga debati pa bashkim kombëtar!
Dikush tregonte edhe kohën prej kur ekziston ideja për bashkim kombëtar, por asnjëri nuk ia qëlloi! Kush thoshte nga viti 1981 e dikush e përmendi edhe vitin 1968, që ishte një gabim, sa u përket veprimtarëve politikë edhe të burgosur, madje.
Ideja për bashkim kombëtar është prej kur Kosova e viset tjera janë ndarë nga trungu, nga Shqipëria londineze. Ajo ka qenë qysh në luftërat nën drejtimin e Hasan Prishtinës dhe ekziston edhe sot e kësaj dite, siç thash tek të gjithë shqiptarët e vërtetë që nuk e vejnë interesin e vet mbi interesin e përgjithshëm.
Pastaj, disa sekrete duhet të mbahen. Mund të bëhen përpjekjet politike nga pushtetarë shqiptarë në bashkëpunim mes tyre por pa zhurmë, pa e ditur fare fqinjtë tanë, se mund të prishin punë, qoftë drejtpëdrejtë, qoftë përmes shteve bashkëpunëtore e mike me ta. Kur ta merrë secili vesh krejt çka po bëhet, del dikush që të pengon.
Politika i ka dy kuptime: Njëri kuptim është që quhet rrenë, gënjeshtër, pra që përmes saj, ndryshe thua e ndryshe mendon dhe ndryshe krejt vepron. Prandaj, edhe populli thot: Mos më duaj me politikë, që do të thotë mos më duaj me rrenë.
Kuptimi i dytë i politikës është puna përdhe, që nuk i duken këmbët fare askund deri sa të arrijë në cak. E kur të arrijë na cak, e sheh se ku ka shkuar, por nëse nuk e ke kuptuar më heret, më përpara se të shkojë në cak, e ke vështirë ta pengosh kur ai arrinë në cakun e tij. Pra fshehtas, në mënyrë sekrete, pa diktueshëm. edhe kjo është politikë.
Politika ka vetëm interesin e vet dhe i lë anash të gjtiha të tjerat. Lë edhe drejtësinë edhe burrërinë, bën si mundet.
E, ne shqiptarët i tregjmë të gjitha para se të shkojmë në fund, para edhe se të nisemi, madje.
Për t’u bashkuar duhet të forcohemi ideologjikisht, ekonomikisht, ushtarakisht, duke u organizuar.
Nuk duhet të ngutemi që të dështojë para se të fillojë.
Debatet në këtë temë nëpër mediume janë tejet të dëmshme.
Nuk e them të ndërpritet ideja, por duhet të punohet pa zhurmë. E deri sa duhet të kemi edhe përkrahjen e miqve, gjithsesi duhet të punojmë në partneritet me ta.
