Reagim ndaj deklaratave të Sali Berishës për “ligjin e faljes së xhumasë”
Deklaratat e fundit të Sali Berishës për futjen në ligj të faljes së xhumasë si dhe përpjekjet e tij për të shfrytëzuar besimin fetar për përfitime elektorale janë një sulm i hapur ndaj parimeve themelore të shtetit laik dhe një dëshmi e rrezikshme e populizmit të tij të dëshpëruar.
Sali Berisha, një politikan që për dekada ka dëmtuar themelet e shtetit shqiptar me korrupsionin, kaosin dhe konfliktet që ka nxitur, tani del me premtime të rreme për të instrumentalizuar besimin fetar në favor të interesave të tij politike. Ligji shqiptar dhe Kushtetuta e Shqipërisë e përcaktojnë qartë se shteti është laik dhe se feja dhe shteti janë të ndarë. Asnjë qeveri nuk mund dhe nuk duhet të ndërhyjë në çështjet fetare apo të imponojë praktika fetare përmes ligjeve të shtetit.
Po ashtu, ky është një sulm i drejtpërdrejtë ndaj harmonisë fetare në Shqipëri. A ka menduar Sali Berisha se çfarë efekti do të ketë një ligj i tillë mbi komunitetet e tjera fetare? Apo ky është një akt i qartë diskriminimi dhe favorizimi i një grupi të caktuar për vota politike?
Në vend që të bëjë premtime absurde për çështje që cenojnë thelbin e shtetit modern shqiptar, Sali Berisha duhet të përgjigjet për aferat e tij korruptive dhe për dëmet që i ka shkaktuar vendit. Shqiptarët nuk kanë nevojë për një politikan që luan me ndjenjat fetare për të mbuluar dështimet e tij politike dhe për të siguruar mbështetje elektorale përmes manipulimit të besimeve të qytetarëve.
Shqipëria është një shtet laik dhe i tillë duhet të mbetet. Çdo përpjekje për ta kthyer në një shtet fetar, përmes ligjeve që favorizojnë një fe të caktuar, është një kërcënim për të ardhmen demokratike të vendit dhe duhet të refuzohet me vendosmëri nga të gjithë qytetarët që besojnë në një Shqipëri të lirë, të drejtë dhe të barabartë për të gjithë.
Sali Berisha me propozimet e veta TEOKRATIKE ISLAMIKE MESJETARE, si dhe Edi Rama me propozimin per krijimin ne Tirane te nji shteti fetar Bektashian TEOKRATIK ISLAMIK MESJETAR, po bajne nji politike REGRESIVE ANTI SHQIPTARE dhe ANTI EUROPIANE. Keto dy shesin gjithçka edhe SHQIPTARIZMEN veteme e vetem per te marre pushtetin dhe per ta vjedhe kete popull.
Çështjet fetare në hapësirat shqiptare janë të lidhura ngushtë me sigurinë tonë kombëtare. Prandaj ruajtja e vlerave kombëtare fetare të shqiptarëve është nji obligim i shqiptarëve kudo që ndodhen, në Shqipëri, Kosovë, Maqedoni, Malin e Zi, në Luginën e Preshevës dhe Çamëri si dhe në diasporë. Nëse, deri më tash, para botës jemi krenuar për një harmoni dhe tolerancë ndërfetare të shkëlqyeshme që kemi trashiguar nga të parët tanë, e cila ka qenë për çdo lavdatë dhe respekt, si do t’ia dalim ne , brezi ynë, ta ruajmë një status quo të tillë. Nëse për një tolerancë dhe harmoni fetare dikush ka meritë, ajo meritë i takon si shumicës ashtu edhe pakicës të cilët ditën të bashkëjetojnë pa pretendime për të mbizotruar ndaj njëri tjetrit.
*
IMH