Budallallëk me brirë i Enciklopedisë së Madhe Greke apo i Profesorit Xhevat Lloshi?! 

Në foto: Xhevat Lloshi

Eshref Ymeri 

Në emisionin televiziv “Spotlight – Prejardhja e shqiptarëve / Gjuhëtari LLoshi: Teoritë pellazgjike, budallallëk me brirë”. YouTube · Vizion Plus TV · 8 qershor 2022), përmes një folësi prapa ekranit u bë prezantimi në vijim: 

“Shqipja, si gjuhë moderne, përfaqëson një degë më vete në familjen e gjuhëve indoevropiane. Gjuha e sotme shqipe shkruhet me shkronja latine”. 

Ore folësi prapa ekranit! Ju lutem të informoheni më shumë për të vërtetën rreth atij alfabetit “latin” të shqipes, në mënyrë që të mos vazhdoni ta prezantoni veten si një njeri me formim gjysmak. Për të shmangur gjysmakësinë në formimin tuaj intelektual, lexojeni dhe mos e harroni kurrë informacionin në vijim, i cili është bërë publik dhjetë vjetë më parë: 

“Gaius Plinius Secundus, i njohur si Plini Plaku (23-79 e.r.), një natyralist romak i famshëm, botoi në vitin 77 e.r. serinë madhështore prej 37 vëllimesh për historinë natyrore të titulluar “Naturalis Historia”. Në vëllimin VI të këtil libri ai shkruan: 

Latin: “Ex quo aparet aeternum litterarum usum. In Latium eas attulerunt Pelasgi”. 

Italian: Da questo risulta l’uso perpetuo delle lettere dell’alfabeto. Nel Lazio le portarono i Pelasgi (le lettere dell’alfabeto)”. 

English: “This results in the perpetual use of the letters of the alphabet. Inm Lazio (the letters of alphabet) were carried by the Pelasgians”. 

Albanian: “Nga kjo rezulton një përdorim i vazhdueshëm i shkronjave të alfabetit (gjuhës së shkruar). Në Lazio ata që i sollën ishin Pellazgët (shkronjat e alfabetit)” (Citohet sipas: “Gaius Plinius Secundus (Plini Plaku – 23-79 e.r.) “Naturalis Historia”. Vëll VI. f. 95”. Faqja e internetit Brunilda Ternova. Giovedi, 23 maggio 2013). 

Pra, gjuha shqipe, ore folës i padukshëm, nuk shkruhet me shkronja latine, por me shkronja pellazgo-iliriane. 

Profesor Xhevat Lloshi deklaron se teoritë pellazgjike na qenkan budallallëk me brirë!!! “Mirë” e ka ky Prodesor, por është halli se studiuesit seriozë të fushës së historisë dhe të gjuhësisë sikur kanë tjetër këndvështrim, prandaj rrinë dhe shtrojnë pyetjen: 

Kush deklaron budallallëqe me brirë, Enciklopedia e Madhe Greke apo Profesor Xhevat Lloshi?! Sepse në vëllimin 19 të asaj Enciklopedie, f. 873, shkruhet e zeza mbi të bardhë: 

“Stërgjyshët e shqiptarëve të sotëm, pellazgët, në periudhat parahistorike, kanë jetuar në pjesën më të madhe të botës që njihej atëherë, duke zhvilluar një qytetërim shumë të rëndësishëm e duke ngritur vepra me vlerë të tejzakontë”. 

Profesor Xhevat Lloshi, duke i vlerësuar teoritë pellazgjike si “budallallëk me brirë”, e paska renditur veten krah Anila Omarit, e cila, në librin me titull “Marrëdhëniet gjuhësore shqiptaro-serbe”, ka ardhur në përfundimin se 93% e Fjalorit të gjuhës shqipe është “e huazuar”. Ai, po ashtu, ka dalë në krah të Panajot Barkës, daulles së shpuar të politikës shoviniste greke, i cili na paska botuar një libër-paçavure, ku deklaruaka se shqiptarët na qenkan ardhacakë, se “otomanët na i paskan sjellë në këto troje”. Në këtë mënyrë, Profesor Xhevat Lloshi plotëson treshen antishqiptare kundër lashtësisë së gjuhës shqipe dhe, për pasojë, kundër lashtësisë së kombit shqiptar. 

Mirë do të ishte që Profesor Xhevati ta çlirojë trurin nga rrëmuja që e ka pllakosur , dhe, pavarësisht se është vonë, ta renditë veten denjësisht pranë dijetarëve të shquar evropianë, të cilët, në kundërshtim me politikën shoviniste evropiane ndaj kombit shqiptar, e kanë argumentuar me vërtetësi shkencore se ç’është gjuha shqipe dhe cila është lashtësia e saj dhe e kombit shqiptar. 

Kaliforni, 08 maj 2023