Nga Aurel Dasareti
Le të besojmë se unë i shkreti nuk e di dhe nuk më intereson kush është Berisha, por e di që ai ka zhveshur lakuriq pengun e diktatorit mafioz të Shqipërisë, të pabesin Lul Brava (frymëzuesin e dhunës së 8 janarit) dhe e ka bërë kufomë politike. Kaq. Kjo është gjëja më e rëndësishme.
**
Tani, çdo mashtrim në vazhdim nga kushdo, se gjoja shqiptarët do të fitojnë nëse mbështesin gënjeshtarin kronik të PD-së dhe humbësin e përhershëm, do të shkaktojë një mallkim mes qindra mijëra shqiptarëve të vendit dhe diasporës që do kontribuojë në përbuzjen e mëtejshme për politikanët, në një kohë kur kemi nevojë për fuqi veprimi për ndryshim dhe kontroll.
***
Nuk mund të ndryshosh kurrë një qenie tjetër njerëzore, më së paku një person psikopat . Ndryshimi duhet të ndodhë tek vetë personi.
Ajo që e karakterizon psikopatin është mungesa e ndërgjegjes, mungesa e ndjeshmërisë dhe paaftësia për të kontrolluar nevojat e veta. Ata krahasohen me grabitqarët. Ata jetojnë në kurriz të të tjerëve. Karakteristikat e njohura të psikopatëve janë se atyre u mungon ndjenja e përgjegjësisë dhe respekti për normat shoqërore. Morali. Ata janë të pamëshirshëm ndaj të tjerëve për të promovuar përfitimet e tyre.
***
Po filloj të pyes veten nëse dikush është mbjellë në PD për t`i shkatërruar nga brenda. Po. Kali i Trojës. Gurët e themelit të demokracisë janë, ndër të tjera, se aktivitetet e sektorit publik (të politikanëve) duhet të njihen gjerësisht, ndërsa aktivitetet e individëve fshihen, përveç rastit kur gjyqtari aprovon se ekziston dyshimi konkret për krim. Tani ne e kthejmë këtë përmbys – ku nuk arrijmë të dimë se çfarë po bëjnë autoritetet dhe ata marrin (kanë) një pasqyrë të plotë në aktivitetet tona dhe ne as që e dimë se kjo po ndodh! Le të mos i bëjmë njerëzit të imagjinojnë (të kenë iluzione) se është Kuvendi që qeveris vendin, sepse faktikisht, në Shqipëri, gjithçka është kapur nga nudisti i stërzgjatur dhe këlyshët e tij.
***
Kur isha nxënës në shkollën fillore, një ditë, mësuesja e klasës sime na tha: “Unë do të ulem. Nuk mund të qëndroj në këmbë sepse jam pak shtatzënë.”
Unë e mora fjalën dhe i thash: “Zonja mësuese, ti nuk mundet të mbetesh vetëm pak shtatzënë. Ose je ose nuk je shtatzënë. Na trego të drejtën vëlla, a je apo nuk je shtatzënë?”
Ngjashmëri me të shkarkuarin problematik Lul Bravën. Ky është gjithçka e keqe dhe shumë i dëmshëm për opozitën e vendit dhe shqiptarinë në përgjithësi por jo demokrat. Nuk mund të jetë as pak demokrat. Por, është një milingonë. Është po aq e vështirë të jesh pak demokratik sa të jesh pak shtatzënë.
Dallimi midis milingonave dhe gjilpërave të fëmijëve është se gjilpërat e fëmijëve nuk kanë zgjidhje tjetër. Ka milingona. Dallimi midis milingonave dhe elefantëve është se kur një milingonë bën një zgjedhje, ajo mund të lëvizë një gjilpërë të vogël. Kur një elefant bën një zgjedhje, ai mund të lëvizë çdo gjë.
Duhet të luftosh për diçka, përndryshe zvarritesh për asgjë. Kur bëni një zgjedhje të guximshme, gjithmonë duhet të luftoni për të. Në këtë situatë indiference që gjenden duke mos ndarë shapin nga sheqeri, përparimi i shqiptarëve është një iluzion ekzistencial. Faktikisht, gjatë sundimit të xhaxhit shqiptarët kanë pasur iluzione, tashmë nën sundimin e të stërzgjaturit, pa asnjë opozitë reale, çdo iluzion pothuajse është zhdukur.
Ajo që shqiptarët e konsiderojnë si progres drejt demokracisë në politikë, është të shkojnë në zgjedhje. Megjithatë, sidomos prej vitit 2013 e deri tani, zyrtarisht bëhet zëvendësimi i një hajni me një tjetër.
Përparimi është mirëqenia njerëzore. A ka përparim nëse një kanibal përdor një thikë dhe pirun? Përparimi më së shpeshti gjendet aty ku njerëzit në një situatë të caktuar vendosin të refuzojnë të binden.
Nuk më pëlqen të jem trendi. Nuk më pëlqen të jem politikisht korrekt. Unë kam një kundërshtim fëmijëror (kureshtje fëmijërore) për të bërë gjërat e duhura. Nuk kam asnjë konflikt interesi në trojet e gjyshërve të mi. E dua Shqipërinë dhe i respektoj partitë nëse e meritojnë. Prindërit e mi, që në moshë të vogël, nuk më këshillonin se me kë të shoqërohem, por me kë të mos shoqërohem. Kjo sepse ata kishin më shumë se unë njohuri për mjedisin ku jetonin apo lëviznin disa të rinj të moshës sime, një mjedis që nuk më përshtatej.
***
Sa më e mirë opozita, aq më mirë kontrollohet qeveria.
Do doja që të gjitha partitë opozitare të unifikojnë qëndrimet dhe veprimet e tyre që të jenë në gjendje për t`u përballur me një kundërshtar shumë të rrezikshëm për Kombin dhe Vendin, regjimin antishqiptar që ka instaluar diktatori i radhës, i cili përveç tjerash ka kapur peng edhe kryetarin tashmë të shkarkuar të PD-së, të cilin duhet ta mbani sa më larg vetes që të mos ju infektoj me pabesi, mashtrime, korrupsion, gënjeshtra, trillime…
Shqipëria është në prag të shkatërrimit të plotë. Është urgjente që shqiptarët (brenda dhe jashtë kufirit të imponuar, përfshirë diasporën) të thirren për të ndryshuar nivelin e ndërgjegjes, për të arritur një qëndrim më të lartë moral dhe kombëtar.
Nëse ti je duke qëndruar në buzë të një shkëmbi, nuk është e sigurt që një hap përpara është një përparim!
______
- Aurel Dasareti, USA, është ekspert i shkencave ushtarake-psikologjike
