Prof. Bajram Binaku, Pejë
Kosova ka qeverinë e saj, stabile, punëtore e të pa korruptuar. Të gjitha qeverive të kaluara e partive, qe sot janë në opozitë, kokën ju hangër korrupcioni e lakmia për tu pasuruar. Pushtetarët e kaluar, sidomos disa komandantë, hiq të aftë, hiq të arsimuar e hiq atëdhetarë, pas luftës, kishin bërë shumë vepra të kqija, pa u penguar nga askush. Kjo “ju la ambël”, për të vazhduar deri në ambiciet e ndarjes se Kosovës, në principata, mes vete. Prandaj dhe principatat e Kosovës ishin dhe opcion i këtyre komandantëve. U fol dhe u veprue në drejtim të realizimit të kësaj ideje. Ramushi do të ishte princi i Dugagjinit, Remi do të ishte princ i Llap- Gollakut, ndërsa Hashim Thaqi, princ i Kosovës qendrore. Përveç këtyre tri principatave, do të kishte edhe pjesë të tjera, të cilat do të udhëhiqëshin nga disa bejlerë e agallarë, të lidhur me princat e mdhenj, si Bajgora, Karadaku e tjera. Viset e paprekura nga komandantët do të ishin në ndikim të LDK-së, sidomos në ato pjesë ku nuk kishte pasë luftë, pas fitores në zgjedhjet e pergjitheshme. Nese këto, të cekura nuk ishin të shkruara, me siguri ishin të përfolura në popull. Madje madje flitej, se asnjë uzurpim në Prishtinë nuk ishte i mundur, pa bekimin e komandant Remit!
Ky fakt mund të na ndihmojë edhe në gjetjen e atyre, qe kishin nisur “sherrin” e eliminimeve politike pas lufte, mu nga shkaku i ndikimeve dhe domi imit në zona të caktuara të Kosovës. Këto na ndodhen dhe kurr mos u kthefshin! Po, si të ecim tutje?Qevria Kurti duhet ta ketë vullnetin, guximin dhe dijen e shpëtimit të Kosovës, nga “vitet e brishta” të shtetndërtimit, nga njerëz jo të duhur. Gjatë vitit 2022, qeveria ka punë në disa lëmi, si, në politikë, dtejtësi, ekonomi-social, arsim e shëndetësi.
Mendoj, qe bisedimet me Serbi, duhet të pregatiten mirë e mirë, duke qenë si objekt, jo vetëm Kosova, po edhe Serbia. Në Serbi kemi bashkë kombas tonë, qe jetojnë atje, sidomos në Sanxhak e Luginë, të cilët presin të jenë pjesë e ekipit për zgjedhjen e problemeve të tyre, atje, sipas çelësit të reciprocitetit:”si për shqiptarë jashtë Kosovës, ashtu edhe për serbët në Kosovë”. Qeveria e re, Kurti, duhet të angazhojë edhe ekspertë ndërkombëtarë, sepse Serbia nuk është kafshatë e lehtë.
Qeveria Kurti, sa me shpejtë, në vitin, qe po hyn, duhet të punojë në amandamentimin e shumë ligjeve, të cilat ngrisin vullnetin e qytetarëve për të jetuar këtu.
Është bërë veprim i mirë kalimin e ligjit të renovuar, mbi konfiskimin e pasurisë se jashtë ligjshme, pastaj vetingu, e tjera. Viti i ardhshem duhet ti gjejë shperdoruesit në salla gjyqi, për një satisfaksion të qytetarëve të zhgenjyer në drejtësi, për shumë e shumë vite.
Zhvillimi ekonomik, i cili do të sjell dhe rritje të të hyrave buxhetore, duhet të jetë prioritet i qeverisë. Sapo të aprovohen ligje, qe lehtësojnë procedurat dhe mbrojnë investuesit, qeveria jonë duhet të hap një zyre informimi për gjithë të interesuarit investitorë, të mundshem e posaqerisht për mergatën tonë. Mergata jonë është treguar mjaft e suksesshme në zhvillimin e biznesit në përendim e gjetiu. Ata duhet të kenë të garantuar kapitalin këtu dhe t’u mundësohet vendi, ku mund të hapin biznes. Diaspora jonë vetem në katër vitet e ardhshme mund të hap rreth 50000 vende pune, por jo me marrje ryshfeti e reketi, siç u veprua për dy dekada!
Gjatë viteve në vijim, duhet gjetur mundësi strehimi, veshje e ushqimi, për gjithë të pa strehët dhe lypsarët. E majta shqiptare duhet ta ndërtojë një sistem kapitalist solidar, e jo një sistem të egër e shtypës, për klasën e ultë të shoqërisë.
Kosova nuk ka njerëz, qe mund ta vendosin arsimin në binarë, prandaj, qeveria duhet t’a marr, si model për planprogramin dhe nivelet e arsimit, një shtet të Europës, sepse kombinimi i sistemeve arsimore nga Shtete të ndryshme, do të sjell ç’orientim, të një arsimi të mirëfillt, sikur kishte sjellur sistemi arsimor i orientuar i Stipe Shuvarit, viteve të tetëdhjeta.
Ndërsa shëndetësia, domosdo duhet ta ketë prioritet sigurimin shëndetësor. Ky prioritet, do të ishte, ndoshta prioritet i gjithë prioriteteve, kur kemi parasysh pandeminë kovid dhe sëmuarjet e ndryshme, të cilat në kohën e fundit janë rritur. Në fund, duke pritur, qe këto, të thëna të realizohen, gjatë mandatit të kësaj qeverie, ju deshiroj gjithë ju lexues e popull i kosovës, ta kaloni këtë vit sa më mirë. As vrasje të mos ketë më në Kosovë e askund ku jetojnë shqiptarët!
Urime për gjithë popullin tonë, kudo në rruzullin e tokës!
