Prokuroria Speciale e Kosovës është deklaruar lidhur me arrestimin e 16 vjeçarit nga Peja, nën dyshimin për përgatitjen e veprave terroriste.

Ndaj të njëjtit Gjykata Themelore e Prishtinës ka marrë vendim për caktimin e paraburgimit prej 30 ditësh.

Prokuroria Speciale, ka njoftuar se i dyshuari B.M për disa muaj kishte bërë plane për ndërmarrjen e një sulmi të gjerë ndaj nxënësve të një shkolle në Pejë.

Prokuroria Speciale shton se me këto veprime i pandehuri B.M. kishte për të kryer veprën penale ‘’Përgatitja e veprave terroriste ose veprave penale kundër rendit kushtetues dhe sigurisë së
Republikës së Kosovës’’, nga neni 138 lidhur me nenin 129 të Kodit nr. 06/L-074 Penal të Republikës së Kosovës (KPRK).

Dyshohet se planifikoi vrasjen e shokëve të klasës – 30 ditë paraburgim për të miturin nga Peja

Gjykata Themelore në Prishtinë, ka marrë vendim për caktimin e masës së paraburgimit prej 30 ditësh, për të miturin i cili u arrestua në Pejë.

Lajmin për Telegrafin e ka konfirmuar zëdhënësja e kësaj gjykate, Mirlinda Gashi.

“I është caktuar mara e paraburgimit prej 30 ditësh. I njëjti dyshohet se ka kryer veprën penale “përgatitja e veprave terroriste””, ka thënë Gashi.

“Gjykata Themelore në Prishtinë, Departamenti për të Mitur ka vendosur lidhur me kërkesën e Prokurorisë Speciale të Republikës së Kosovës, për caktimin e masës së paraburgimit ndaj të miturit B.M, për shkak të dyshimit të bazuar se ka kryer veprën penale Përgatitja e veprave terroriste ose veprave penale kundër rendit kushtetues dhe sigurisë së Republikës së Kosovës”, thuhet në njoftim.

Gjyqtarja e procedurës paraprake ka aprovuar si të bazuar kërkesën e Prokurorisë Speciale të Republikës së Kosovës, për caktimin e masës së paraburgimit ndaj të miturit B.M dhe të njëjtit i ka caktuar masën e paraburgimit në kohëzgjatje prej tridhjetë (30) ditësh.

“Kundër këtij aktvendimi, palët e pakënaqura kanë të drejtë ankese në Gjykatën e Apelit, përmes Gjykatës Themelore në Prishtinë”, thuhet në njoftim.

I njëjti është arrestuar nga Policia e Kosovës të shtunën më 7 tetor 2023.

“Është arrestuar i dyshuari mashkull kosovar nën dyshimin se i njëjti paraqet kërcënim. Me vendim të prokurorit, i dyshuari është dërguar në mbajtje”, ka njoftuar policia.

Rasti është duke u hetuar nga Prokuroria Speciale.

I arrestuari për terrorizëm në Pejë është një i mitur, dyshohet se planifikonte vrasjen e nxënësve në klasën e tij

Policia e Kosovës më herët njoftoi se ka arrestuar një person në Pejë, pasi i njëjti dyshohet se ishte në përgaditjen e disa veprave terroriste.

Telegrafi nga burimet e veta brenda Prokurorisë merr vesh se bëhet fjalë për një të mitur, i cili ishte duke përgaditur planin për vrasjen e disa nxënësve në klasën e tij.

Telegrafi ka dërguar pyetje në Prokurorinë Speciale të Kosovës, por të njëjtit nuk kanë kthyer përgjigje deri në publikimin e lajmit.

Arrestohet një person në Pejë, dyshohet për përgaditjen e veprave terroriste

Foto: Ilustrim

Policia e Kosovës ka njoftuar se ka arrestuar një person në Pejë, si i dyshuar për përgaditjen e veprave penale terroriste.

Arrestimi i tij është bërë më 7 tetor, dhe me vendim të prokurorit i dyshuari është dërguar në mbajtje.

“Është arrestuar i dyshuari mashkull kosovar nën dyshimin se i njëjti paraqet kërcënim. Me vendim të prokurorit, i dyshuari është dërguar në mbajtje”, bën të ditur policia.

Detajet e Prokurorisë për planin disa mujor që 16 vjeçari kishte përgatitur ta kryente në një shkollë në Pejë

Shkrime relevante

Dyshohet se planifikoi vrasjen e shokëve të klasës – 30 ditë paraburgim për të miturin nga Peja

I arrestuari për terrorizëm në Pejë është një i mitur, dyshohet se planifikonte vrasjen e nxënësve në klasën e tij

Arrestohet një person në Pejë, dyshohet për përgaditjen e veprave terroriste

K O M E N T E

SHKRUAJ NJË KOMENT Anulo përgjigjjen