Gani I. Mehmeti
Shpeshherë nëpër lajme, qoftë nëpër gazeta, portale, televizione e intervista të ndryshme, për bisedimet Kosovë_ Serbi thuhet për BE-në se është për dialog të lehtësuar mes këtyre dy shteteve.
Dhe, vëretet, ky fare dialog u inisur që prej para 12 vitesh e pa asnjë rezultat, vetëm sa ka thelluar hendekun e mosmarrëveshjeve mes Kosovës e Serbisë, është bërë tejet i mërzitshëm, bajat, I padurueshëm e krejtësisht i pabesueshëm dhe i pamundur për një marrëveshje, mes këtyre dy shteteve.
Ne dimë se në politikë nuk thuhen të gjitha për një kohë, por se pas një kohe, varet nga problemi, duhet të vijë edhe koha që të thuhet e tëra.
Kështu po ngjet edhe me këtë fare dialogu të lodhtë të BE-së. Madje, ky farë dialogu edhe qenka nisur për të mos përfunduar kurrë, ose vetëm sa për të mashtruar dy shtetet në mosmarrëveshje, pse nuk shkon gjithmonë ngrihe e mos e këput, siç po veprojnë ndërmjetësuesit e BE-së, pse vijnë nga dy shtete që ende nuk e kanë njohur pavarësinë e Kosovës, dhe këta, si njëri si tjetri, nuk do ia thonë në gojë Vuçiqit se Kosova është shtet i pavarur, duke mos e pasur guximin nga shtetet e tyre. Dhe, pikërisht me emërimin e këtyre dy emisarëve, sikur vetë BE nuk dëshiron që Kosova të jetë e pavarur, prandaj zgjasin e stërzgjasin bisedimet…
Zgjasin sepse nuk duan ta thonë një realitet, nuk duan që Kosova të jetë e pavarur dhe në kufijt ekzistues, duke e shtyrë deri në pafundësi dialogun, pra, duke e gënjyer njërën palë, apo që të dyja. Dhe, vetë dialogu, ka nisur me hile, për të zvarritur marrëveshjen mes tyre. Ndryshe, çfarë dialogu kishte nevojë Kosova të bënte me Serbinë ? Hiç, kurrfare. Aq sa pati bërë dialog Kroacia me Serbinë, aq kishte nevojë Kosova të bënte dialog me Serbinë. Por, është dikush nga politikajt në BE e ndoshta edhe në SHBA proserb, dhe e shpiku këtë dialog tejet të dëmshëm.
Dialogu me serbët brenda Kosovës, ndoshta do të ishte i nevojshëm, sikur të mos u kishte dhënë të drejta deri në privilegje serbëve Kushtetuta e Ahtisarit. Por, me Kushtetutën e Ahtisarit, më shumë të drejta e privilegje, nuk di se si do të kishin serbët në Kosovë.
Dhe, për deri sa ndërmjetësuesit nuk kanë bërë asgjë në ardhejen deri në përfundimin e Marrëveshjes mes Kosovës e Serbisë, mund të themi se këta vetëm sa e kanë ndërlikuar e komplikuar marrëveshjen qëllimshëm, për çka, i jap të drejtë vetes të them se me ndërmnjetësimin e këtyre emisrëve të BE, nuk mund të quhet dialog i lehtësuar, por të kundërtën – dialog i vështirësuar nga vetë ndërmjetësuesit. Këta, që të dy, ka qenë dashur të mos e pranojnë një detyrë të tillë, deri sa i bëjnë biht punës e nuk e njohin shtetet e tyre Pavarësinë e Kosovës, që nënkupton se edhe këta të dy nuk kanë guximin ta pranojnë e t`i thonë hapur Serbisë se Kosova është shtet. Por, këta të dy, anojnë kah Serbia dhe përpiqen ta fajësojnë Kosovën, e cila nuk bën asgjë më shumë se në përpjekjen e sundimit të ligjit në mbarë territorin e saj. E, pikërisht këtu, bien ndesh edhe Lajçak, edhe Borell me të drejtën, duke i dhënë të drejtë Serbisë të plagosë edhe KFOR-in, edhe policinë e Kosovës e edhe gazetarët në proetsta të dhunshme në veri të Kosovës.
E përsërisë edhe një herë se, ky nuk është dialog i lehtësuar por i vështirësuar, i komplikuar e shumë i ndërlikuar nga këta emisarë dhe nga vetë BE.
Prandaj, BE-ja edhe SHBA, duhet të marrin seriozisht dhe ta përmbyllin çështjen e dialogun sa më parë dhe ashtu siç është, secili në vendin e vet dhe brenda kufijve të tyre ekzistuese. Vetëm kështu, do të ishte dialog i lehtësuar.
