Antigona Baxhaku – Idrizi
- Profil për Senatorin Bob Dole
Robert Joseph Dole i njohur si Bob Doll, politikan dhe avokat, lindi më 22 korrik 1923.
U rrit në Russell, Kansas të Shteteve të Bashkuara të Amerikës.
Shërbeu në Ushtrinë amerikane gjatë Luftës së Dytë Botërore.
Pas një detyre si avokat i Qarkut Russell, në vitin 1960 Doll i fitoi zgjedhjet për Dhomën e Përfaqësuesve.
Më 1968, Bob Doll u zgjodh senator, ku shërbeu si kryetar i Komitetit Kombëtar Republikan nga viti 1971 deri në vitin 1973, si dhe kryetar i Komitetit të Financave të Senatit nga viti 1981 deri në 1985.
Doll i udhëhoqi Republikanët në Senat për 11 vjet, nga 1985 deri në dorëheqjen e tij më 1996.
Bob Doll, është emri i senatorit amerikan i cili do të ngulitej në mendjen e çdo shqiptari në fillim të viteve të 90-ta, për të mos u harruar kurrë.
Në cilësinë e senatorit amerikan, Bob Dole vizitoi për herë të parë Kosovën në vitin 1990.
Kjo vizitë në vitet më të vështira për popullin shqiptarë të Kosovës, atëherë kur regjimi serb shtonte nga dita në ditë represionin ndaj shqiptarëve dhe ju mohonte madje edhe të drejtat elementare, ishte fillimi i një epoke që po paralajmëronte kthesën historike për Republikën e Kosovës.
Pikërisht, 30 gushti i vitit 1990, ishte dita që solli shpresën më të madhe për lirinë dhe pavarësinë e Kosovës.
Vizita e delegacionit nga Senati amerikan në Kosovë, e udhëhequr nga senatori Bob Doll ishte organizuar nga veprimtarët e komunitetit shqiptar në Shtetet e Bashkuara të Amerikës, me kontribut të jashtëzakonshëm të atdhetarit Jim Xhema.
TONIKE: Alfonisi Tomato, senator amerikan
‘’Ju sjelli përshëndetjet, urimet dhe lutjet nga komuniteti shiptaro amerikan i New Yorkut, në veçanti nga Jim Xhema, i cili po punon shumë në sensibilizimin e çështjes së Kosovës’’.
Ky delegacion i shpresës, në Prishtinë u prit nga presidenti historik i Republikës së Kosovës, dr. Ibrahim Rugova.
TONIKE: Bob Dole, senator amerikan
“Ne nuk jemi këtu që të shkaktojmë ndonjë problem, ne jemi këtu që t’ju tregojmë që ne e përkrahim demokracinë. Qeveria jonë është kundër abuzimit të të drejtave të njeriut”.
TONIKE: Ibrahim Rugova, presidenti i Kosovës
“Ne jemi në një situatë absurde, neve nuk na lejohet veprimi praktik në Kosovë, e as tubimet. Në kuadër të Federatës Jugosllave për t’i siguruar edhe të drejtat e njeriut edhe të drejtat kolektive do të ishte mirë që të përkrahet ideja që Kosova ta ketë pavarësinë e vet në kuadër të Federatës Jugosllave”.
Vizita e senatorit Doll, dëshmoi para komunitetit ndërkombëtarë abuzimin e vazhdueshëm të të drejtave të njeriut në Kosovë nga regjimi i Millosheviqit.
Takimi i cili paralajmëroi përfundimisht çlirimin e Kosovës ishte ai i 5 marsit të vitit 1999, ku presidenti Rugova u takua në Shkup me Senatorin Amerikan, Bob Doll, atë kohë i dërguari i posaçëm për Kosovën i presidentit të Shteteve të Bashkuara të Amerikës, Bill Clinton.
Pas çlirimit të Kosovës, në një vizitë në Shtetet e Bashkuara të Amerikës në nëntor të vitit 2002, presidenti Ibrahim Rugova, e shpalli senatorin amerikan, Bob Doll, Ambasador Nderi i Republikës së Kosovës, në Shtetet e Bashkuara të Amerikës
Ndërsa, dy vite më vonë, më 2004 ish-senatori amerikan dhe ambasador nderi i Kosovës në ShBA, Bob Doll zhvilloi vizitë tre ditore në Kosovë, ku u nderua nga presidenti Ibrahim Rugova me “Medaljen e Artë të Lirisë” për kontributin e tij në çështjen e Kosovës.
Ndër dekada, shqiptaro-amerikanët ishin ura lidhëse midis Kosovës dhe institicioneve dhe popullit amerikan. Roli i tyre për konsolidimin e shtetit të Kosovës ishte dhe vazhdon të jetë i jashtëzakonshëm.
TONIKE: Bob Doll, senator amerikan
‘’Njërëzit si zoti Xhema, kanë ndihmuar duke mbledhur fonde për çështjen e Kosovës. Ai qysh në vitin 1986 më ka folur për gjendjen e rëndë në Kosovë, për shkeljen e të drejtave të njeriut. Senator shikoni këto, shikoni këto senator’’.
Në vitin 2004, veprimtari shqiptaron amerikan, krahu i djathtë i presidentit historik, Ibrahim Rugova, Elmi Berisha, u caktua përfaqësues i presidentit të Kosovës në zyrën e ambasadorit të nderit të Kosovës në Shtetet e Bashkuara , senatorit Bob Doll.
I gjithë angazhimi për Kosovën i senatorit amerikan Bob Doll kulmoi me shpalljen e pavarësisë së Kosovës në vitin 2008.
Institucionet e shtetit më të ri në Evropë, morën vendim që kontributin e senatorit amerikan Bob Doll ta vlerësojnë me punimin e bustit të tij.
Pikërisht, tri dekada pas vizitës së parë të senatorit Doll në Kosovë, më 30 gusht të vitit 2020, ky bust u vendos në lagjen Dardania në kryeqytet, në vendin ku kryqëzohen rrugët “Bob Doll” e “Bill Clinton”, në shenjë mirënjohje për rolin e pamohueshëlm të seantorit Doll për lirinë dhe pavarësinë e Kosovës.
