Ilir Canhasi, Suedi
Ky libër ”Albanët” e autores Elena Kocaqi më forcon edhe më tepër bindjen time që kisha më parë rreth fesë, ku shqiptarët kishim qenë të mallkuar që nga ajo ditë kur këmba e ushtarëve të Perandorisë Osmane shkelën në trojet tona, që nga ajo ditë kur ne u bëmë me tri fe.
E ç’të bënim ne kur ishim të pafat, edhe pse kishim Aleksandrin e Madh, Pirron, Dioklecianin, Konstadinin e madh dhe Justinianin, por prap se prap mbetëm te ndarë, të përçarë dhe me tri fe!
Kishim edhe Skenderbeun, por nuk mjaftoi, vetëm se na u shtuan vuajtjet edhe më tepër pas rënies së tij, arbërit dhe arvanitasit filluan të zhduken dal ngadal, disa emigruan në Itali e vende tjera, disa deshten apo nuk deshten u detyruan te pranojnë slavizimin dhe greqizimin e tyre, e ata që mbeten nuk paten zgjidhje tjetër pos të pranojnë islamin.
Kjo temë është me të vërtetë për tu studiuar mirë se çfarë i shtyri shqiptarët që për një kohë të shkurtër ndërruan anën dhe me të edhe fenë, nga ata që siç ishte Konstandini i Madh që shpalli lirinë e predikimit të fesë së krishterë dhe Gjergj Kastriotit që e mbrojti kristianizmin e Evropës.
Janë datat ato që pasqyrojnë atë që e thashë më lartë;
Gjergj Kastrioti, Skënderbeu vdiç me 1468 ndërsa Perandoria Osmane pushtojë të gjitha trojet shqiptare në vitin 1506.
Veni re; në vitin 1475 kemi të parin kryeministër me origjinë shqiptare të Perandorisë Osmane- Gjedik Ahmet Pasha, pra vetëm 7 vite pas vdekjes së Skënderbeut dhe 31 vite para se të pushtohen të gjitha trojet shqiptare.
Gjithsejtë, për një periudhë 150 vjeçare kishim 39 kryeministra shqiptarë që qeverisën perandorinë osmane, këta kryeministra shqiptarë i dhanë osmanëve Anadollin, Konstandinopojën, Irakun, Jemenin, Egjiptin, Algjerinë, Libinë, Arabinë, Sirinë, Hungarinë, Rumuninë,Krimenë, Kretën etj.
Shto këtu edhe rrethimin e Vienës, mundën flotën Venedikase etj.
Sikur nuk mjafton kjo, kemi Ballaban Pashën shqiptarin që ishte një nga komandantët më të shquar të perandorisë osmane, ishte njeriu që e pushtoi Konstandinopojën në vitin 1453, njihet si tradhëtar në historinë e shqiptarëve që luftoi edhe kundër Skënderbeut por që hyri edhe në historinë botërore si komandant që pushtoi Konstandinopojën e pathyeshëm të themeluar nga perandori Ilir, Konstandini i Madh.
Një shqiptar e themeloi ndërsa tjetri ju dha pushtuesve osmanë.
Fund
Po të mos ishte interesi i fuqive të mëdha për ndarjen e vendit tonë dhe po të mos fillonte lufta e parë ballkanike kundër Turqisë ne si komb vështirë se do të ekzistonim sot!
