Dy islamistët e mëdhenj politik Lavdërim Muhaxheri nga Kaçaniku dhe Ridvan Aqifi nga Gjilani, që i dhanë jetëkotat për të ashtuquajturën “Toka e Shamit” dhe “Levanti”. Përpara se të shkonin me luftue për Islamin kundër krejt botës në Siri e Irak, ata ishin anëtar të së ashtuquajturës Rinia Muslimane e Kosovës dhe ankoheshin dhe protestonin vazhdimisht për “diskriminimin e Muslimanëve”, saqë e patën vënë gurëthemelin e xhamisë në mënyrë simbolike përpara Fakultetit Filozofik të Prishtinës, mu përballë Katedrales Shën Tereza. Tash ajo xhami po ndërtohet nga Qeveria e Republikës së Turqisë, respektivisht nga Dijaneti që ka si qëllim përhapjen e islamit në botë, sidomos në viset e ish Perandorisë Osmane. Taksapaguesit turq i kanë siguruar gjithsej 43 milionë euro për ndërtimin e xhamisë për “vëllezërit arnaut” në Prishtinë.
Lirim Gashi, Prishtinë
___
… dhe sindikalizmin mashtrues
***
Sapo evropianët dhe amerikanët e kuptuan që Serbia lojën e saj të fshehtë dhe të pistë me Kosovën, Bosnjën dhe Hercegovinën, Maqedoninë e Veriut, Malin e Zi, Brukselin dhe Uashingtonin po e loz me direktivën e Putinit, shërbimet sekrete serbe, ruse dhe turke të maskuara si organizata humanitare, plasuan në tregun politik dy çështje totalisht të panevojshme, të dëmshme dhe të rrezikshme, që e dëmtojnë rëndë imazhin e shoqërisë sonë demokratike dhe shtetit tonë laik, siç janë imponimi i bartjes së shamisë për vajzat e mitura dhe sindikalizmi mashtrues si pretekst për rrëzimin e qeverisë së zgjedhur në mënyrë demokratike të Albin Kurtit.
Sepse Albin Kurti dhe Vjosa Osmani e bëjnë çdo ditë më të dukshme politikën e jashtme të nënshtruar dhe tradhtare të qeverive të mëparshme dhe na dëshmojnë të gjithëve se çfarë do të ishte e mundur në të kaluarën, me një qëndrim të drejtë, dinjitoz dhe të guximshëm karshi Serbisë klero-fashiste.
Do të përpiqem t’ju shpjegoj me argumente dhe prova të pakundërshtueshme, se pse këto dy tema u zgjodhën nga këto tri shërbime sekrete armike pikërisht tani.
Shamia është një simbol i kufizimit, abuzimit dhe pengimit të vajzave dhe grave tona, që të bëhen në çdo kuptim personalitete të pavarura dhe të barabarta me burrat.
Dhe jo vetëm kaq, por është simbol i imponimit të një mënyre të jetesës që i nënshtrohet pikëpamjeve mesjetare të fashistëve fetarë nga Lindja e Mesme dhe Turqia, e cila nuk është koherente dhe harmonike me parimet demokratike dhe laike të kushtetutës sonë, e cila ndalon çdo ndërhyrje të fesë në kompetencat e shtetit.
Problemi është se politikanët tanë pa dallim, nuk kanë sens, urtësi, guxim dhe vullnet për t’u përballur me këtë virus dhe fenomen jashtëzakonisht të dëmshëm e të rrezikshëm, sepse kanë frikë të vazhdueshme se do të humbasin shumë vota në zgjedhjet e ardhshme.
Dhe problemi nuk mbaron këtu, përkundrazi ai këtu fillon.
Sepse ky virus, i cili infekton rininë tonë pa ndërprerje, brenda pak vitesh mund të kthehet jo vetëm në një pandemi tepër të rrezikshme, por edhe në një mënyrë të jetesës dhe të menduarit që nuk përkon aspak me vlerat moderne universale perëndimore.
Dhe ky do të jetë jo vetëm fundi i shoqërisë sonë pro-evropiane dhe pro-amerikane, por edhe fillimi i kthimit të Serbisë, Rusisë dhe Turqisë në Kosovë në lavdi të plotë negative.
Kam informacione të sakta nga miqtë e mi amerikanë, evropianë dhe izraelitë, se Brukseli ka vendosur të zgjasë regjimin e rreptë të vizave për popullin e Kosovës, menjëherë pas daljes publike të Lavdrim Muhaxherit.
Dhe se të gjithë politikanët tanë të rëndësishëm të pozitës dhe opozitës e kanë pasur këtë informacion, por fatkeqësisht asnjëri prej tyre nuk e ka parë të nevojshme të flasë publikisht, sepse të gjithë pa dallim i vendosin interesat personale, familjare, klanore dhe partiake mbi interesat shoqërore, kombëtare dhe shtetërore.
Dhe kjo është një sjellje krejtësisht e pafalshme, e paprecedentë, e papranueshme, e papërgjegjshme dhe e pandërgjegjshme, sepse kërcënon interesat e kombit dhe shtetit si asgjë tjetër.
Ndërsa sindikalizmi i rremë nën pretekstin e rritjes së pagave të stafit pedagogjik dhe arsimor, është në fakt një tentativë për të rrëzuar Qeverinë Kurti, përmes trojanëve të maskuar shqipfolës të shërbimeve të lartpërmendura sekrete, që paguhen për t’i realizuar axhedat e tyre armiqësore në Kosovë, të cilat më së shumti po i pengon dhe pamundëson pikërisht Qeveria Kurti.
Kjo dëshmohet lehtë këto ditë nga bashkëpunimi i ngushtë dhe i hapur i sindikalistit kryesor me partitë opozitare, të cilat në njëzet vitet e fundit e kanë shkatërruar arsimin, shkencën, edukatën dhe kulturën tonë, më shumë se Serbia në dyqind vitet e fundit.
Problemi është se në të dyja rastet viktima janë të rinjtë tanë dhe prindërit e tyre, që shqetësohen për të ardhmen e fëmijëve të tyre.
Megjithatë më së shumti më shqetëson fakti, se disa akademikë me të cilët kam diskutuar shpesh për këto fenomene, nuk e kishin as dijen, as guximin dhe as sensin më të vogël për të kuptuar se për çfarë po flisja.
Pse e respektoj Jusuf Buxhovin ?
Sepse njeriu ka sens, dije, talent, vullnet dhe guxim jo vetëm për t’i kuptuar dhe sqaruar të gjitha fenomenet e rrezikshme, por edhe për të reflektuar me kohë dhe për t’i shfaqur publikisht brengat e tij, më shumë se komplet elita jonë politike dhe intelektuale.
* Autori është Kryetar i Forca e Diasporës për Kosovën, me seli në Prishtinë.
