T’ ëndërrosh ëndrrën e pamundur
Ta luftosh armikun e pamposhtur
Ta durosh dhimbjen e padurueshme
Të vraposh ku trimat nuk guxojnë të shkojnë
Ta luftosh padrejtësinë e pakorrigjueshme
Të dashurosh çiltër dhe thjeshtë nga larg
Të përpiqesh ta zësh yllin e paarritshëm
kur duart t’ jenë dërrmuar
Ky është kërkimi im i zjarrtë
Të ndjek atë yll
Sado pashpresë
Sado larg
Të luftoj për drejtësi
Pa pyetje as pa u ndal
T’ jem i gatshëm të marshoj drejt ferrit
Për një çështje hyjnore
E dij vetëm nëse do t’i jem besnik
këtij kërkimi të lavdishëm
Zemra ime do pushojë në paqë dhe e qetë
Kur të vdes
Bota do të jetë më e mirë për këtë
Që një njeri i urryer dhe i mbuluar me plagë
Madje me forcën e fundit të kurajos u përpoq
Ta luftojë armikun e pamposhtur
Ta zë yllin e paarritshëm
The Impossible Dream (from Always and Forever: An Evening of Songs at The Royal Albert … – YouTube
E shqipëroi nga anglishtja: Vera Xerxa – Londër, 16 tetor 2020.
Prof. Dr. Shaqir Shaqiri i takon asaj plejade të njerëzve të mëdhenjë që dha shumë në edukimin e brezave të rinj në diasporë e në atdhe. Kontributi i tij më i madh ishte gjatë punës në Universitetin e Prishtinës në fushën e publicistikës, duke përkthyer poezi të shumta, tregime, ese dhe pesë antologji të shkrimtarëve më të njohur botëror. Po ashtu edhe nga gjuha shqipe në atë angleze ka përkthyer antologjinë e poetëve të njohur shqiptar. Aksionit të UDB-së serbe që kishte filluar kohë të gjatë kundër intelektualëve shqiptar nuk i shpëtoj as Shaqiri, i cili në vitin 1981 u arrestua dy herë, duke e torturuar në mënyrën më barabare nga kriminelët serb. Më pas ai u akuzua për indoktrinim të rinisë shqiptare jo vetëm në Universitetin e Prishtinës gjë që bëri që ta përjashtonin nga procesi mësimor dhe ta dënonin me dy vjet burg. Përkundër kësaj trysnie të njëpasnjëshme që i bëhej nga sigurimi i shtetit serb, Shaqir Shaqiri pas daljes nga burgu, së bashku me shokët e tij të idealit, e vazhdon punën në organizimin e popullit për ta kundërshtuar makinën vrastare serbe, ndër të tjera, me anë të protestave dhe formave të tjera të mosdëgjueshmerisë kolektive ndaj aparatit pushtues serb. Ai iu kishte bashkuar edhe sindikatave të pavarura të Kosovës, punonte pandërprerë në KMLDNJ dhe ishte iniciatori i formimit të Ministrisë së Mbrojtjes.
Aftësitë e tij prej një diplomati të nivelit të lartë u dëshmuan kur ai zgjedhet anëtar i Kryesisë së parë qendrore të LDK-së dhe njëherit sekretar për marrëdhënie me jashtë. I lodhur nga provokimet e përditshme dhe përcjellja këmba- këmbes nga agjentët e sigurimit serb, Shaqir Shaqiri u detyrua që ta braktisë atdheun në vitin 1993 dhe të vendoset në Gøteburg të Suedisë. Pas një aktiviteti të pasur e përmbajtësor që zhvilloi me të gjitha organizimet e komunitetit shqiptar, qeveria e Kosovës në ekzil atë e emëron shef të Zyrës Informative për Skandinavi, me seli në Stokholm, detyrë këtë që ushtroi plot shtat vite. Duke e njohur gjuhën angleze ai krijoj kontakte me shumë personalitete të larta dhe atë jo vetëm të shteteve skandinave , duke arritur sukses të jashtëzakonshëm në sensibilizimin e situatës së rëndë që mbretëronte në vitet e nëntëdhjeta në Kosovë. Po ashtu, Shaqir Shaqiri u bë edhe një zë i fuqishëm i UÇK-së, për të cilën në çdo takim që kishte, në çdo informatë që dërgonte në adresë të qeverive të shumë shteteve, thoshte se kjo forcë e re ushtarake është produkt i veprimeve çnjerëzore që po ushtron regjimi i Beogradit mbi popullatën në Kosovë dhe UÇK është e angazhuar që në rend të parë të mbroj popullin dhe të çlirohet nga pushtimi shekullor serb.
Prof. Dr. Shaqir Shaqiri ishte një personalitet që përqafonte dhe mbështeste çdo gjë të re, çdo gjë patriotike, gjithçka që shkonte në të mirë të komunitetit shqiptar në Suedi. Ishte model i njeriut punëtor që nuk përtonte të angazhohet gjithnjë e kudo ku e kërkonte nevoja për të mirën e kombit dhe atdheut.
Shaqiri ishte kurioz për nga natyra dhe i etur që komuniteti shqiptar të përparonte e të integrohej aty ku jetonte, duke arritur rezultate të mira në punë, mësime, shkencë, kulturë, art e fusha tjera.
