Enver Hoxha në fillim ishte antikomunist

E fsheshta që dinte Ali Këlcyra

[ Shkarko librin në PDF: Enver Hoxha në fillim ishte antikomunist ]

Nga Arben Çokaj

Një libër i ri në PDF për Enver Hoxhën, me leje nga autori Ylli Polovina, bëhet publik për lexuesin tonë, që të mund lexohet online, por duke zbatuar të drejtat e autorit, të përshkruara në libër.

Figura e Enver Hoxhës dhe pushteti i tij komunist në 45 vjet e kanë presuar shumë shoqërinë shqiptare, duke krijuar një diktaturë, e cila ra në fund, ngaqë krijoi një varfëri e prapambetje të madhe sociale dhe ekonomike. Por jo çdo gjë ishte zi në atë kohë, u punua shumë, shumë vepra me karakter publik dhe ekonomik e social etj. u krijuan dhe u ndërtuan, shteti ishte shtet, ndoshta kishim shoqërinë shqiptare më e organizuar në histori. Por regjimi dështoi, e jo vetëm tek ne.

Prandaj Enver Hoxha la emrin e tij në këtë vend e sot kujtohet ende si diktatori që na la në prapambetje, por në 30 vjet demokraci kemi parë e kuptuar se nuk ështëe lehtë të bësh shtet në këtë vend, aq më tepër që korrupsioni ka patur e ka përmasda të mëdha.

Në librin në fjalë, autori Ylli Polivina sqaron një detaj, e paraqet Enverin si anti-komunist, duke iu referuar fakteve historike. Kjo ngjall kureshtje për lexuesit, prandaj edhe po e sjellim këtuu për ju, librin në PDF.

Ekstrakt nga libri:

YLLI POLOVINA – Shfaqet Enver Hoxha

Për ta uruar lindjen e vajzës së Ali Këlcyrës dhe të bashkëshortes së tij Advije Didush hanëm Vrioni, Hanës, në një nga ditët e mes marsit 1936, u erdhi në shtëpi edhe Enver Hoxha.
Hana pati lindur në 8 mars.
Sipas çfarë tregon për jetën e vet, por edhe rezulton nga dëshmitë e të tjerëve, këtë muaj Enver Hoxha duhej të ndodhej në Bruksel, duke kryer punën e ndihmësit të konsullit të nderit të Shqipërisë në Belgjikë, industrialistit francez Maroth Marothi.

[ Shkarko librin në PDF: Enver Hoxha në fillim ishte antikomunist ]