Drejtoresha e shkollës Nexhmedin Nixha në Gjakovë, Florentina Gjergjaj, i ka reaguar deputetes boshnjake Duda Balje me prejardhje nga Gora e Dragashit, pasi kjo e fundit tha se krahasimi i një arme që vret, me atë të një vajze me shami, është vrasje e të drejtës së besimit.
Drejtoresha e shkollës i quajti komentet e Baljes paragjykuese, tendencioze dhe linçuese, duke e ftuar deputeten që ta lexojë udhëzimin administrativ të MASHT-it.
“Ju mbase si pushtetare e konsideroni veten mbi ligjin, por unë si drejtoreshë e shkollës nuk ia jap asnjëherë këtë të drejtë vetes sime. Krejt çka angazhohem gjatë punës sime, krahas ngritjes së nivelit të arsimimit në Shkollën “Nexhmedin Nixha”, është edhe respektimi i ligjeve dhe udhëzimeve administrative në fuqi. Dhe asnjë fushatë e ulet, manipuluese me dashakeqësi dhe përçarëse si kjo e juaja ndaj meje nuk do të mund të ndikojë që unë t’i shkeli ligjet dhe udhëzimet administrative gjatë kryerjes së detyrës sime”, ka shkruar drejtoresha në një postim në Facebook, transmeton Klankosova.tv.
“Andaj, iu ftoj që të mos humbeni kohë duke nxitur urrejtje e përçarje ndaj meje, por kryeni punën tuaj si Deputete e Kuvendit të Kosovës dhe nëse e konsideroni problematike këtë çështje ndërrojeni udhëzimin administrativ. Të cilin unë natyrisht se do ta respektoj dhe përmbush në përpikëri, sikur çdo ligj dhe udhëzim administrativ tjetër që e respektoj maksimalisht gjatë punës sime”, u shpreh tutje ajo.
Dy fytyrat e Dude Balje …Cila ështe më mirë?
“Ndërsa ju, e nderuara deputete e Kuvendit të Kosovës, si kryesuese e Komisionit për të Drejtat e Njeriut e Barazi Gjinore, dy vlera demokratike të larta, mbase do të duhej të angazhoheshit në respektimin dhe përmbushjen e këtyre të drejtave Kushtetuese të secilit qytetar, e jo të humbnit kohë në sulme e nxitje të urrejtës ndaj meje, pse unë po e kryej me përpikëri detyrën time bazuar në ligjet që i votoni ju në Kuvend të Kosovës”.
Tutje drejtoresha tha se do t’i drejtohet autoriteteve të sigurisë, për atë që e quajti, fushatë e kërcënimeve.
“Pasi unë besoj fuqishëm në lirinë, demokracinë dhe sigurinë Kushtetuese që ma ofron vendi dhe shoqëria ime – Kosova – për t’i përmbushur të gjitha detyrimet e mija ligjore, si qytetare dhe zyrtare publike e këtij vendi. Pa marrë parasysh, se në disa raste përballemi edhe me individ të ndryshëm që me metoda primitive, “autoritare”, e nxitëse të dhunës provojnë të na detyrojnë që t’i shkelim ligjet dhe udhëzimet administrative në fuqi në Republikën e Kosovës”, përfundoi drejtoresha.
Balje reagoi pasi në shkollën “Nexhmedin Nixha” ishte vendosur një shenjë e ndalimit të shamisë.
‘Cigarja’, ‘grimi’ e ‘shamia’ ndalohen në Shkollën e Mesme Teknike në Gjakovë (VIDEO)
Mendime të (pa) emancipume të Dude Balje:
Vajza me shami me simbol ndalues në një shkollë të Gjakovës
23:31, 31/03/2022
Deputetja e Parlamentit të Kosovës, Dude Balja, ka reaguar lidhur me një fotografi që po qarkullon në rrjete sociale, ku në një shkollë në Gjakovë është vendosur me simbol ndalues një vajzë me shami.
Balaj e ka pyetur drejtoreshën e Shkollës së Mesme Teknike “Nexhmedin Nixha”, në Gjakovë, znj. Florentina Gjergjaj, se mbi cilën bazë juridike është marrë ky vendim.
Tutje, Balaj ka thënë se kjo mënyrë e krahasimit të simboleve ku përfshihen disa simbole të tjera si dhe vajza me shami është skandaloze.
Balja ka thënë se nuk do të qëndrojë indiferente ndaj këti veprimi duke thënë se do të kërkojë sqarim nga Kryetari i Komunës së Gjakovës z.Ardian Gjini.
Këtu keni statusin e saj të plotë:
“Drejtoresha e Shkollës së Mesme Teknike “Nexhmedin Nixha” në Gjakovë znj. Florentina Gjergjaj, nuk e di se, në bazë të cilës Kushtetutë apo ligji keni vendosur simbolet ndaluese?!!! Me një pjesë të simboleve jam dhe unë dakord. Mirëpo, me simbolin e një vajze me shami, krahasimi i simboleve në këtë mënyrë është skandaloz dhe gjithashtu ofendim për secilin qytetarë dhe Republikën tonë, papërjashtuar edhe besimet fetar. Unë nuk mund të jam indiferent dhe gjithashtu kërkojë një sqarim edhe nga Kryetari i Komunës së Gjakovës z. A. Gjini.
Krahasimi i një arme që vretë, me atë të një vajze me shami, për mua është vrasje e të drejtës së besimit të sajë”, ka shkruar Balja në llogarinë e saj në Facebook.
© SYRI.net
