Shkreli: ‘Non grata’ e Berishës s’është detyruese me ligj! Shqipëria drejt autoritarizmit, po vritet opozita
21:45, 05/10/2021
Ish-drejtori i VOA, Frank Shkreli në lidhje direkte nga New York për A Show me Adi Krastën në Syri Tv, komentoi edhe shpalljen non grata të ish-kryeministrit Sali Berisha nga Sekretari i Shtetit, Antony Blinken.
Shkreli tha se vendimi i DASH-it pa baza dhe fakte, nuk është detyruese me ligj, por vetëm të mohon mundësinë e marrjes së vizës për në SHBA.
Sipas tij, non grata për ish-kryeministrin tregon situatën aktuale brenda PD, e cila sipas tij është pranë pozitës si asnjëherë më parë, por kjo shton Shkreli, do të vrasë opozitarizmin në Shqipëri.
“Kur nuk ke fakte, për çështjen Berisha, shpallja non grata, të gjithë e dimë që z.Berisha ka bërë shumë gjëra të mira për Shqipërinë, por ka bërë edhe gabime, por mungesa e fakteve, arsyet pse, është e vështirë që njeriu të japë një gjykim se çfarë fshihet pas kësaj. Z.Berisha jam i sigurtë që është i zoti të mbrojë veten e tij, jo vetëm brenda vendit me takimet e tij, por edhe në Francë. Nuk jam në dijeni që Blinken t’i ketë ofruar ndonjë informacion Kongresit. Nuk besoj se ka një detyrim në ligj, kjo non grata është aq imponuese, gati dikatoriale, ky është ligj amerikan që nuk të obligon përveç nqs lëviz drejt SHBA. Kjo nuk të jep vizën për në Amerikë, punë e madhe fort. Por kjo duket se ka bishtin mbrapa, ka diçka jetër mbrapa. Problemi është në PD, mënyra si u bë përjashtimi nga partia. Në Shqipëri është zhdukur vija mes pozitës dhe opozitës, ajo që i ndante. Kjo e vret opozitën akoma edhe më shumë në Shqipëri. Kemi një situatë të krijuar e cila po krijon një sistem autoritet që nuk e di ku ta çojë vendin, kemi situatën politike, ekonomike, mungesë të drejtash të njeriut, BE duket sot edhe më larg seç ishte, sot Sllovenia propozonte në Vjenë 2030-ën për anëtarësim, të tjerët i thanë mos vendos datë aty, por harroje këtë punë. Kemi një kryeministër që shkon në kryeqytetet e Europës duke hequr profilin e tij si udhëheqës botëror, ndërsa gjendja në Shqipëri po del dore, gjendja më kritike sot pa marrë parasysh politikën, ekonominë, është zbrazja e trojeve shqiptare, jo vetëm e Shqipërisë, por edhe e Kosovës, Malit të Zi, Maqedonisë”, tha ai.
Duke kritikuar ndërhyrjen e ambasadorëve në politikën e brendshme shqiptare, Frank Shkreli kishte një mesazh për Yuri Kim.
“Pse Yuri Kim nuk bën thirrje që Shqipëria të distancohet nga krimet e komunizmit?”, i drejtohet ambasadores së SHBA në vendin tonë ish-drejtori i VOA, Frank Shkreli.
© SYRI.net
Ish-drejtori i VOA, Frank Shkreli: As sot Shqipëria s’është e lirë, dashuria për SHBA s’duhet të jetë pa kushte
21:30, 05/10/2021
Frank Shkreli, ish-drejtor i seksionit në shqip të Zërit të Amerikës tha në A Show me Adi Krastën në Syri Tv tha se Shqipëria edhe sot e kësaj dite, 31 vjet pas rrëzimit të regjimit diktatorial, nuk është një vend i lirë.
Sa kohë nuk ka demokraci brenda partive, shton Shkreli, edhe i gjithë vendi do të vuajë mungesën e saj. “Shqipëria sot është më mirë se gjatë regjimit të Enverit, por larg asaj që duam ne”, thotë Frank Shkreli.
Frank Shkreli ka një këshillë për shqiptarët, të mos e dashurojnë pa kushte Amerikën, pasi sipas tij as SHBA-të nuk janë të përsosura në aspektin e zhvillimit të vlerave demokratike.
“As dashuria për Amerikën, unë jam amerikan prej 50 vitesh, nuk duhet të jetë e pa kushte e tillë që të bëjë ç’të dojë, të trajtojë si të dojë njerëzit e posaçëm në parti të ndryshme, se as Amerika nuk është e përsosur, por është në zhvillim të vlerave demokratike. Ju e dini që kanë ndodhur gjëra edhe këtu, por ama pas një krize çohen në këmbë, dalin njerëz të rinj, mendime të reja. Çelësi për Shqipërinë, duke ndjekur politikën shqiptare, nqs nuk ke demokraci brenda në parti, nuk do të ketë demokraci as në vend. Janë bërë 30 vjet tani, shpresa jonë për 30 vjet më parë. Ne ishim në Shqipëri një grup në mars 91, nuk kishte demokraci, por ne prisnim demokracinë. Këtu në Amerikë emigracioni i vjetër vazhdimisht thoshte, kur mblidheshin për 28 nëntorin: “Mirëupafshim në Shqipërinë e lirë”. As sot nuk e kemi Shqipërinë e lirë. Është më mirë seç ishte në regjimin e Enver Hoxhës, por jo Shqipërinë si vërtetë e duam shumica jonë”, tha Shkreli.
EKZAKT.
Per Shqiperine as Amerika e Europa nuk kane bere ate qe duhet te bente ne keto dekadat e fundit duke filluar qe nga viti i zi i 1944.Pamvarsisht fjaleve e justifikikimet qe kane dhene e japin te gjithe si nga Amerika e Europa.Intervista e z.Shkreli eshte afer se vertetes dhe me teper sa kaq nuk mund te jape ne krizen qe ka kapluar opoziten shqiptare.Vras mendjen tuj mendu se ne diaspore kemi aq atdhetare intelktuale si z.Demliaj, A.Hamiti e tje. e asnje nuk thirret ose te vije vullnetarisht te ndihmoje ne kete situate.Intervista,keshilla dhe analiza kemi aq shume sa krejt kufirin shteteror do ta rrethonim me botimet e tyre ne forme letre. E vetmja pyetje e qarte qe ben z.Shkreli per znj.Kim eshte ajo se perse ajo nuk insiston ne genocidin komunist qe te behet ne nje nga kerkesat e domosdoshme te PD .Ka nje strategji per Ballkanin.Por ne asnjehere nuk bejme pjese e nuk ishim pjese e Ballkanit ne vitet e diktatures komuniste e deri me sot.Per cdo aspekt.Si nga menyra e jeteses dhe e perceptimit te jetes.Ne se Serbia,Mali i Zi ,Makedonia e V.Bullgaria apo Rumania ( si zor per keto dy te fundit se kane kaluar lumin ,kane hyre ne BE.)kane synime plan per nje ribashkim e kthim ne Eurokomunizem tash te moderuar e drejte e tyre .Por ne qe rendim pas ketij plani c’duam.? Aspiratat e popullit shqiptar nen diktature ishin liria e fjales,,liria e riteve fetare, liria e prones private,liria e levizjes brenda e jashte shtetit ,gja qe shtetet e mesiperme i gezonin pas LB 2 .Pra nuk kemi lidhje me shtetet fqinje nga cdo gje.Ata le te bashkohen ne duhet te kemi vetem lidhje miqesie te mire si fqinj dhe kaq.Por asnjehere nje synim qe persekutoret e djeshem te rehabilitohen e te nderohen si heronj e atdhetare.E ka lene amanet krahu i djathte i xhelatit Hoxha ,vejusha ,pantera e zeze perpara se te bashkohej me DJALLIN ne perjetsi. .Qendrimi i Amerikes dhe e Europes ne kete plan le per te deshiruar madje deri ne at pike sa populli eshte c’orjentuar e s’po din se ke te besoje.Jemi ne pritje te lajmeve te metejshme se cdo te ndodhe.