Ftesë për Media e Organizatës Shqiptaria rreth ekspozitës së hapur për nder të ditëlindjes së Nënë Terezës në Prishtinë

___

___

Shoqatat “Organizata Shqiptaria” dhe “Artistët për Artistë”, kanë kënaqësinë t’ju ftojnë të merrni pjesë dhe të mbuloni ngjarjen e veçantë të ekspozitës së hapur për nder të ditëlindjes së Shenjtores Nënë Tereza, e cila do të mbahet më datën 26 gusht 2024 në sheshin “Nënë Tereza” në Prishtinë.

Kjo ekspozitë përmban vepra artistike të krijuara nga artistë të njohur dhe të rinj, të cilat pasqyrojnë jetën, veprën dhe mesazhet e përjetshme të humanizmit dhe dashurisë që Nënë Tereza përfaqësonte. Ngjarja ka për qëllim të nderojë trashëgiminë e saj të pasur dhe të frymëzojë publikun për të vazhduar rrugën e shërbimit dhe dhembshurisë ndaj të tjerëve.

Pjesëmarrja dhe mbulimi juaj mediatik është shumë i rëndësishëm për ne, pasi do të kontribuojë në përhapjen e këtij mesazhi të rëndësishëm në mbarë shoqërinë. Ju ftojmë të merrni pjesë në këtë ngjarje dhe të kontribuoni me prezencën dhe raportimet tuaja në promovimin e kësaj ekspozite me vlera të mëdha kulturore dhe humane.

Ekspozita do të jetë e hapur për publikun dhe do të ofrojë mundësi për intervista me organizatorët, artistët dhe pjesëmarrësit.

Ju mirëpresim me respekt dhe shpresojmë në pjesëmarrjen tuaj!

***