Ata që nuk kanë dashur të lexojnë vlerësimin e të kaluarës më 9 shkurt, do të lexojnë dështimin e tyre kur të përballen me verdiktin e popullit.
Është e njohur se kanceri në trupin e njeriut qëndron i heshtur për vite e dekada, duke u fshehur nën “çatinë” e organizmit. Njeriu, shpesh i përqendruar në kënaqësitë momentale, harron të kujdeset për veten, duke e tepruar me ushqime dhe zakone që ushqejnë qelizat e sëmundjes. Kjo situatë vazhdon derisa një ditë, kur njeriu zgjohet me dhimbje dhe e kupton – shumë vonë – pasojat e pakujdesisë së tij.
Këtë shembull po e përdor për t’ju drejtuar juve, opozitë, sepse për dy dekada keni qenë kanceri i Kosovës. Ju e keni brejtur mëlçinë e këtij vendi me hajni, krime, vrasje dhe uzurpime, ndërkohë që ende mendoni se ky popull mund të mashtrohet e të manipulohet. Por, ta keni të qartë: ky popull nuk han më bar, sepse ju ka parë, ju ka njohur dhe ju ka testuar për vite me radhë.
Keni pasur mundësi të pafundme për të ndërtuar një shtet të fortë dhe të drejtë, por ju, të etur për pasuri dhe pushtet, keni dështuar. Sot, përpjekjet tuaja për t’u paraqitur si shpëtimtarë nuk kanë më efekt. Ky popull nuk beson më në gënjeshtrat dhe premtimet tuaja boshe.
Nuk ka më hapësirë për lakmi dhe mashtrim – verdikti i popullit është i qartë: ju jeni pjesë e problemit, jo e zgjidhjes.
Ju jeni ata që e keni zhbërë këtë vend, duke përqafuar projekte të dëmshme si “Zajednica” dhe planet për ndarje territoriale, duke i shërbyer interesave të huaja, përfshirë ato ruse. Për më shumë, tradhtitë tuaja të njëpasnjëshme – nga projektet antikombëtare deri te uzurpimi dhe shkatërrimi i pasurisë së vendit – janë të njohura për secilin qytetar të Kosovës.
Do të përfundoni – duke lehur në dëshpërim, ndërsa drejtësia dhe vullneti i qytetarëve triumfojnë mbi ju.
Kjo tokë nuk do t’i durojë më tradhtarët!
Edhe ti , H.Geci paske marrë rolin e qenëlehjes me ketë artikull!
Mua Halili po me duket si puna e asaj nuses qe per inat te vjehrres shkoi ne shtrat me mullinxhiun.
I respektuari Halil Geci!
z. Gjergj Kabashi, në cilësinë e udhëheqësit të portaalit DRINI, publikon shkrime të mirëfillëta, nga se edhe lexuesit i ka të mirëfillët. Shkrimin e juaj e lexova me kujdes dhe veçova këtë fjali, po citoj:
“Sot, përpjekjet tuaja për t’u paraqitur si shpëtimtarë nuk kanë më efekt. Ky popull nuk beson më në gënjeshtrat dhe premtimet boshe.”
JU keni dhënë një opinion mjaft kritik, ama ky është mendimi i juaj. Fjalori i juaj është i ashpër, por sidoqoftë ju lumt për guximin.
Respekt,
Ismet M. Hasani, Suedi
P.S.
Komenti i Artës është ofendues dhe fyes, ndërkaq komenti i Albertit është i gabuar, i pakuptimt fare – nuk të bëjmë me shkrimin.