Zekerija Idrizi, teolog
___
Miq (…), është mirë ta lexoni librin “Islami – religjion agresiv (?)”, të autorit Ibrahim Kelmendi, me një bibliografi mjaft të pasur që ka konsultuar ky autor. Libri është bombastik dhe njëkohësisht alarmues për qarqet teologjike. Ndërkohë për besimtarët ai është intrigues dhe shkas për një përsiatje e meditim të thellë, kurse për hoxhallarët shkas për një studim e hulumtim të thellë komparativ e analitik…
Ky libër gjatë do jetë në fokus të kritikave si negative ashtu edhe pozitive. Për më tepër, ai do shkund mirë nga letargjia dhe indolenca intelektualët, hoxhallarët dhe imamët shqiptarë.
Kurse, meqë është përkthyer edhe gjermanisht, te gjermanët do nxisë debat historiko-shkencor e psikologjiko-filozofik rreth mësimeve fundamentale të religjionit islamik…
Ky libër, njëherësh, konfirmon edhe faktin e mungesës së një qëndrimi kritik e analitik mbi këtë religjion, që i ka munguar auditorit lexues në shqiptari…
Pra, z. Kelmendi provon faktin që edhe në trojet shqiptare ka Volter, Niçe dhe Spinozë, që di të vë në thumb të kritikës dogmat më kruciale të religjionit…
HAJRIZ MELEQI:
Zekerija Idrizi nuk e kam lexuar atë libër të Spinozës suaj. Ndoshta është ashtu si thoni ju. Ama kur bazohemi në postimet e përditëshme që pa ndërpre i bën ky, duhet ta braktisim sëbashku me Ju për 24 orë islamin. Nuk jam aq shumë fetar, por do të me vinte keq edhe për besimet tjera, po të shkruante aq keq sikurse që shkruan ky për islamin. As juve nuk iu njoh dhe ndoshta e keni vlerësuar drejtë librin e tij. Nëse ky libër i kontribuon islamit, Ju duhet ta përhapni imazhin e librit të gjemati juaj dhe më gjërë. Po ashtu nese ka për qëllim luftimin e ekstremizmit islamik po ashtu pajtohem. E nese edhe ju mendoni se nuk ekzistojnë edhe ekstremizma të besimet tjera fetare jeni gabim. Ju përshendes dhe ju kisha lutur ti përcillni postimet e “Spinozës” që janë të bollshme rreth islamit në facebook!
ZEKERIJA IDRIZI:
Hajriz, Ibrahimi ka shkruar rreth islamit burimor, për mësimet fundamentale të Kur’anit dhe haditheve të profetit, përkatësisht për jetëshkrimin e tij dhe këto mësime i vë në thumb të kritikës. T’ju them të drejtën, shikuar nga këndvështrimi im teologjik, Ibrahimi në shumë pohime ka plotësisht të drejtë. Por, mos harro, Ibrahimi njëlloj kritikon edhe krishterimin dhe hebreizmin dhe i cilëson që të gjitha si religjione agresive, dekadente dhe regresive…
Do ngelemi gjithmonë mbrapa nëse nuk kemi qëndrim kritik ndaj religjioneve, sepse degradimi i tyre gjatë historisë shpesh ka shpënë në përplasje kulturash, në konflikt e luftëra civilizimesh…
Mandej, gjitha këto reagime i ka pjellur një islam rigjid, steril , konservator dhe dekadent.
Ibrahim Kelmendi
Kush e dëshiron librin në gjermanisht, mund të ma dërgon adresën në privat. Çmimi brenda Gjermanisë është 10 Euro, ndërsa jashtë Gjermanisë 15 Euro, meqë çmimi i postimi është i lartë.
Ky libër i ndimon sidomos emigrantët e brezit të dytë në hapërsirë gjermanisht-folëse, meqë ata po përballen me propagandë agresive të islamistëve…
