Nga: Selatin Retkoceri, Llugaxhi – Lipjan
___
Iniciativa e një qytetari të humbur në kohë e hapsirë, ajo e njëfarë Liridon Kurtaj, që për fat të keq bartë mbiemrin e KM edhe pse i njejti nuk ka lidhje familjare e as fisnore me kryeministrin. Urojmë dhe dëshirojmë shumë që kjo kërkesë e tij të has në veshin e shurdhër të Qeverisë dhe Kuvendit të Kosovës.
Lejimi i bartjes së shamisë në shkolla është antikushtetuese, andaj si i tillë Udhëzimi Administrativ nr.06/2014 nuk mund të ndryshohet.
Shfuqizimi i nenit 1.13 i U.A nr. 06/2014 që është i nxjerrë nga kushtetuta sekulare dhe laike e Republikës së Kosovës është i pamundur pa ndryshimin e kushtetutes. Andaj i njejti nuk mund të ndryshohet vetëm me vendim të Qeverisë apo MASHT-it.
Tentimi i shfuqizimit të U.A, duke ndryshuar këte nen, do të vjen deri te shkelja e kushtetutes ku sistemi ynë i arsimit mbështetet në vlerat e një shoqërie laike, demokratike, barazisë gjinore dhe në respektimin e të drejtave të njeriut e veqanërisht të drejtave të fëmijëve minoren.
Shtetet me kushtetutë laike nuk lejojnë në asnjë rrethanë që fëmijët deri në moshën 18 vjeqare të diktohen nga prindërit dhe familja për veshjen, besimin e zakonet e tyre.
Shteti e ka për detyrë që për të gjithë fëmijët minoren të siguroj liri, të drejta të fëmijëve, shkollim, edukim dhe kulturë që shkon në harmoni me frymën kushtetuese. Në të njejtën kohë shteti duhet të siguroj tolerancë, të mos ndaj fëmijët në baza racore, fetare, gjinore, lojalitet si dhe frymë e kulturë kombëtare.
Mbulesa e vajzave dhe grave nuk është kulturë shqiptare, ajo buron nga Sheriati dhe hadithet islame që janë krejt kundër kulturës tonë por janë në kundërshtim me frymën e kushtetutës ku përcaktohet rendi shoqëror, juridik dhe kulturor i shtetit.
Thirrja e injorantëve e sidomos e atyre që i prijnë BIK-ut, kryemyftiut dhe disa shpirtshiturëve, imam e matrapaz, që pa asnjë shkollim për fe e teologji, bëjnë thirrje gjoja në emër të mbrojtjes të drejtave të vajzave, ata me vet thirrjen që po bëjnë për vajzat, po bëjnë shkelje të këtyre të drejtave.
Pse vallë na qenka e drejtë e burrave të kujdesen për gratë, pse nuk kërkojnë vetë gratë të mbulohen, por janë ngritur qindra burra e hoxhollar që thërrasin me zë e kërcnim se ky udhëzim do të zhbëhet ose ata do ta radikalizojnë veprimin e tyre.
Mbulimi me cilëndo nga veshjet arabe është kundër kulturës, dokeve dhe zakoneve shqiptare. Shamija në esencë ka prapavijë dhe cenon rënd të drejtat e fëmijëve, të cilët deri në moshën 18 vjeqare edhe për ndonjë kundervajtje apo presedent penal, para gjykatës me ta së bashku përgjigjen prindërit. Pa marrë parasyshë se kush është ai njeri apo grup që ka marrë një iniciativë të tillë, duke na terrorizuar me hashtag “kërkesë për shfuqizimin e UA-së që ndalon shaminë në shkolla”, mendoj se ka axhendë politike të rrezikshme, të porositur dhe mirë të financuar nga armiqët shekullor të shqiptarëve e që janë: Serbia, Rusia, Turqia dhe shumë shtete arabe.
Shamija sipas meje paraqet aktin e parë të futjes të islamit politik në shkollat tona laike dhe fillimi i promovimit të sheriatit si zëvendësim i Kushtetutës së Kosovës.
Islami politik ka vepru hapur që nga paslufta, atëherë kur shumë organizata gjoja humanitare u futën në Kosovë, vepruan pa pengueshëm, islamizuan shumë fëmijë, djem, vajza e gra shqiptare, të cilët sot janë një potencial i madh për destabilizim dhe rrezikim të rendit kushtetues e demokratik të vendit tonë.
Manifestimi publik i islamit paraqet formën ma vullgare të terrorizimit psiqik të qytetarëve të lirë të këtij vendi.
Format më të shpeshta që ne si qytetar i hasim si shprehje e islamit politik do të numronim vetëm disa prej tyre:
– Falja e namazeve në rrugë, sheshe, zyra, korridore, autostrade e në vende tjera publike.
– Marrja e abdesit në WC-të e institucioneve dhe falja e namazeve në vendet e punës, siq ka shumë raste në Parlament, Komuna, Ndërmarrje publike, FSK, Policinë e Kosovës, AKI etj.
– Organizimi i iftareve masive në vende publike, rrugë e sheshe.
– importimi i kulturës së veshjeve aziatike,
– Leximi i librave fetar me zë të lartë si në autobus, tren, aeroplan, park, bulevard, rrugë etj.
– Bartja dhe promovimi i shamisë, burkës, ferexhesë e nixhabit në vendet publike,
– Ndjekja e mësimeve suplementare apo pas mësimit të rregullt në shkolla, pasdite ose në mbrëmje vijohet një lloj mejtepi në xhami,
– Detyrimi i bartjes së shamisë për vajzat dhe mësim ndaras nga djemët në këto mejtepe,
– Ceremonitë e varrimit fillim e mbarim me simbole e gjuhë të një kombi tjetër, për ironi të faktit se edhe intelektualët e ateistët përcilllen për në varr me ceremoni fetare,
– Ceremonia e ngushëllimit me përshendetje krejt në arabisht dhe me porosi që askush nuk i kupton,
– Thirrja për xhihad dhe pjesëmarrja në luftrat e huaja, derisa luftën për çlirim të vendit të vet e bojkotuan,
– shkuarja në haxh e personaliteteve publike, mësuesve, mjekëve, intelektualëve, deputetëve, kryetarëve të komunave etj.
– ndërtimi i xhamive edhe në fshatrat që nuk kanë ma shumë se 3 deri në 5 frekuentues siq është rasti i ndërtimit të xhamisë së dytë në fshatin tim të lindjes e ku jetoj edhe sot, ku kemi dy xhami, 10 frekuentues, një hoxhë të importuar se tonin nuk kemi. Vazhdimi i jetës në këte fshat thuajse ju ka pamundësuar shumicës së qytetarëve sepse 10 herë në ditë duke fillu në ora 5 të mëngjesit e deri në 22 e 30 të natës, na torturojnë piskamat arabe me një zhurmë që besoj shumë, se nuk e kuptojnë as ata që e frekuentojnë xhaminë.
– Financimi i ndërtimit të xhamive nga Serbia,
– Ndërtimi i xhamive afër shkollave,
– Ndërtimi i xhamive në hyrjet e shtetit, afër pikave kufitare, afër aeroportit, mu pranë autorrugëve dhe aty ku kryqëzohen autorrugët me rrugët nacionale.
Të gjitha këto dukuri, por edhe shumë të tjera anomali, nuk po i shkruaj sot në këte publikimin tim, por me përgjegjësi të plotë them se që të gjitha e kanë një cak, caku është që shqiptarët të shkombtarizohen, të duken si njerz aziatik, të heqin dorë nga kultura e tyre, të shtypin vajzat dhe gratë, të jetojnë në varfëri sepse sipas tyre ashtu ua ka shkruar zoti dhe kështu po marrin drejtimin vetëvrasës që do ti shpie drejt turqizimit dhe arabizimit, duke rrezikuar seriozisht perspektivën euroatlantike, rrugë kjo e vetme shprese dhe perspektive se në këte vend ia vlen të jetohet.
Qeveri, Parlament, Akademi e Shkencave, Kryetar të Komunave, Institut i historisë dhe intelektual shqiptar, ju lutem reagoni sa nuk është bërë tepër vonë.
Shqiptaria dhe kombi shqiptar është në rrezikun e zhbërjes!
