Këngë popullore, të mbledhura nga Astrit Jegeni

Nga Astrit Jegeni

Këngë popullore

Unë besoj se këto tekste këngësh janë mbledhur dhe shkruar me dorë nga Mustafa Budini ose janë krijuar nga ai, i cili është me origjinë nga Elbasani. Gjyshi im nga nëna, Ali Kumi, e kishte mik, së pari si elbasanas e se dyti e vlerësonte për intelektualizmin e tij. Shpesh herë e kam parë Mustafën të drekonte me gjyshin me një gotë të vogël rakie në dorë. Gjyshja ime e mirë nuk e pëlqente, e quante “horr” Ky njeri ka studiuar në Itali për regjisor dhe ka qenë poet tekstesh e muzike të këngëve popullore. Ka pasur një jetë të vështirë nën regjimin komunist, që edhe e ka burgosë. Gjithathtu e shoqja, me sa mbaj mënd ishte italiane, me gjithë fëmijët e kanë braktisur. Nuk jam shumë i sigurt që këto këngë i ka mbledhur ai, por njerëzit e mi që e kanë pasur këtë libër me vlera unikale dhe mendojnë se ai ua ka dhënë për ta mbajtur në shtëpi. Gjithësesi, këto tekste këngësh të Shqipërisë së Mesme janë plot sharm e origjinalitet.

Korrik 2021

Përmbajtja

Unë o ty moj të kam dashtë.
Dritës tate xhevair.
Të desha me hakikat.
Sa mas dore më ke lanë.
Portat e kalasë.
S’paske pas një pikë mëshirë.
Qesh tuj shku në një rrugë të ngushtë.
Dy çuna që ka Tirona.
Në bash t’qefit të muhabetit.
Kur pata një lule të bukur.
Rrallë kam pa kësi bukurie.
Nji ditë të djelë, një ditë zamani.
Si tja bëj moj xhan.
Shoqet tuaja moshatare.
Të kam zgjedh për merak.
Trandafilin kur ta dhashë.
Ti mbahe për bukurinë.
Pse më rri kaq vranu.
Sashunia si rrufe.
Kur t’i shof dy sytë e shkru.
Tuj shetitë te tull e pusit.
Dashuria kur filloi.
Kanga e Cijes
O ti det, o ujë i njelmët.
Ke selvitë e Namazgjasë.
Moj fellanxë, moj mitare.
Nji lulishte me trandafila.
Leu dielli, n’atë buzë mali.
Erdhi pranvera me jeshile..
Bubullin ke shkomi i Kavajës.
Errësirë e pyllit.
Më shikon me buzë në gaz.
Çohi djema shaloni atin..
Moj e bukur si për mu..
Mun aty ke shtatë zymylat.
Si mësova un garipi.
Nëpër shtyllat e telefonit.
Në penxhere ke dalë.
Nji ditë të djele u takuam.
Për midis pazarit të Durrësit.
Ma mirë në pyll se në qytet..
Kam një babë iftijaxhë.
Lum e lum se ja mrrina.
Moj dashnore të gjykoftë perëndia..
Dy të dashurat.
Sa moj e pa besë.
Këndon gjeli pika pika.
Anës detit anës bregut.
Ç’ mu rrit mjekram ç’mu ba greth.
O kanil, kanil i vetmu.
Çohen rosat prej Tirone.
Sheja me shami të kuqe.
Për një mot e gjysëm viti.
Në mëngjes lava sytë e zes.
Unë e ngrata të kam pasë dashtë.
Isha vetëm tuj menu.
Asaman moj lulja allit.
Mori gocë me halle shumë.
Kumuri, mori qafëbardhë.
Kënga e kalasë së Durrësit.
A ke qenë nojherë e re.
Jelekun me ar.
Jalla u rrëxofsh, moj mëhalla e re.
Ke pusi çerrakes.
Jeleku kadife.
Ç’u dishrush me të pa ty.
Ju, o yje, ju yjneshë.
Çna ka zanë kjo dashunia.
Lulja në saksi.
Qysh atë ditë kur të pashë
Dashuninë që kam për ty.
Kumurije e Elbasanit.
Elbasani asht i bukur.
Iku nata, agun mallet.
Hajde pra se erdh pranvera.
Kam një brengë e nji kujtim
Disa herë më shkon ndër mend.
Çelin lulet e beharit.
Po na vjen karaj me dru.
Sa të du.
Çi kam hyp vaporrit.
Kaçurrelat.
Mu largove pa ba za.
Të pata thanë Safet nji herë.
Në atë fushë mejdani.
Vuna veten në mundime.
Si bilbili në pranverë.
Lule borë.
Hajde, moj manushe.
Çil atë zemër plot kujtime.
Hala emrin s’ta kam nxanë..
Në pranverë që kena hy.
Turtulleshë.
Zambaku i bardhë.
Ma ven dorën përmbi dorë.
Kalla cigaren.
Tre vjet që u deshtëm bashkë.
Kur të pashë, mor djalë njëherë tuj kalu.
Shkoj e vij fluturim si zogu.
100. Dashnor t’u bana.
101. Të gëzojmë se erdh pranvera.
102. Kurbetqari.
103. Si dukat i vogël je.
104. Metelikun ta kam falë.
105. Kur më del në derë..
106. Karajfilat që ka Shkodra.
107. Porsi fllanxa në pranverë.
108. Pranverë e bukur shpejt do t’na vijë.
109. Shoqja ime trandafil.
110. Vashënia.
111. O shpirt, sa të du.
112. Me lule t’bukura.
113. Lulja e majit.
114. Kur m’kujtohet kohë e shkuar.
115. Një lule.
116. Mos vallë kam faj unë.
117. Vajzë durrsake.
118. Kapiten i ri.
119. Gabova – gabova.
120.Zëmrës katile

UNË TY MOJ TË KAM DASHT.

Unë ty o të kam dasht-e Ije
Prej së vogli e gjer fëmi.
S’të vjen keq-e Ije e më ke lanë-e Ije
E të marrësh hajde tjetër njeri

Sytë e mi moj po lotojnë, Ije
Qajnë e rrjedhin si burim
O moj zemër Ije e shumë durove Ije
E digju, digju, hajde mor shpirti im.

Djelmënin ti ma helmove, Ije.
Me zehern e dashunisë
Të gjithë bota, Ije, m’bajnë të marrë, Ije
Që s’hek dorë ajde prej ashiknisë.

Edhe shpirtin s’po m’qetësohet, Ije.
Nga idhnimi që m’ka gjetë
Dhe kjo vjershë, Ije, po t’kushtohet Ije
Për kujtim t’at nishon ka me mbete.

DRITËS TATE XHEVAHIR

Dritës tate xhevahir
S’ka njeri ti boj kimet
Si Isufi në Misir
Prej bukurisë u ba mret

Elbasani gjylyzare
Me trandafila i lulzu
(Bukurin) Thurma goce një kunore
Për kujtim o ma jep mu

Ti je hana pesëmbëdhjetë
I jep lules bojën e vet
Natën e errët e ban ditë
Dhe skëterrën e ban xhenet

Si fije ari bi shiu n’mois
E presin bota me çarçaf
Me të vërtetë të kam bezdisë
Duje garipin se është gjunah

TË DESHA ME HAKIKAT

Të desha me hakikat
Të qujta mike të shtrenjë
Mirpo paskam qen pa fat aman
Ma punove pa të drejtë

Me gjithë zemër unë të desha
Si njeri me mirësi
Disa herë unë të buzëqesha aman
Me mallin e djalit të ri

Nuk e di se t’kam bezdisë
Unë të kisha me kimet
Qofsh e lumtur moj Ballkize aman
Se për mu si t’jetë kismet

Një kujtim që ma ke dhane
Po e ruj me dashuri
Do ta kujtosh fukaranë e aman
Me gjithë se m’ke marrë meni

SA MBAS DORE MË KE LANË

Sa mbas dore më ke lanë
Si nuk ke mëshirë
Moj e bukura si hanë
Ndrit si xhevair

Trandafilat kur ti dhashë
Ti dhashë për kujtim
Masanej moj unë stë pashë
Ty o shpirti im

Kalojnë ditët dalngadalë
Unë rri në vetmi
Sa herë të kujtoj me mall
Pse mke marrë mëni

Deri kur do të pres
Të shikoj me sy
Ndofta kot po rroj me shpresë
S’kam me t’pa me sy

Nuk kërkoj ndonjë mëshirë
Dua t’më shikosh
Të më marrësh me të mirë
Jo t’më dashurosh

Po i këndoj me mallëngjim
Nurit t’bukurisë
Unë po rroj me një kujtim
Yll i dashurisë

PORTA E KALASË

Porsa dola n’portë të kalasë
Dy çesmet çi pash karshi
O çja merr zemrën fukarasë
Me fjalë të mira t’bujarisë

Vallë çdo tjetë te portë e kalasa
Arifi çesmet si di
O mun ke mreti Qorbelasë
Atje ndodhi një telexhi

Dola n’baçe të Bezistanit
Çe pashë rrugën e Maxharisë
S’vyshket lulja e Elbasanit
S’mehet sofra e bujarisë
S’PASKE PASË NJË PIKË MËSHIRE

S’paske pasë një pikë mëshire
Qysh mësova un ksisoj xhane aman
Spres prej teje fare të mirë
Veç me m’fol një herë me gojë

Pse m’ke marrë kaqë mëni
S’shkohet jeta me inat xhane aman
Fol me gojë o syni i zi
Mos ki frikë o se bën mëkat

Kur më thanë se u zëmru xhani
Shumë më mirë t’më kishin vra
Dhe në m’qitshin prej Elbasani
Unë se heq të shkretën o sevda

Paske pasur zemër hekur
Shumë duroke mor xhanan
Jam betu se nuk du tjetër
Trandafile o në Elbasan

QESH TUJ SHKU NË NJË RRUGË TË NGUSHTË

O qesh tuj shku në një rrugë të ngushtë
Po vesonte nji ves shi aman aman
O ne ma mir mos ishim pa
Sa në zemër më ke hy.

O ne të dy kishim nji hall
Të dy zemrat me i bashku aman aman
O në më daç moj sa të due
Prej meje mos me u largu

O të lutem çfar ke me mu
Të thëres moj stamolleshë
Pse se kthen kryt me mshiku
Mori zemër katileshë
DY ÇUNAT QË KA TIRONA

Dy çunat që ka Tirona
Bëjnë harp nji kasaba
Dyqanet karshi çi kanë
Sadiku me Mustafanë

Xhamadani qep me tela
Çfarë tereziu ta ka qep
Aferim mre Hasan Muka
Në Tironë ke qit marifet

Hajde hajde mre Hasan
Çi ke dalë zot bukurisë
Kështu qep ti xhamadan
Ju thafshin gishtat terezisë

Ke smu njallën kto plagët e thikës
Kur i shof çmë merr vaji
Mre syziu i Kasem Agës
Sje më i mirë se Mustafai

NË BASH TË QEFIT TË MUHABETIT

Ma maskari lala çe zuna
Për me u ba ashik me ty
O nji bela vetes çi vuna
Plagë në zemër o flakë në sy

Se në bash t’qefit o muhabetit
Na vjen kafja o për me u pi
Buza mdridhet o prej sikletit
Filxhani në dorë çmu ngri

Durët e tuaja porsi hakiku
Edhe gishtat si qelibar
Shumë halle që heq ashiku
Kur menon se del behar

Floku i jot si pend e korbit
Nuk peshohet me dërhem
Nat e ditë po i lutem zotit
Të ma hekë merakun tem

KUR PATA NJI LULE TË BUKUR.

Kur pata nji lule të bukur
Thash se do ta kem përherë
Hiku fluturoj si flutur
Edhe smujta me i marrë erë

Lulen ndorë unë kur e pata
Kimetin nuk ja dita
Vaj sa shpejt u ngrys nata
Unë kët gja nuk e prita.

Lulja prej dore çmë doli
E prej gjumit çu kam zgju
Mla të shkret o si gur varri
Dhe nga menja kam shkallu

Dy herë leva n’Elbasan
Njofta lulen e vërtetë
Pije Myzyr si t’kam thanë
Kjo ashtë jeta e vërtetë.

RRALLË KAM PA KËSI BUKURIE

Rrallë kam pa ksi bukurie
Porsi hana tuj ndriçu
Gërshetat çtë paskan hije
Të pëlqeva sytë e shkru

Të pëlqeva ditën e parë
Sa në zemër më ke hy
Moj burbuqe në behar
Sa më merr malli për ty

Të shikoj me mallëngjime
Rash në zemër të dashnisë
Do ti ruj si për kujtim
Tiparet e bukurisë.

NJI DITË DJELE NJI DITË ZAMANI

Nji ditë djele nji ditë zamani
Mblodha shokët me ba aheng
Jan dy goca në hije t’manit
Nuk po mlajn me zanun vend

Jan dy goca në hije t’manit
shoq me shoq tuj bisedu
Mu ka shkitun xhamadani
Skam një arën me arnu

Xhamadan rrush e bajame
Peshqesh lala ma ka çu
Mora vesh se t’ra tamam
Sa je rrit je zbukuru

SI T’IA BËJ MOJ XHAN

Në për degë të manit o bylbylo
Rafsh në dorë të xhananit o bylbylo
Nëpër degë të qarrit o bylbylo
Rafsh në dorë të beqarrit o bylbylo

O sa gëzim që kam në zemër
Kur të shof moj tuj kalu
O kështu zoti paska banun emën
Ne të dy me u bashku
aman me u bashku

Ref:
Si tja bëj moj xhan
Si tja bëj se di
Malli më ka marrë
Hajde shpirti im,aman shpirti im

O sa e ëmbël aq e idhët
Është e shkreta dashuri
O skuqet zverdhet aman buza mdridhet
Zemra mtretet si qiri, aman si qiri

Si tja bëj moj xhan
Si tja bëj se di
Malli më ka marrë
Hajde shpirti im, aman shpirti im

O e di mirë se më don shumë
Si tja bëj as vetë se di
O zemra ime aman se çpo vuan
se kuptoj ktë dashuri, aman dashuri

Si tja bëj moj xhan
Si tja bëj se di
Malli më ka marrë
Hajde shpirti im, aman shpirti im

SHOQET E TUAJA MOSHATARE

Shoqet e tuaja moshatare
Kanë haset prej bukurisë
Jane dy goca në një çajre
Po pëlcasin prej zilisë

Ti je si ari kullue
Je si nuse për merak
Vjen përditë tuj zbukurue
Si zamaku në bardhak

Bukuri emrin ta thonë
Pëllumbeshë buzën në gaz
Gocë e vogël në Tiranë
Avitu se nuk të ngas

TË KAM ZGJEDHË PËR MERAK

Të mjerin mu çmë zu belaja
Sma qajnë hallin shokët e mi
Në pleqni mka zanë sevdaja
Si tja bëj hallit se di

Lule t’bukura ka sa të duash
Ska të bukur porsi ti
Të shëtisim si përherë
Të gjithë shoqet të kanë zili

Më thanë shoqet je e marrë
Që ke zgjedh ashikun plak
Por se unë nuk i besoj
Të kam zghedh o për merak

TRANDAFILIN KUR TA DHASHË

Trandafilin kur ta dhashë
Kujtova se do t’gëzoj
Në penxhere kur të pashë
Të thashë se të dashuroj

Pse smë thu se çfarë mendon
Po më len në kët mërzi
Zemrën fort ma përvëlon
Menja m’rrin vetëm ke ti

Ta pëlqej at bukuri
Ato sytë e tu të zes
As meno se jam i ri
Gonxhe e bukur në mëngjez

TI MBAHE PËR BUKURINË

Disa herë më shkon ndërmend
Mos me të fol ma me gojë
Mirpo zemra nuk po m’len-jasaman
Nuk duroj ma ksi farsoj

Ti mahe për bukurinë
Për ato dy sytë e shkru
Mos e kurse dashurinë-jasaman
Por beso sa fort të du

Po më sille pa kujdes
Më shikon si për mëshirë
Kur të pashë sot në mëngjes-jasaman
Nuk më the nji fjalë të mirë

Kur të njoha qe e re
Trandafil mbulu me vesë
Bukurinë ti prap ma ke-jasaman
Si ma kishe në mëngjez

PSE MË RRI KAQË VRANU

Pse më rri kaq vranue
Sikur po bi shi
O lis më lis e dru më dru
Po qaj për syun e zi

Me hakikat unë të desha
Pa no nji garet
O vetëm qava kurrë nuk qesha
Zemrën çma ke plas

Me sevda jetën çe shkova
Su bana vigan
Të gjeta unë të kërkova
Lule në Elbasan

Hatri ty moj ku t’ka metë
Që spo flet me mu
Kujtoje ashikun e shkretë
Mos e len helmu

DASHUNIA SI RRUFE

Dashunia si rrufe
Që më goditi mu në kokë
Nuk kam gjuhë se çtë rrëfej
Se çë gjeti mu mor shokë

Çmë gremisi sevda e shkretë
Pleqënia smund ta majë
Rrojta ime nuk ashtë jetë
Natë e ditë me lot po qaj

Kur qëlloj kjo ditë e shkretë
Që na bashkoj ne të dy
Unë kam mbetë farë pa shpresë
Skam me tpa mo me sy

Zemra mu ka zemru
Qaj me lot more xhanan
Paska qenë kader për mu
Të çoj jetën në Elbasan

KUR TI SHOF DY SYT E SHKRU

Kur ti shof dy syt e shkru
Më dukesh si lule shtrenjë
O si s’menon njiherë për mu
Më harrove moj kaqë shpejt

Behari par kur të vijë
Nji tuf lule moj do ta fal
O do të këndoj me dashuri
Dorë për dore me ty do të dal

Prej dashnisë që kam për ty
Jam në zor e jam në hall
O kur të shifemi të dy
Do ti puth o dy sytë me mall

TUJ SHETITË KE TULLË E PUSIT

Tuj shetitë o ke tull e pusit
Këputa o nji trandafile
Trandafiles o çi vjen era
Lule t’bukura na sjell pranvera
of aman aman

Kur ma bjen o kafen përpara
Me ato dur o porsi biluri
Fol e qesh moj tu dhashtë e mara
Fol e qesh moj tu shtoftë nuri
bukurisë ore

Ma bjen kafen me buzë tuj qeshë
Më shikon me ato sytë e zi
Porsi karafili me vesë
Trandafile je kimitleshë
of aman aman

Tuj shetit në një përrue
Aty gjeta nji mollë e ftue
Molla hahet e ftoj nuk hahet
Zemra prej teje smë ndahet
of aman aman

DASHUNIA KUR FILLOI

Dashnia kur filloi
Nana ime u mbyll në burg
Spaç njeri të më zaptojë
Çu katandisa dola në rrugë

Trupi yt spaska të sha
Si shandan i bukur më je
Më shkon rrugës si padisha
Vetulla jote si shigjetë

Xhan – xhanan po të thërres
Kujtoje zotin perëndinë
Deri ditën që do vdes
Për mos me t’fol kam ba jemin

Rrugë më rrugë jam dashuru
Asnjë herë nuk kam përfundu
Qyqja moj nanë si tja baj
Pa dashuri un nuk mund të rroj

Fati im qenka skëterrë
Çmu desh mu me zanë sevda
Fol me gojë mor lal Kamber
Unë prej teje nuk kam të nda

KËNGA E CIJES

Mora rrugët për Shijak
Me taku me nji mikun tim
Se çmë ka zanë i ziu merak
Si tja bëj un këtij hallit të shkretë

Refreni
Mos më len o mori besë
Se sa të rroj e sa të vdes
Flokët e kres un moj do ti shes
Se Cia e vogël më ka dhanë besë

Dy tri plumba në shtat çi mora
I gjithë Durrësi moj tuj vajtu
Gjithë doktorrët e Tiranës i mblodha
Si nuk u gjet derman për mu

Refreni
Mos më len o mori besë
Se sa të rroj e sa të vdes
Flokët e kres un moj do ti shes
Se Cia e vogël më ka dhanë besë

Ti mre daj mre daj katili
Çpate që m’plagose mu
kush qe ai që t’shtjeu fitilin
Në spital të Tiranës me më çu

Refreni
Mos më len o mori besë
Se sa të rroj e sa të vdes
Flokët e kres un moj do ti shes
Se Cia e vogël më ka dhanë besë

Erdhi nana në spital
E gjet Cijen shtru në karjoll
E kush të vrau mori Cie nanës
Të ka nan si koqe mollë

Refreni
Mos më len o mori besë
Se sa të rroj e sa të vdes
Flokët e kres un moj do ti shes
Se Cia e vogël më ka dhanë besë

KANGA E DETIT

O ti det o uji i zi
Që gjithmon u gjinde plot
Shumë kërkunë fundin s’ta gjetën
Ku do tjetë marimi jot

O ti det o uj i mjelmët
Ke shumë gjana që s’tregon
Xhevahiret që mçef ti
Ska kandar që i peshon

Sa vapora sa gjemi
Mbi ty shkojnë e zbajnë zullum
Ti ke hyqëm me i përpi
Je i gjanë e duron shumë

Kapidan o djal i ri
Merr dylbinë dhe shiko
Ti ke zemër e trimni
Prandaj ec e mos ndalo

Ky delfini sa nji shpi
T’vjen barkës rreth e qark
Se po m’dalin ment prej kreje
Kur shof tallazin tand

KE SELVITË E NAMAZGJASË

Ke selvitë e namazgjasë
Rreth e qark qenka hijeshu
O bani hije fukarasë
Aman sytë e buzët e tu

Ftyra jote si dymleku
Jeretis prej perëndisë
O ku ta gjej ksi mereqepi
T’ja shkruj harpet e bukurisë

Mora rrugët për Qafë-Krrabë
Të mirbetsh o more xhanan
O mos u qell më shumë se një javë
E t’na vish prap në Elbasan

MOJ FËLLANXA MOJ MITARE

Moj fëllanxa moj mitare
Qenke nisur kemin ????
Vishna xhoken me çapraze
Çi dhe zjarrmin ashiknisë

O je e vogël axhami
Çmi ke nazet si hysejni
Do të plakesh s’do të dojë njeri
Do të bahesh pishman si qeni

Kthesa
Moj fëllanx e malit e hajde more
Të puthsha syt e ballit hajde more
Moj fëllanx e fushës e hajde more
Të puthsha mesin e gushës e hajde more

NJI LULISHTE ME TRANDAFILA

Nji lulishte me trandafila
Asht parajsa e vërtetë
O ky asht vend që këndojnë bylbylat
Flakë u dogj ashiku i shkretë

Vetë më the more xhanan
Natë lulishte jetën ta çojmë
O mos më len në kët zidan
Se gjithë jetën nuk do të rrojmë

Merraku ashtë nji shkëndi
Djeg si dielli në Qershor
Kët sevda kush ma di
Shpirtin tem o ja jap në dorë

LEU DJELLI N’ATË BUZË MALI

Leu dielli n;atë buzë mali
Gjithë dynjan çe ka hijeshu
Moj hapsane jaman
Të raftë zjarri jaman
Se nga sytë hajde më ke qërru

Der në Durrës der në Shijak
Çun Fitnetin si mitak
Ku po m’çoni jaman
Mu qyqaren jaman
Në hapsane të Shkodrës mbyllun me dry

Der në Shijak e Barbullush
Se Fitnetin çe vranë në pritë
More Zanit jaman
Hasan begut jaman
Prej allahut i raftë nji pikë

Refreni:
Vaj, vaj,vaj mbyllën gocën hajde në draç kala
Hej,hej,hej çoje menjen lale mor gjithanej
ERDHI PRANVERA ME JESHILE

Erdh pranvera me jeshile
I rashë baçes mes për mes
Këputa nji trandafile
Nji dhuratë për ty Ballkiz

Të putha njëherë në faqe
Më buzqeshe si fëmi
Vinte era manushaqe
Mu duk vetja djal i ri

Jasemin të vinte era
Kur ti putha njato dy sy
Maca note mun ke dera
Në kraharor ma vune krytë

BUBULLIN KE SHKOMI I KAVAJËS

O bubullin ke shkomi i Kavajës
O çu dogj shpia hajde fukarasë
Hajde çu dogj shpia hajde fukarasë
O shkoni merrni hutën e dajës
O të vras beun ke shkomi Kavajës
Ta vras beun ke shkomi i Kavajës
O ti mre bej o mre prej Shijaku
Po dil aty o ku derdhet gjaku
O dil aty o ku derdhet gjaku
O dil aty mre mu në fushë
O ti puqim hutat hajde gush o për gush
Ti puqim hutat hajde gush o për gushë
O djalë i ri o të keqën nona
Se vrave beun aty mun o ke thona
Se vrave beun aty mun o ke thona
O smë vjen keq o se u vrava vetë
O se vrave beun o me 40 vetë
O se vrave beun o me 40 vetë

ERRËSIRA E PYLLIT

O erësirë e pyllit
Defrimi njeriut aman-aman
Porsi dritë e yllit
E bijë e bariut

Ne në pyll do të shkojmë
Unë dhe ti aman-aman
Pyllin ta kërkojmë
E qujmë për dëfrim

O pyllin tuj kërkue
Hije për me gjet aman-aman
Ti qenke për mue
S’bashku moj do të çojmë jetë

Zemrën se çe njita
Me ty mre xhanon aman-aman
Se ylli Afërdita
Leu në Elbasan

Bota se kuptojnë
Se çashtë ky qëllim aman-aman
Ne të errët shkojmë
Shokët ma kanë zili

MË SHIKON ME BUZË NË GAZ

Më shikon në buzë në gaz
Sikur don me fol me mu
Un ty moj do të flas moj xhan
Nuk po mundem me duru

Kur të pash moj tuj kalu
Vesh e math për bukuri
Çmë pikllun dy sytë e shkru of moj xhan
Çmë ke prek në dashuri

Flokët mi ke thur gërshet
Si kunor lule me ar
Askërkush moj sti përket of moj xhan
Nji petrit nji djal beqar

ÇOHI DJEMA SHALONI ATIN

Çohi djema shaloni atin
Besa atin çe kam o shalu

Besa atin çe kam o shalue
Cili djal o po vjen o me mue

Po thotë Mema mor po vij unë
Ja pret Stafa ma i parë jam unë

Ti mor Staf o mor Staf o delia
Sot po t’njifet o burrëria

Sot po t’njifet o burrëria
Me qit pushk o ke zotnia

Tkisha pas o nji djal o si Mema
Paç me i hy o vezirit mrena
Paç me ja lan oxhakun o me femna
MOJ E BUKUR SI PËR MU

Moj e bukur vajzë ti për mu
Sa më qenke rritë
Më kënaqet zemra kur të shof
Sa bukur je stolis

Hana rrezet kur ti lshon
Plot me ndriçim
Zylyfet e tua të verdhojnë
O si nji rubin

O se gjith dynjaja ashtë mahnitë
Prej bukurisë
Dielli nuk ban reze
Kur del ti me shetitë

MUN ATY KE SHTATË ZYMYLAT

Mun aty o ke shtatë zymylat
Ku këndojshin o të shatë bylbylat
aman aman e aman

Ku këndojshin o të shtatë prej here
Çojnë ashikun-o çojnë ashikun o me gjithë dylberë
e hej-hej aman

Në për degë të manit o bylbylo
Rafsh në dorë të xhananit o bylbylo
Nëpër degë të qarrit o bylbylo
Rafsh në dorë të beqarrit o bylbylo

Çasht ky djal o që këndon mbas dere
Shtjeva sytë o pashë dylberë
aman aman o aman

Dylberi o sa mpa mue
Uli kryt uli kryt e mor shkoi si grue
hej-hej hej-aman

Në për degë të manit o bylbylo
Rafsh në dorë të xhananit o bylbylo
Nëpër degë të qarrit o bylbylo
Rafsh në dorë të beqarrit o bylbylo

Mun aty more natë kënetë
Ku çelin o zymylat vetë
aman-aman e aman

Bojshin hije o për dy vetë
Për ashikun o për ashikun dylberin e shkretë
e hej hej aman

SI MËSOVA UNË GARIPI

Si mësova unë garipi
Që smë zuni kama dhe
Merre kupën edhe pije
Gëzim tjetër më nuk ke

Merre kupën edhe pije
Ky ashtë qefi i vjetër
Çfar të mbjellësh në këtë jetë
Do korrësh në botën tjetër

Për të gjithë shokët është ditë vere
Dimni spaska të maru
Çjanë kto lajme këto habere
Ka ardhë vakti me kalu

Drandafilin sa e du
Kur çel gonxhe burbuqe
Edhe rrushi ashtë për mue
M’jep të bardhë e të kuqe

Pleqëria është me huqe
Të ban të marrë e të shkallu
Nji kup të bardhë e nji të kuqe
Pi se vdekja ska të afru

NËPËR SHTYLLAT E TELEFONIT

Nëpër shtyllat e telefonit
Zogjtë po këndojnë
A s’mafrohi pak or shokë
Zani t’ma ndigjoni

Pa digjoni ju more shokë
Ndigjoni çpo ju them
Prej merakut hiqni dorë
Se do të bëhi verem

Unë kam mbetur si jetimi
Njeri hallin s’ma qan
Sa ta bëj shpirtin teslim
Prej teje s’heq sevdanë

NË PENXHERE KE DALË

N’penxhere ke dalë
Për me ba sehir
Prit ta them nji fjal o mi goce
Nji fjalë për të mirë

Në rrugicë të pres
Të fal nji dhuratë
Për kujtim ta kesh o mi goce
Mos më merr inat

Më le në vetmi
Si zog i harru
Ruje dashuninë o mi goce
Që ke pasë për mu

NJI DITË TË DJELE U TAKUAM

Një ditë të djele u takuam
Mrrifte zemra prej dashnisë
Bashkë atë ditë që ne u pamë
Smund po flas prej dashurisë

Mos më mundo se jam i ri
Pash dashninë që kena bashkë
Dashnin tonë kërkush se di
Veç ti e di sa të kam dasht

Ti kujton se unë stë du
Të jap dorën besa besë
Ti gjithmonë do t’jesh për mu
Nuk të le deri sa të vdes

PËR MIDIS PAZARIT TË DURRËSIT

Për midis pazarit të Durrsit
Mos ma hidh dorën serbes
Mor Selim i Sefer Hutës
Mos mi zen vetllat me fes

Refreni:
Dallandyshe vaj-vaj-vaj
Sy larushen me lot ta qaj
Dallandyshe hej-hej-hej
Pi raki dhe mos u de

Mi gëzofsh dimiqt mermeri
Kur mi vesh del në Pazar
Po të lutem po të themi
Më merr mu se jam beqar

Rëfren:
Ti që mtheve gotën-e
Pse ma more gocën-e
Ti që mtheve shishen-e
Pse ma more Ishen-e

Çmë ranë sytë nga ryqymeti
Qënka mbledh mixhelizi
Mre na fiku din dushmani
Se rahat s’mlan shokët e mi

Refren:
Ti m’atë anë e unë në ktë anë
Ndërmjet kena nji sokak
Ashtu qenke sikur mthojshe
Porsi ylli me bajrak

MA MIRË NË PYLL SE NË QYTET

Ma mirë n’pyll se në qytet
Ne të dy o atje do të rrojmë
Njeri atje ne s’na përket
Të amël o jetën ta çojmë

Kur humb rrugën një njeri
Të gjithë brengat i mendon
Shok i bëhet një bari
Hajde sonte n’kasollen tonë

Bukë e verë e raki
N’ktë kasolle mushun me kashtë
Zoti ju dhashtë bujari
Që se latë o udhëtarin jashtë

Çju lutem zotit na e dha
Nuk ka tjetër lumturi
Nji kasolle mulu me kashtë
Të rrojmë në mal o porsi bari

KAM NJË BABË IFTIJANXHË

O se kam një babë iftijaxhë
Aman që më përzihet mbas dylberash
Ori babë mos u ba i marrë
Sa t’na dalin fjalë të tjera

Aman ku të gjëjë o nji mik të mirë
Aman që t’më dojë e aman që ta du
Mor ti qaj hallet e dertet
Mos të shkoj djeg e përvëlu

Çaf-çaf-çaf po këndon bilbili
Aman vaj mor shokë se ç’kam ba
Aman thuj se çeli trandafili
Çe mbuloj – mbuloj dynjanë
LUM E LUM SE JA MRRINA

Lum e lum se ja mrrina
Bukurinë këtij behari
Djal më të bukur se ban nana
Selim Begu prej Tivari

Çunat paçin perrin
Që sna flasinm noi herë
Perëndia i boftë rezil
E kërkofshi derë më derë

Nëpër teqe nëpër medrese
Dy dervish bënin jahu
Me mi fal nja treqind qese
Si ndërroj me syt e tu

Nëpër kafe nëpër mihane
Natë e ditë po rrafin sazet
Ku t’ka lala çun Tirane
Ja na i hiq këto maraze

DY TË DASHURAT

O miqt e mi në botë kam dy të dashura
As më thoni cila është më e mirë
E para mështë nëna e dyta më je ti
Të dyja të mira jeni ju dua si sytë e mi

As më thua vajza ime e dashur
Pse e dua nënë tënde kaqë shumë
Nëna të ka rritur të ka zbukuru
Meritën e ka nëna për ato sytë e shkru

Por mos u dëshpëro vajza ime e dashur
Pse e dua nënë time kaqë shumë
Po të mos ishte nëna s’do më kishe ti
Pra e para është nëna e dyta më je ti
MOJ DASHNORE T’GJYKOFTË PERENIA

Moj dashnore t’gjykoftë perenia
Si ma çfaqe dashuninë të rremë
Besa jote moj bashkimnia
Tradhtare paska qenë

Unë të dita se të kam mike
Prandaj vuna dashnin për ty
Ti paske qen nji rren armike
Sa që spaske të rrëfy

Tu thaftë dora moj që më shkrove
Mallku qofshin letrat e tua
Vetë më deshe e unë stradhtova
Moj e pabesë mori gru

Moj dashnore moj dibrane
Ne të dy dolëm në pytsi
E mori vesh Dibër e Elbasan
Të msheftën tonë dashuri

SA MOJ E PABESË

Sa moj e pabesë
Që m’ke dalë ti mu
Më shtjeve ngatrresë
Gjersa n’burg m’ke çu

Unë në burg kam ra
Zoti m’ka dënu
Njashtu t’kam dash ty
Sot më ke harru

Kur vjen dita e djelë
Deshiroj me t’pa
Zoti ta bëftë mirë
Gjersa n’burg ke ra

Djalë mos u dëshpëro
Robi të ka dënu
Prap ti ke me dalë
Gjithmonë je për mu

Unë nuk e besoj
Se do t’rrish natë vend
Rri edhe vajtoj
Qaj trillikun tem

Kangën ta kam qitë
Gjithkush me ta knu
Ti mu më ke fik
Dhe më ke turpnu

KËNDON GJELI PIKA PIKA

O se këndon gjeli aman pika pika
O çou xhanan se zbardhi dita dhe ajde
Jara na-na-na-na-ne
Merre merre çunin-e hajde
merre gush pullumbin-a

Jarana jarnane kadal e kadal
Jarnana-jarnane goca më ka çu fjalë
Jarnana-jarnane kadal e kaiçikë
Jarnana-jarnane belin sa nji berxhik

O se knon gjeli hajde mjes për mjes
O çou moj goce lala po të pres
Jarnana-jarnane merre merre Liun-e
Merre shtat selviun-e
Jarnana-jarnane

O se këndon gjeli hajde ra sabahu
O çohu moj goce o të lumtë krahu
Jarnana-jarnane
Merre merre çunin e hajde
merre gushë pullumbin-e
Jarnana-jarnane

ANËS DETIT ANËS BREGUT

Anës detit anës bregut
Kish fillu hana me dalë
Ish nji djalë si bir beu
Me nji vajzë ishin tuj qa

Vajza thoshte na diktunë
Dhe ne duhet me u da
Babës vajtën i kallzunë
Zoti e di kur shifna prap

Hajde e dashur moj e bukur
Dalim presim të dy bashkë
A e merr vesh ti zemrën time
Se sa fort të kam dashtë

U me deti prej tallazit
Të hyjmë në një barkë
Të dy ramë në fund të detit
Të dy marumë shpejt e shpejt

Ç’MU RRIT MJEKRA M’U BA GRETH

Çmu rrit mjekra çmu ba greth
Mjeri unë djalë për këtë rini
Vajta në kafe vend spo më bajshin
Më kallzojshin o detin e zi

Vaj prej hallit prej sikletit
Mu ba borxh me dal me tretë
Mora rrugët e kurbetit
Selametin o për me gjetë

Po na vjen nji barkë me vela
Thonë është mall manifaturë
Por është mushun me dylbera
Ishalla o zot shkarkojnë këtu

Mu ke çesmja në kry t’pazarit
Dalin gocat prej shkollës
Porsi gonxhet e beharit
I raft zjarri ashiknisë

Edhe kumlla lëshoi gjethe
Edhe kokrat që i ka lëshu
Kur i bjen dylberi faqes
Zenë ashikët me u largu

O KANIL KANIL I VETMU

O kanil kanil i vetmu
Çke që zbën dritë
Mos rrëfe se çbëhet sonte
Gjersa të hapi dritë

O jorgan i ngushtë
Jorgan vija vija
A smi mbulo sonte mue
Shpatullat e mija

O moj erë erë e malit
Erë e sabahut
Çpate që më zgjove
Në bash të qejfit

ÇOHEN ROSAT

O çohen rosat aman aman
Prej Tirane
Bëjnë pushimin-o bëjnë pushimin në Barbullush
O moj gjylpo-jone aman-aman
E maqinës
Çmi qep rrobat-o çmi qep rrobat e beqarnisë
O të kesh pët të pytë – o aman aman
Për punën time
Oja kam shitë-oja kam shitë tjegllat çatisë
O ja kam vu-ja kam vu zjarrmin shpisë
O po kam frikë aman-aman
Se spo don durrsakia
O mdo durrsakja-o mdo durrsakja kaiher për dashnor
O ti ta dish aman-aman
Zemrën time
Çmu ka mush me idhnim
O nga hapsonia-aman-aman nuk kam frikë
Nga erësira aman-aman zdu me ditë

SHEJA ME SHAMI TË KUQE

Çmë ke dalë në penxhere
Më ke hap krahët si pata
Çpo ma bën me isharet
Me ato leshrat e gjata

E çmë ke dalë në penxhere
Më ke hedh leshrat kurorë
Në diç për emrin fol me mu
Ke zanë xhenetin me dorë

Ej Sheja me shaminë e kuqe
Buzën kuq si jesheboj
Sheja me shami të kuqe
Çmë dogji çmë përvëloi

PËR NJI MOT E GJYSËM VITI

O për nji mote e gjysëmë viti
Që ne u deshëm mi goce e vogël
Kush se diti

O ne u deshtëm kush se diti
Veç un e ti o mi goc e vogël
Edhe shpirti

Veç un e ti edhe shpirti
Qysh atë ditë o që mxune unazën
Ke gishti

NË MËNGJEs LAVA SYTË E ZES

O në mëngjes lava sytë e zes
O në saba dola në namazgja
Mos më vra mu o moj katile
O mos baj naze se ashik më ke

Vish jelekun goce kadife
Për shtatë palë qefe lala ta ka pre
Ti që mvrave mu të vraftë i madhi zot
Mos baj naze jam ashiku jot

Nëpër harqe të penxheresë
Pash sytë e shkru sytë e Anifesë
Mos më vra mu ti moj katile
O mos baj naze se ashik më ke

UNË E NGRATA TË KAM PAS DASHTË

Unë e ngrata të kam paas dashtë
Por sdo di me ba dashni
Sot kam gzim se jam tuj dashtë
Kurrë si sot ndashni sjam ngi

Hajde moj beja moj
Pse smë flet mori me gojë

Qindra herë tek ti jam nisë
Për me t’thanë se unë të du
E çdo fjalë e kam ujdisë
Si dashninë me ta tregu

Hajde moj beja moj
Pse smë flet mori me gojë

ISHA VETËM TUJ MENU

O isha vetëm tuj menu
Trandafilat sa kan çelë
Bilbilat janë tuj kënu
E dhe hana sa po del

O un menoj vetëm për ty
Qysh atë ditë që të kam pa
Ftyra jote mrri ndër sy
Unë prej teje skam të nda

O veç na ndaftë ai vorri i shkretë
E na m’loftë ai dheu i zi
Sa t’jem gjallë unë në këtë jetë
Se harroj ktë dashuri

O ashtë i amël ky meraku
Porsi mjalti me sheqer
Për ata që lejnë pa fat
Sështë gjë tjetër veç zeher

O ndigjo pra o shpirti im
Për herë të fundit po t’këndoj
Veç ti ishe gëzimi im
Sa të jem gjallë seh të harroj

ASAMAN LULJA E ALLIT

Asaman o lulja allit
Zemrën time ma ke therë
Të baj be pash sytë e ballit
Tjera kush mos t’mari erë

Mori lule me shumë naze
Çerë të këndshme je tuj lëshu
Pse mi shtin gjithë këtë maraze
Tuj e ditë se unë të du

Mori lulja e zamakut
Që ban shejë për gjithë pranverën
Mos ndigjo moj fjalët e hallkut
Hajde lule të marr erë

Era jote tuj shpërnda
N’baçe t’bukura tan jeshil
Unë me ty kam zanë sevda
Porsi flutra në kandil

MORI GOCE ME HALLE SHUMË

Mori gocë me halle shumë
Kush të don o lal ma fort se unë

Lake mi pupulake lalës-e
Je goc e Tiranës-e

Si tja boj hallit se di
Lala pa ty moj smund të rri

Lake moj pupulake bardha-je
Hajde shpirto të marrë erë

Derdimen mor derdimen
Ça bone shpirtin verem

Lake mi pupulake lalës-e
Je goc e Tiranës-e

Ti mi goc mi ledhacake
Lalës çju ke ba merak

Lake mi pupulake lalës-e
Je goce e Tiranës-e

KUMURIJE MOJ QAFËBARDHË

E kumurije moj lale
O moj qafë bardhë
E dil e prite moj lalën
O në Qafë Shkallë

E kumurija moj lalë
O moj sy zezë
E dil e prite lalën
O në fush Prezë

O qeraxhi o lal të kam vëlla
O ma jep gjogun lalës o pa qera
Jarina na-ne o të don lala-e
Jarina na-ne të dal përpara-e

KANGA E KALASË SË DURRËSIT

O jalla u shemsh-o
O moj kala e Durrsit
E dalin gocat
O lal ke gryk e pusit

O çi qit Durrsi
O lale çi pret Shijaku
O ku din goca
O lale se çasht meraku

E fushë e madhe
O lale fush e Qeretit
E dalin gocat
O lal bregut të Detit

E qava-qava
Lala moj qesh tuj plasë
O çmu mush zemra
Lalës o me maraz

A KE QENË NDONJËHERË E RE

A ke qenë ndonjiherë e re
A ke pasë merak
O e re qeshë dhe çu plaka
Kurrë merak skam pasë

O mjer atë që zen meraku
Kur xhenet mos gjetë
O un i mjeri moj jam tuj plasë
Selamet skam gjetë

Oh n’punishte jam tuj punu
Menja mrrin tek ti
O trubullim m’ke shti
Më ke ba si fmi
JELEKUN ME AR

Jelekun me ar
Varun mu në gozhdë
Shite effendi të keqen
Se na mytën borxhet

Dy sahati i natës
Raketrak komshija
Çile Zeqine të keqen
Se jam Shyqyria

Penxheret me xhama
Karshi Hyqymetit
Qyqja efendi të keqen
Na pa njeri dovletit

Gjashtë sahati natës
Bubullinte dheu
Çile Zeqine të keqen
Jam Shyqyri beu
JALLA U RRËZOFSH O MËHALLA E RE

Jalla u rrëzofsh moj mëhallë e re
Qyqja që me gardh u bane varde
Jarina o të keqen-e
Jarana o kurbane

O qyqja ka njy durët goca me këna
Je matan more qerata
Jaranane-jaranane
Lala me ty ra sevda

O qyqja ka ly durët gocame
Ik matan o mor delenxhi
Jaranana-jaranane
Lala pa ty nuk mund të rri
KE PUSI ÇERRAHES

Ke pusi Çerrahes moj Xhemile
Çma bojshe me dorë
Besën pse sma majte moj Xhemile
Ne të shtijmë kunor

Ke pusi Çerrahes moj Xhemile
Plot shaminë me fiq
Besën pse sma majte moj rezile
Të prefshin me thikë

Ke pusi Çerrahes moj Xhemile
Plot shaminë me rrush
Besën pse sma majte moj katile
Të vrafshin me pushkë

JELEKUN KADIFE

Jelekun kadife vishe ti për mu
Ti se din zemrën time
I mjeri sa fort të du aman
Sa fort të du
Jam djeg e përvëlu

Hajde syu i zi aman aman
Qaj lala për ty
Ta puth vetllën me gjith sy aman-aman
Lum lala për ty

Meraku I shkretë qi m’ka zan me ty
Diftoju zemër gjanë
Ki mëshirë e dhimsuni aman moj dhimsuni
Zemra çmu ba hi

Hajde syu i zi aman aman
Qaj lala për ty
Ta puth vetllën me gjith sy aman-aman
Lum lala për ty

Ç’U DISHIRUSH ME TPA TY

Ç’u dishrush me tpa ty
Ftyrën tande mori mollë
U ba shumë që sjena pa
Letra prej teje skam marrë

Fati im me ty asht lidhë
Përveç teje tjetër s’du
Për ty menoj ditë e natë
Vetëm ti o do tjesh për mu

Paske pas fatin e zi aman-aman
Që sna lanë për me u pa
Kur i shof shokt e mi-e aman
Me të dashmet o krah për krah

Faqe kuqe shefteli aman
Edhe buzët si jeshe boj
Ku tka lala moj kumrie jaman
Pse smë flet o nji herë me gojë

JU O YJE JU YJNESHA

Ju o yje o yjnesha
Mbushni qiellin me ndriçim
Ju moj goca pëllumbesha
Mbushni jetën me gëzim

Ju o lule plot burbuqe
Që I çelni në pranverë
Ca jeshile ca të kuqe
Gonxhe t’bukura plot me erë

Lulja rritet zbukurohet
Po ta kesh gjithmon kujdes
Dashuria e parë s’harrohet
Bashkë me zemrën len dhe vdes

Ç’NA KA ZAN KJO DASHURIA

Çna ka zan kjo dashuria
Kërkush hallin nuk madi
Kush i qan hallet e mia
Ku do shkoj e ku do trri

Çke moj goc që rri menu
Rri e zgjoj hallet e mia
Deri n’Durrës du me shku
Se mka zan kjo dashuria

Çqenka kjo sevda e shkretë
Mjer ai që se ka provu
Gja ma t’bukur ska në jetë
Kur dashnori t’thotë të du
LULJA NË SAKSI

Lule t’bukra ka Kavaja
Lulja ma e mirë është në Golem
Mu me ate m’ka zan sevdaja
Atje kam un shpirtin tem

Lulja e mirë ka çel burbuqe
E kam mjellë unë në saksi
Ca jeshile ca të kuqe
I ka çel për bukuri

Lulja ime kurrë nuk thahet
E kam mjellë unë me dorë vetë
Prej lules zemra smë ndahet
Dersa tjem unë në kët jetë

QYSH ATË DITË KUR TË PASHË

Qysh atë ditë kur të pashë
Meraku me ty çmëzu
Oh çma dogje zemrën vash
Unë nga zemra skam me t’largu

Sa merak që kam me ty
Kështu do t’shof si ngaherë
Se çmë dogje me ato sy
Si trandafili në pranverë

Sa e omël është dashnia
Unë vetë ty ta kam thanë
Ti mi di hallet e mija
Prandaj zemrën ta kam dhanë

Kalun ditë e kalun muj
Unë prej teje rri me shpresë
Pse më le moj që të vuj
Por si lulja mulu me vesë

Nji ktë kangë ju ta knoni
Si kujtim unë ja u kam lanë
Liun e Nushit ta kujtoni
Në çdo ven e në çdo anë

DASHURINË QË KAM PËR TY

Dashurinë që kam për ty
Askërkujt smund tja kallzoj
Bukuroshe më shif në sy
Dashuninë tate se harroj

Askërkush nuk mund ta di
Se çkërkon kjo zemra ime
Vetëm ti o syu i zi
Që ma bën zemrën thërrime

Pra çkërkon kjo zemra ime
Vetëm ty të t’dashurojë
Për theq vuajtje e mjerime
Të dy zemrat ti bashkojmë

KUMURIE E ELBASANIT

Kumurija Elbasanit
Këndon herët në mëngjes
Po shkëlqen ylli karvanit
Ndriçon sytë e tu të zes

Je e bukur si hyrie
Si menekshe në pranverë
Ku tka lala moj kumrie
Thuja kangës dhe nji herë

Mos e merr veten për kamë
Zgjidhe shokun djalë të ri
Të ju shof si yll e hanë
Dy dashnor për bukuri

Nuk do të kem aspak zili
Kur të shof moj tuj shetit
Vjen djaloshi bukuri
Jeni bashkë ju dy të ri

Menekshe = Manushaqe e egër me erë të këndëshme, ngjyra vishnje

ELBASANI ASHTË I BUKUR

Elbasani ashtë i bukur
Plot me lule hijeshi
Aty zuna nji dallndyshe
Porse nisi me fluturu

Ke smë the lamtumirë
Spo t’shikoj ma sytë e zi
Ndër kujtimet e rinisë
Ruaj të parën dashuri

Çelin vjollcat këndojnë bylbylat
Dhe pranvera po afron
Po të pres ty dallandyshe
Në një çerdhe bashkë të jetojmë

IKU NATA AGUN MALET

Iku nata agun malet
Çu gëdhi o çu ba sabah
Jani shokë më qani hallet
Përsëri o vuna sevda

Sevdaja në pleqëri
Sasht memqym me u duru
Smë qajnë hallin shokët e mi
I mjeri si kam mësu

Lum e lum se vjen pranvera
Karafilat janë zbukuru
Unë kam pa dhe shumë të tjera
Përveç teje tjetër zdu

Kurban ju bofsha atij syu
N’Elbasan asht kriju
Ashik ju ba Isuf Myzyrit
Askërkush se ka kuptu

HAJDE PRA SE ERDHI PRANVERA

Knon bilbili ke qershia
Prej meraku flak u ndez
Trandafilat ke avllia
Çelin gonxhet pa kujdes

Hajde shpirt se erdh pranvera
Çelin lulet përsëri
Vjollca tnjoma moj lule shqera
Do ti mledh shpirto veç për ty

Kërkon djali bojë esmeren
Buzën e gocës si sheqer
Goca boka naze shumë
Djali shkretë ngeli pa gjumë

Hajde shpirt se erdhi pranvera
Çelin lulet përsëri
Vjollca tnjoma moj lule shqerra
Do ti mledh shpirto veç për ty
KAM NJI BRENGË E NJI KUJTIM

Kam nji brengë e nji kujtim
Du ta them po skam se si
Nuk po mundem me duru
Si tja boj hallit se di

Je si trandafil me erë
Gonxhe bukur në pranverë

Ke një zemër që të çmosh
Unë të desha më të vërtetë
Unë du vetëm t’më shikosh
Të m’heqësh këtë siklet

Je si yll e je si hanë
Të kam shpirt e të kam xhan

Po menoj moj bukuri
Ne dashnia t’na bashkoj
Sa në zemër më ke hy
Ditë e natë për ty menoj

Do të pres do të kujtoj
Kurr njiherë sdo të harroj

DISA HERË MË SHKON NDËR MEND

Disa herë më shkon ndër men
Mos me t’fol ma me gojë
Mirpo zemra nuk po m’len jasaman
Nuk duroj ma ksi farsoj

Po më sille pa kujdes
Më shikon si për mëshirë
Kur të pash sot në mëngjez jasaman
Nuk më the nji fjalë të mirë

Ti mahe për bukurinë
Për ato dy sytë e shkru
Mos e kurse dashurin jasaman
Por beso sa fort të du

Kur të njofta qe e re
Trandafil mulu me vesë
Bukurinë ti prap ma ke jasaman
Porsi gonxhe në mëngjes

ÇELIN LULET E BEHARIT

Çelin lulet e beharit
Shpirti im i dashuron
Ah kjo zemër e beqarit
Fare digjet si sduron

Të gjith lulet porsa çelin
Njera tjetrën e shikojnë
Veç dashni kërkojnë të vjelin
Atë zemra mu ma don

Çke moj zemër e beqarit
Që po digjesh e skallzon
Të gjith lulet e beharit
Ti moj zemër mi gëzo

PO NA VJEN KARAJ ME DRU

O çpo na vjen karaj me dru-e
O dil moj nuse me shkarku-e
O jam në magje tuj gatu-e
O jam tu njy e jam tuj shkru-e

O mun te guri që ban xixa
Haj me lalën shkojmë për pipza
O nuk po vij se më zen vapa
O të vjen lala me çadër mrapa

O guri ron në qoshe t’murit
O merhaba mor baba i çunit
O guri ron në qoshe t’portës
Merhaba moj nona e gocës

O lal Kamer o lal Kamer
Piqe kafen pa sheqer
Se thirra mikun dhe smë erdh
Darka jote u ba zeher

SA TË DU

O sa të du por skam guxim
E jam ba si dru
Zemrën time mir ma din
Sa më ke shtërngu

O syni jot porsi manjet
Më ban reze mu
O se çna dogje zemrën e shkretë
Plasa moj tuj t’shiku

O ku t’ka ra kjo bukuri
Si dielli në p’rendim
Ma mbushe zemrën me dashni
Smund po baj durim

Ç’I KAM HYP VAPORIT

Ç’i kam hyp vaporrit
Ç’i kam hyp javash-e
Tuj menu për lulen time
Lulen kujt ja dhashë

Lulen ja kam dhanë
Nanës amanet-e
Të ma rujë e të ma dojë
Si bijën e vet-e

Çi kam hyp vaporit
Çi kam hyp javashe-e
Tuj menu për lulen
Lulen kujt ja dhash

Lulen ja kam dhanë
Babës amanet-e
Të ma rujë e të ma dojë
Porsi sytë e ve-e

KAÇURRELAT

Natyra t’fali t’bardh si bora
Se për mbas teje jetën e shkova
Ani se dy sytë mi kanë verbue
mi kanë verbue
Kaçurrelat, kaçurrelat e tu

Dy faqet tuja kuq o si gjaku
Se për mbas teje m’ka zan meraku
Ani se merakun moj ma kan shtue
moj ma kan shtue
Kaçurrelat, kaçurrelat e tu

Pa ty i mjerri jam krejt i vetëm
Pa ty i mjeri jam krejt i tretur
Ani se pa pramun kam për të këndu
Skam me t’harru
Kaçurrelat, kaçurrelat e tu

M’U LARGOVE PA BA ZA

M’u largove pa ba za
At nat t’bukur në takim
Aspak dita se m’tradhtove aman
Dhe mrrëmbeve çdo gëzim

Mora lajm se je feju
Mori vash e bukura ti
Dashnin time ke harru aman
Qysh t’mashtroi ai njeri

Mbas do kohësh ti u fejove
Disa herë ti fjalë më çon
Thojshe plot herë dhe s’mëharron aman
Do të shihemi njiherë vallë

T’PATA THANË SAFET NJIHERA

Tpata thanë Sasfet njihera
Se do t’vijë pranvera
Ne do të dalim me shetitun
Sikur hera tjera

Çelin vjollcat dhe zymbylat
N’vendin e caktum
Nëpër fusha këndojnë bilbilat
Për tu dashuru

Sa herë ballin ma lëmojshe
Ti m’rrishe e qetë
Premtimin prej meje dojshe
Me të marrë për jetë

NË ATË FUSHË MEJDANI

O nat fush mejdanit
Shkon e vjen dynjaja
Ktheje kryt prej xhamit
Digjet fukaraja

O mori shtat selvie
Shiko në qitap-e
M’fol me gojë Nurije
Se ke shumë sevap

O çka po t’thotë jotamë
Ditë e nëpër ditë
Ven dallfes menjëanë
Ndaç me zan ashik

Çuni mka çu letër
Shnosh e mirë po jam-e
Dil e zgjidh nji tjetër
Se për ty nuk jam-e

VUNA VETEN NË MUNDIM

Vuna veten në mundim-e
Për hatër të dashurisë
Nuk më dhe asnjë premtim-e
Mori nur i bukurisë

Në dy faqet ke ka i pikë
Goc e re moj me kimet
E di mir se ti më le
Më shikon me gojë smë flet

Të putha njiherë në faqe
Më buzëqeshe si fëmi
Vinte era manushaqe
Mu duk vetja djalë i ri

Më vune kamën pa të drejtë
Su kallzove zemër gjanë
Unë të kisha shumë të shtrenjtë
Kimetlie t’pata thanë

SI BILBILI NË PRANVERË

Si bilbili në pranverë
Që këndon o pa pushu
O moj zemër moj ezmere
Që m’ke djeg e përvelu

Pse më dhe kaqë premtime
Ndërsa un smundem ti mbaj
Shumë të don kjo zemra ime
Natë e ditë me lot po qaj

Si bilbili po këndoj
Edhe gjuha spo mpushon
Mu dogj zemra more xhan
Gjeta vajzën që kërkova

LULE BORË

Tuj shetitun mal e kodër
Tuj prek lulet gjith me dorë
Në nji kopsht n’ma t’bukurin n’Shkodër
Ty të zgjodha lule borë

Je e vogël por e plotë
Ty t’kërkoj un tash sa mot
Tash sa mot un ty t’kërkoj
N’gëzim me ty jetën ta çoj
Eja eja lule borë
Unë me ty do t’shti kunorë

Pash ma t’bukrën stin pranverën
Pash mbretëreshën trandafil
Mos tja falish kujt ti erën
Veç për mu ti paske çil

Je e vogël por e plotë
Ty t’kërkoj un tash sa mot
Tash sa mot un ty t’kërkoj
N’gëzim me ty jetën ta çoj
Eja eja lule borë
Unë me ty do t’shti kunorë

Fjalët e mija tash ndigjoji
Ma ke ftyrën porsi zanë
Unë prej gjumi do të çoj
Për me t’pa në dritë të hanës

Je e vogël por e plotë
Ty t’kërkoj un tash sa mot
Tash sa mot un ty t’kërkoj
N’gëzim me ty jetën ta çoj
Eja eja lule borë
Unë me ty do t’shti kunorë

HAJDE MOJ MANUSHAQE

Nkopësh me lule unë të zgjodha
Nji kët lule me shpejtim
N’zarf t’myllun ty ta çova
Moj Manushe për kujtim