Konspiracionet për Hebrenjt, si njerëzit më të rrezikshëm në botë!

Më duket se kur i marr shembull hebrenjtë se si respektohet dhe duhet atdheu, për shumë njerëz është e paqartë pse e bëj këtë.

Nuk pres që të më kuptojnë të gjithë, por të paktën ata që nuk janë të pasqaruar politikisht.

Dhe faktet që mbështesin tezën time se hebrenjtë janë njerëzit nga të cilët mund të mësojmë më së shumti në botë janë aq të qarta sa ne mund t’i shohim me sy të lirë nga avioni dhe jo t’i kërkojmë në tokë nën mikroskop si mikroorganizma.

Nëse analizojmë pak më thellë do të shohim se hebrenjtë kanë qenë gjithmonë më të mirët në kuptimin individual, por ata kanë treguar shkëlqim kolektiv vetëm pasi kanë përjetuar Holokaustin, pra pas Luftës së Dytë Botërore kur të gjithë ishin në prag të zhdukjes biologjike për shkak të nivelit të paparë të së keqes së përjetuar nga ushtria dhe gestapoja naziste e Hitlerit .

Para kësaj, ata shkëlqenin në kuptimin individual kudo që jetonin, por në kuptimin kolektiv, ata ishin të ekspozuar ndaj terrorit dhe persekutimit si asnjë komb tjetër në botë.

Çfarë i dallon hebrenjtë nga kombet e tjera?

Ata i dhanë të gjitha shtresave të shoqërisë në mbarë botën ushqimin shpirtëror dhe intelektual që meritonin.

Ata u dhanë besimtarëve të devotshëm fenë abrahamike, njerëzve inteligjentë filozofinë dhe shkencën më të mirë, njerëzve të interesuar për politikë të gjitha ideologjitë e mundshme politike dhe njerëzve krijues letërsinë, artin, pikturën dhe muzikën më të mirë në botë.

Pse shkëlqyen kolektivisht vetëm pas luftës së dytë botërore ?

Sepse e kuptuan se pa një shtet të fortë nuk janë askush dhe asgjë, apo më saktë vetëm viktima dhe shërbëtorë të të tjerëve, ndaj i dhanë njëri-tjetrit fjalën e nderit (premtimin, besën) se do ta bënin Izraelin agrar eksportuesin më të madh të mendjes së ndritur në botë, e cila jo vetëm që do t’i bëjë ata si komb dhe shtet partnerë të barabartë me të gjitha superfuqitë botërore, por edhe udhëheqës dhe krijues të politikave dhe ekonomive të tyre.

Ku qëndron enigma e suksesit të tyre?

Investimet e paimagjinueshme të shtetit në arsimin më cilësor në botë, i cili nxjerr dhe eksporton ekspertë të pazëvendësueshëm në të gjitha fushat e rëndësishme të jetës shoqërore, arsimore, shkencore, kulturore, filozofike dhe politike.

Nuk ka asnjë vend tjetër në botë që pasqyron kontraste që bashkëjetojnë pothuajse në mënyrë të përsosur me njëra-tjetrën si Izraeli.

Vetëm në Izrael do të gjeni fanatikë fetarë që jetojnë në harmoni të plotë me njerëzit më të përparuar.

Pra që bashkëjetojnë me ta në formën e tyre burimore, pa asnjë paragjykim dhe me tolerancë të plotë.

Çfarë e mundëson këtë bashkëjetesë?

Demokracia kombëtare më avangarde në botë.

Prandaj, përkundër dallimeve dhe mosmarrëveshjeve të herëpashershme kur bëhet fjalë për atdheun dhe shtetin, çifutët bashkohen me shpejtësinë e dritës dhe bëjnë çmos për ta mbrojtur dhe lulëzuar në kuptimin e vërtetë të fjalës.

Çfarë flet kundër teorive të ndryshme konspirative për hebrenjtë si njerëzit më të rrezikshëm në botë ?

Kombi dhe feja e tyre nuk ishin ekspansioniste dhe nuk u përhapën kurrë.

Pra, hebrenjtë nuk bënë luftëra të përgjakshme si të krishterët dhe muslimanët për të përhapur besimin e tyre me forcë, dhe as nuk u përpoqën ta bënin këtë në një mënyrë misionare paqësore.

Përkundrazi, rrallëkush mund të bëhet çifut pa një rrënjë hebreje të shkallës së dytë ose të tretë.

Sepse sinqeriteti i vërtetë që garanton devotshmëri cilësore dhe besnikëri të vërtetë është shumë më i rëndësishëm për ta, sesa numrat që mund të sjellin qëllime të papastra dhe të pandershme.

Pse janë kaq të urryer?

Nga zilia, sepse janë më të mirët në çdo gjë.

Kaq e thjeshtë është kjo punë.

____