Nga: Lirim Gashi, Prishtinë
Çdo alternativë tjetër do të ishte e kobshme.
Pse është kështu?
Sepse pa koordinimin e heshtur të Francës me Rusinë, Kinën, Serbinë dhe pesë shtetet që nuk e kanë njohur shtetësinë e Kosovës, nuk do të sabotohej dhe ndalej kurrë integrimi i shteteve të Ballkanit Perëndimor në BE, e sidomos integrimi i Bosnjës dhe Hercegovinës, Maqedonisë Veriore dhe Shqipërisë.
Pa këtë koordinim nuk do të mbetej kurrë kaq i vetmuar dhe pa përkrahur nga Brukseli Milo Đukanović para, gjatë dhe pas invazionit të çmendur frontal të Kishes Klerofashiste Serbe ndaj shtetësisë së Malit të Zi.
Dhe aq më pak do të fitonte në zgjedhjet e kaluara parlamentare koalicioni i Kishes Klerofashiste Serbe që e propagon haptazi “botën serbe”.
Në anën tjetër pa përkrahjen e heshtur të katërshes së koordinuar “Paris-Moskë-Pekin-Soros” nuk do të ishin joshur dhe inkurajuar kurrë mbeturinat politike shqiptare, që fatkeqësisht janë në pushtet në Shqipëri, Maqedoni të Veriut dhe Mal të Zi, për t’ia përshtatur politikat e tyre ditore dhe strategjike dëshirave të Beogradit
Gjë që po dëshmohet çdo ditë e më shumë përmes përqafimit duar dhe zemër-hapur të Minishengenit dhe Ballkan Open-it.
Respektivisht gjë që po dëshmohet çdo ditë e më shumë përmes përqafimit të këtij projekti, i cili jo vetëm që është puro serb, por që shqiptarët e painformuar dhe pasqaruar jashte Kosovës, i kthen në pacova të laboratorit special të ish UDB-es, respektivisht të BIA-s së sotme.
Laborator ky, që ua lanë me lehtësi të paparë trurin me sapun.
Në anën tjetër Vuçiq pa përkrahjen e heshtur të katërshes se lartpërmendur, nuk do të kishte kurrë guxim që të shnderrohej në faktor kujdestar destabilizues të Ballkanit, e aq më pak në provokues, kërcënues dhe sabotues permanent të shtetësisë së Kosovës.
Pse roli i Gjermanisë nuk është as balancues dhe as efektiv sa duhet?
Sepse Gjermania kur janë në pyetje interesat e saj ekonomike dhe ato të sigurisë, nuk njeh miq.
Prandaj ajo përmes ish Kancelarit të saj Gerhard Schröder është në aleancë të përhershme me Rusinë, respektivisht me Gaspromin rus.
Prandaj ajo i saboton kudo që i ipet mundësia interesat strategjike dhe energjetike të Shteteve të Bashkuara të Amerikës.
E pasi që gjeografikisht ndihet vazhdimisht e rrezikuar prej Rusisë, ajo i bashkangjitet lehtësisht çdo çmendurie politike franceze, ndaj së cilës gjithmonë ka qenë dhe mbetur e pafuqishme, respektivisht inferiore.
Respektivisht ndaj së cilës ajo gjithmonë ka qenë dhe mbetur e pafuqishme dhe e kompleksuar, për shkak të ndjenjës permanente të fajit për miliona viktima të shkaktuara në Luftën e Dyte Botërore.
Prandaj prioriteti më i lartë i politikës gjermane gjithmonë ka qenë, është dhe do të mbetet bashkëpunimi sa më i ngushtë me Francën.
Prandaj jo rastësisht sa herë që inaugurohet një Kancelar i ri gjerman, ai vizitën e tij të parë e bën në Paris.
Sepse në perceptimin e gjermanëve USA gjeografikisht janë shumë larg, prandaj në rast rreziku emergjent nga Rusia, Franca do të ishte aty për pesë minuta.
Sepse të mos harrojmë : Gjermania është Superfuqi ekonomike dhe industriale botërore, por në të njëjtën kohë edhe një xhuxh i papërfillshëm ushtarak.
Pse po them që Kosova duhet t’i thotë sidomos në këtë kohë të pasigurt Uashingtonit “Amin” për gjithçka?
Sepse është një dele e pafuqishme e rrethuar nga shumë ujqër të tërbuar.
Mirëpo ajo prej ujqërve klerofashist serbo-rus edhe do të mbrohej disi.
Por si të mbrohet prej ujqërve të brendshëm dhe jashtëm shqiptarë, të cilët jo vetëm që e kanë rrethuar, por edhe që i ka brenda në të gjitha partitë politike dhe në të gjitha institucionet shtetërore, publike dhe mediatike.
Prandaj i dashur Albin dhe e dashura Vjosë, lexone shkrimin tim me kujdes dhe merrne shumë seriozisht, sepse nëse nuk është kështu siç them unë, unë jam i gatshëm që të jap përgjegjësi morale dhe ligjore kudo dhe kurdo.
Para njerëzve dhe para Zotit.
