Kosova ka nevojë për një Këshill të të Urtëve dhe jo për “trima të marrë”

Pirro Prifti, Tiranë 

Nuk janë të rastit problemet që dalin çdo muaj në Kosovë , në raport me Serbinë. Kosova nëpërmjet NATO-s dhe SHBA u çlirua njëherë e mirë nga Serbia dhe vetë Serbia e pranoi humbjen. Dihen Marëveshjet e realizuara si ato të Rambujesë dhe rezoluta 1244 , krijuan mundësinë që Kosova të shapllej shtet i pavarur në shkurt të 2007,  si një shtet demokratik perëndimor. Largimi nga diktatura serbe në një demokraci liberale perëndimore  e hutuan dhe ja pakësuan politikanëve të rinj Kosovarë dëshirën patriotike dhe atdhedashurinë për vëndin e tyre dhe për Shqipërinë si toka mëmë të cilës Marëveshja e Ambasadorëve në 1913 e copëtoi Shqipërinë duke ja lënë Kosovën dhe trevat e tjera me shqiptarë Serbisë Malit të Zi, dhe Greqisë, por nw vwnd tw saj u shtua dwshira pwr pasuri e pushet.  

Me kalimin e këtyre viteve  e deri më sot Shqipëria u përpoq mjaft për njohjen ndërkombëtarisht të Kosovës dhe pjesërisht a arriti qëllimit. Sidoqoftë me goditjen që i bëri Gjykata e Hagës Drejtuesve  të UÇK, duke futur në burg drejtuesit e saj me akuza  tendencioze për vrasje e rrëmbime, si dhe raporti i Dick Martit, bënë që në Kosovë   të fitojnë zgjedhjet një parti që quhej Vetvendosje e drejtuar nga Albin Kurti i cili njihej si një politikan  jo i ekuilibruar por si politikan i zgjidhjeve populiste të problemeve dhe i vështirë për të dialoguar me të.  

Pavarësisht kësaj, ardhja e Albin Kurtit dhe e Presidentes Osmani krijoi tensione edhe me Shqipërinë duke nëvlerësuar  (ndoshta duke e patur zili reputacionin e Ramës tek ndërkombëtarët)  këshillat e qeverisë së  Shqipërisë. Dukej qartë se politikanët e rinj kishin dhe kanë ndërmënd të krijojnë një Kosovë të veçantë jashtë idesë së bashkimit kombatar, pra një Kosovë që do të kishte trajtën e një Pashallëku Kosovar ku do të drejtojnë vetëm politikanë të tipit Kurti. 

Dihet që Kosova me bindje, është e ndarë në dy pjesë kryesore, ndarje e cila vërehet edhe në politikën kosovare; njëri grup i madh kërkon me të vërtetë nevojën dhe ndihmën e SHBA dhe BE për zgjidhjen e problemeve, pra një grup politikanësh që përfaqësojnë popullin që kërkon demokraci perëndimore, dhe grupi tjetër i politikanëve  që mund të quhen të djathtë por kanë mbështetje religjioze dhe i kanë sytë nga Turqia dhe Arabia. 

Ngjarjet e fundit në veri të Kosovës treguan dhe njëherë pabesinë serbe por edhe miopinë politike të disa politikanëve të Kosovës dhe Kryesisht të Kurtit. Nëse zgjedhjet lokale në zonat me shumicë serbe mund të ishin teknikisht të rregullta, bojkoti i popullatës serbe i bëri të pavlefëshme zgjedhjet lokale. Pavarësisht se bojkoti i shumicës serbe ishte i qëllimshëm, aty duhej të dukej pjekuria e politikës kosovare ndaj pakicës serbe: pra duhej ti mbushnin mëndjen asaj pakice serbe të merrnin pjesë në zgjedhje.  

Nëse Bojkoti do të  ishte në një etni e cila do të kishte disa parti, zgjedhja e përfaqësuesve nuk do të ishte problem pavarësisht bojkotit. Por, nëse popullsia do të përbëhej nga dy etni dhe etnia me popullsi më të madhe do ta bojkotonte atëhere zgjedhja e drejtuesve lokalë nga etnia më e vogël do të sillte probleme sepse nuk mund të qeverisë etnia me e vogël të tërë popullatën e cila përbën etninë më të madhe. Gabimet dhe intrigat e Serbve njihen mire, por prandaj qeveria kosovare duhej të silej me mënçuri dhe jo më kapadaillëk. Këtu qëndron gabimi i Kurtit i cili shpalli kryetarët të cilët nga ana e letrave ishte në rregull por nga ana e përfqësimit, ishte gabim i rëndë. Faji i Kurtit është në aspektet; 

• Nuk u përpoq të bindëte etninë serbë të veriut të hyntë në zgjedhje 
• Përdori policinë  për të futur me forcë kryetarët e rinj në zyrat 

Në të dy rastet BE dhe SHBA ishin të pakënaqura me vendimet e qeverisë Kurti aq sa Blinken dhe BE kritikuan veprimet e Kurtit, i cili u bëri karshillëk ndërkombëtarëve. Karshillëkun e Kurtit në emër të ruajtjes së pavarësisë së Kosovës ndaj ndërkombëtarëve të cilët, u ofenduan nga ky veprim. Të paktën gabimin e kuptoi Presidentja Osmani e cila hapi dritën e gjelbër për të ribërë zgjedhjet lokale me pjesmarrjen e serbve. 

Gjëndja e tensionuar në veri u rëndua më tepër nga rrëmbimi i tre policëve të Kosovës nga ana e serbve të cilët mesa duket e bënë për të liruar një bandit serb të veriut të Kosovës, i cili u arrestua disa ditë më parë. 

 Kjo shkaktoi një numur deklaratëash të tensionuara qoftë nga Kosova qoftë nga Serbia, ndërsa SHBA dhe BE përsëritën me këmbëngulje dëshirën për të ç`tensionuar situatën. 

Drafti i paraqitur nga Kryeministri Rama për ç`tensionimin dhe zgjidhjen e problemve në veri të Kosovës u përqesh nga Kryeministri Kurti duke u shprehur që :…`Rama le t`ja u dërgoj Vuçiçit për shqiptarët që jetojnë në Serbi`….. Kjo retorikë idiote e Kurtit kundër Kryeministrit shqiptar i cili ka një përkrahje absolute ndërkombëtare, dhe se janë ndërkombëtarët të cilët e këshilluan Ramën të bënte këtë Draft, ngjalli një pakënaqësi në Shqipëri madje dhe në Kosovë, ku opozita u shpreh se ..`Kurtin e braktisi dhe Shqipëria`.  

Sidoqoftë Parlamenti shqiptar mban sot një mbledhje për ngjarjet në Kosovë  për të analizuar dhe për të dhënë mundësi se si mund të zgjidhet problemi. 

 Largimi politik nga Kurti dhe qeveria e tij e SHBA dhe BE, të cilat e quajnë Kurtin `…partner të tyre por     të vështirë..`, si dhe mosdakortësia  politike me qeverinë e Kosovës e qeverisë shqiptare për ngjarjet që ndodhën në Kosovë, duhet ti japë të kuptojë Kurtit se e ka gabim dhe se nuk ja kanë fajin as SHBA, as BE  dhe as Rama, por vetëm budallallëku politik i Kurtit dhe myopia e tij politike e cila mesa shihet ka agravuar me kalimin e kohës duke menduar se këto probleme me Serbinë zgjidhen me rrugë radikale madje dhe me luftë; por z. Kurti harron se lufta ka mbaruar dhe se këshilla e dikurshmë e Madalen Albright  që po e paraqes me fjalët e mia se: `lufta mbaroi por problemet e paqes duhet të zgjidhen me bisedime`, janë edhe sot shumë të vlefshme.  

Ndonëse për arsye politike nongratta e Shqipërisë shan Edi Ramën si `tradhtar të Kosovës`, shumica e njerzve në Shhqipëri, Kosovë dhe Europen perëndimore mendojnë se Kurti nuk është në linjën e një politikani largpamës dhe se ai nuk e kupton dhe madje harron se SHBA e çliroi Kosovën dhe jo populli i Kosovës,  dhe se SHBA ka arësye që problemi me Serbinë të zgjidhet me bisedime sado të vështira duken, sepse vetëm kështu arrihet gjeopolitika e SHBA:- çkëputja e Serbisë nga Rusia, dhe njohja e Kosovës nga Serbia e nga 4 vëndet e tjera që nuk e njohin akoma Kosovën.  

Ndryshe, draft rezoluta që ka përgatitur Edi Rama me ndihmën e SHBA tregon se një aktor tjetër që ka interes më të madh për Kosovën do të hyjë në lojë për të drejtuar dhe bashkuar Kosovën me Shqipërinë. 

priftipirro2017@gmail.com