Korab Blakaj, Vjenë
____
Sa më shumë që një Rend i Ri Botëror me vendet e BRICS dhe Organizates se Bashkëpunimit të Shangait (SCO)po merr konturat gjithnjë më qarta, aq më e zymtë, kontradiktore dhe konfrontuese duket gjeopolitike globale.
Që nga rënia e Murit të Berlinit, SHBA-ja ka arritur të vendosë hegjemoninë globale duke tërhequr në gjirin e sai një mori kombesh dhe vendesh të ndryshme të joshura nga koncepti i tregut të hapur,ndikimit kulturor, arsimor, ekonomik, financiar dhe sigurisë.
Rendi i ri synon ta sposton dominimin ekonomiko-financiar dhe monopolin e SHBA-së.Në retrospektivë ky mund të jetë cikël historik.Bota ka pasur një mori luftërash brutale,ngritje dhe rënie të përandorive për shkak të dekadencës dhe përkeqësimit të shoqërive ose qytetërimeve të medha.Sipas mendimtarit rus, Nikolai Danilevsky, qytetërimet njerëzore, janë organizma që lindin, moshoheh dhe vdesin. Në veprën e tij të titulluar Rusia dhe Evropa, ai parashtroi një teori se Rusia dhe Evropa Perëndimore ishin “tipe të dallueshme kulturore historike”.Sipas teorisë se tij, ai botën e shef si një shesh qyteti nga i cili,rrugë të ndryshme (dmth. qytetërime të ndryshme) shpjejnë në drejtime të ndryshme. Çdo lloj kulture historike është në thelb e veçantë, dhe si rrjedhojë zhvillohet në kushte dhe specifika dalluese nga të tjerat.
Ndërsa Oswald Spengler argumenton në ngritjen dhe uljen ciklike të qyteteve, qytetërimeve me një shoqëri tregtare dhe kur kjo shoqëri i ka shteruar të gjitha mundësitë e saj ajo gradualisht shuhet. Përëndimi nuk ka arritur të bëjë një marshim përpara drejt Lindjes së Largët dhe Jugut Global në terma të përgjithshëm,përjashto nga ky ekuacion Japoninë dhe Korenë e Jugut.
Përplasja për një ndarje globale, një veprim dhe orvatje shumë brutale Makiaveliane e veshur me petkun e shekullit 21 ,padyshim se do të prodhojë zhvendosje tektonike me pasoja për botën në përgjithësi . Ndoshta krejt ky stratagjem me kalkulimet afatgjata strategjike të SHBA-së mund të jetë një kurth për kinezët. Në rast se Evropa demokratike me lëvizjet e saj të cakorduara nuk e lexon saktë synimin strategjik të SHBA-së por qaset pas joshjes se tregut kinez, burimeve të bollshme të energjetikës dhe mineraleve ruse, përspektiva për t’i përballuar furisë se vendeve të BRICS dhe Organizatës së Bashkëpunimit të Shangait (SCO) duket e zymtë dhe mjaft e mjegulluar.
