Vërtetim i bastisjes, disa gjëra të konfiskuara (dhe 109 foto)
Sinan Kastrati, Suedi
Vazhdon nga numri i kaluar me titull ”Aleksander Vasiljević-ACA, ma përplasi para syve, letrën që ia kisha dhënë Sadik Blakajt!”, Drini.us, 5 Nëntor 2021 në rubrikën ”Dossier”
Nga Ditari im (8)
Kur vdekjen e dëshiroja më shumë se jetën
Gjendja ime shëndetësore mu keqësua shumë, pasi e mora vesh se letra ime paska shkua atje ku nuk duhet dhe çka paskna bërë unë. Thjesht, unë isha fajtor që Xhevati, Skënderi e ndoshta edhe dikush nga ish shokët e mi të studimeve burgoseshin.
-Tash po e kuptoj kush qenka Sadiku iu drejtova Aleksander Vasiljevićit. I pranoj të gjithat. Unë jam fajtor ndërsa Xhevati, baba i Xhevatit, Mustafa vetëm e kanë pritur Sadikun si mik shtëpie ndërsa ai ka shkelur mbi bukën e besën shqiptare, sepse në odë të burrave, nuk tradhtohet e as nuk prehen në besë burrat.
-Jo, Sadikut ia kemi zënë letrën tënde të cilën ai e kishte mëshefur. Ai nuk ka ka dhënë letrën tënde.
Aca, mundohej ta mbroj Sadikun që unë mos të dyshoj por më s`kishte se çka mëshifet. Sendet kishin dalur në ledinë.
Mu kujtuan edhe fjalët e Xhevatit 1*) i cili më kishte thënë:
-Sinan, Sadik Blakaj, ishte puntor i UDB-së. Xhaferi më ka thirrur e më ka treguar.
Me Tefik Ramadanin, furragjiun e bukëve të shishme, Doboj 1981
Në Kosovë, pas burgosjes së Behxhet Krasniqit, ishte përhap fjala, se shkaku im ëshë burgosur Beha (shkurt, për Behxhet). Beha është vëllai ivogël dhe i vetmi vëlla i Kolon. Ahmet Krasniqit.
Këto fjalë ia kish thënë Hida, gruaja e Aziz Zhilivodës, që ishte kusheriri i parë i Qerimit, babës së nuses time, Nexhës..
Nexha i kishte thënë:
-Nëse Sinani është spiun, dhe nëse shkaku i Sinanit është burgosur Beha, unë kam me u nda nga Sinani. Kjo mjegulli e ky dyshim ka zgjatur deri sa ka dalur Beha në gjykim dhe është dënuar nëse nuk gaboj me 2 vjet burgim të rëndë, por jo shkaku im por shkaku i tjetër kujt, më konkretisht shkaku i disa poezive që ia kishte dhënë Ismail Syla, ish ”këshilltari” i mëvonshëm i Hashim Thaçit.
Po nuk ishte vetëm Hida, gruaja e Azizit që i kishte folur Nexhës për gjoja gabimet e mia …. Flitej se gjoja Ahmet Krasniqit i paska thënë një shok shkolle që paska punua në SPB-në e Mitrivicës, aty ku Beha ishte i burgosur, se një djalë nga Suhareka ka folur diçka e …. Për këte Beha është burgosur Unë isha nga Rahoveci por edhe Ahmeti kish mendua deri sa u takuam dhe ai më kërkoi falje.
Por nuk vonoi shumë e Ahmeti erdhi në Kosovë (në Zhilivodë) dhe ne u takuam …. në korrik, në muajin e të korrave të grurit).
Gjithë ditën punuam bashkë, i bajtëm thasët me grurë, unë Ahmeti dhe Shefqeti, që fshinin grunin me maqinën DRESH të Xhemajlit të mixhës Musli.
Pas hëngrëm darkë e pim qaj, kur të gjithë mashkujt shkuan me fjetur, unë Ahmeti dhe Shefqeti ndejtëm gjithë natën duke biseduar për Demonstratat, për pasojat por edhe për gjendjen e përgjithme në ish RSFJ-në dhe forcën ushtarake të ish APJ-së. Behxheti, ishte në burg por Ahmeti vinte, së pakut 2 herë brenda vitit në Zhilivodë, për festa familjare, dasma e vdekje …
Pasi u mundua ta mbroj Sadik Blakajn dhe pa harruar Fadil Alinë , që ende ishte ushtar në Doboj, ai iku duke më lënë mua me një lëmsh që nuk dija me ia gjet fijen.
Këtu dua ta mbyll fejtonin për me e vazhdua njëherë tjetër për oficerët e ushtarët e tjerë shqiptarë e serb e malazezë. Njëri nga ta, malazez si kapiten kishte shërbye në kazermën e Pejës. Ai kur më takonte, më lypte cigare bozhur, duhan të cilin ma dërgonte Nexha nga Kosova. Më vonë, në Luftën e vitit 1992-1995 e kam parë në ktah me gjeneralin Ratko Mlladić.
Pas shërbimit ushtarak, kam qenë i obliguar dhe isha në Prishtinë, në Komandën e garnizonit, një ndërtesë e bukur afë Hotel Grandit dhe Shtëpisë së Rinisë ”Bora e Ramizi”. Nëse nuk gaboj, oficerin i sigurimit që më ka pritur dhe ka bisedua me mua e ka pasur emrin apo mbiemrin Deshishku.
Një nga shumë shkrime (e fejtone, në disa vazhdime) për Kolon. Ahmet Krasniqin
Për këto dhe të tjera, herave tjera.
Takimi me Ahmet Krasniqin,
Burgosja dhe gjykimi i Behxhet Krasniqit
Se si mbeta i papunë dhe shtëpinë e blerë, ma ndaluan të hyje …
Precesmbatës nga burgu i Prishtinës, 1981
Jetoja jetë ilegali deri më 1992, kur e lash Kosovës, pas zgjedhjeve të 24 majit 1992, ku edhe unë propozuar si deputet i Kuvendit por që nuk i mora votat e mjaftueshme.
Më 1991, fillova për herë të dytë të punoj në Gjimnazin ”17 Nëntori” në Malishevë, si mësues i letërsisë shqipe dhe me disa orë plotësues, gjuhë latine.
1*) Xhevati më mori në telefon diku rreth 1 muaj ose më shumë, para se të burgosem dhe biseduam bukur gjatë., Më së pari mora 1 telegram nga Xhevat Durmishi i cili dëshironte të flas me mua, urgjentisht. Shkova te komandanti a komandiri i çetës me telegram dhe kërkova që në ditën e caktuar duhet të dalë në qytet, më duhet leja të flas në telefon me Xhevatin. Atherë, nuk kishim telefona e por duhej shkua në postë dhe me prit radhën e kur të thërret personi i caktuar, puntori i postës tregonte se në cilën kabinë (dhoma të vogla ku nuk pengohej e dëgjohej nga të tjerët, ishin me numra) .
U përshëndetëm me Xhevatin. Më kishte marrë malli me ia dëgjua zërin Xhevatit. Ai mi kishte dërgua 500 dinar jugosllav që atij ia kishte dërgua Bali Dul, axha u vogël i Xhevatit që punonte në Valevë.
Ai më tha se ka folur me Xhaferin dhe se ai i ka tregua për Sadikun. ”Mysafirin që na kish qu Sinani, ishte njeri shumë i dyshimt dhe i rrezikshëm, njeri i UDB-së. Sadiku aso kohe kishte shkua në Gjermani për me i përcjell shqiptarët nëpër klube dhe atdhetarët si Jusuf Gërvalla etj.
Kjo ka bisedë është bërë me siguri, në fund të dhjetorit 1981, në janar ose shkurt 1992. Xhevati më ka thirrur nga Posta e Bihaqit kurse unë kam qenë në postën e Dobojit.
Dyshoj se biseda është përgjua e ndoshta edhe është inqizua e përkthye.
Kjo është e vërteta e ime, sa i përket LETRËS së Sadik Blakajt.
Po kjo nuk është e tëra. Është vetëm një pjesë nga një fragment ose libër që më vonë ngjarjet zhvillohen në Gjermani, Zvicërr, Belgjikë, e gjetu në Evropë, kryesisht në ndaljen e aktivitetit atdhetar të Jusuf Gërvallës, … dhe të bashkëpuntorëve më të ngushtë të Jusufit, Xhafer Durmishit, Faridin Tafallarit, në një anë dhe të Sadik Blakajt e Ibrahim Kelmendit, në anën tjetër dhe … Hysen Gegës.
Bastisja, vertetim
“ÇKA PRET IBRAHIM KELMENDI, PSE NUK BËN KALLZIM PENAL NDAJ VRASËSIT TË JUSUF E BARDHOSH GËRVALLËS DHE KADRI ZEKËS (!?!)”
Publikuar më 02 korrik, 2007 në orën 19:12 ( ) Faridin Tafallari https://www.albaniapress.com/lajme/2410/%C3%87KA-PRET-IBRAHIM-KELMENDI-PSE-NUK-B%C3%8BN-KALLZIM-PENAL-NDAJ-VRAS%C3%8BSIT-T%C3%8B-JUSUF-E-BARDHOSH-G%C3%8BRVALL%C3%8BS-DHE-KADRI-ZEK%C3%8BS-.html
Faridin Tafallari “IBRAHIM KELMENDI KA NDIKIM NË VRASJEN E JUSUF DHE BARDHOSH GËRVALLËS E KADRI ZEKËS!!!???”, Albaniapress.com, 05 qershor, 2009 në orën 19:49
http://dosja-gervalla.blogspot.com/2012/03/faridin-tafallari-ibrahim-kelmendi-ka.html
Ibrahim Kelmendi: “E njoh vrasësin e Jusuf Gërvallës, jeton në një fshat të Suharekës – ja emri i tij”
NGA: P.R MË: 20 TETOR 2020 NË ORA: 14:54
https://www.botasot.info/lajme/1404279/ibrahim-kelmendi-e-njoh-vrasesin-e-jusuf-gervalles-jeton-ne-nje-fshat-te-suharekes-ndash-ja-emri-i-tij/
Ibrahim Kelmendi: Ja kush është i dyshuari për vrasjen e Jusuf e Bardhosh Gërvallës dhe Kadri Zekës
NGA: P.R MË: 9 DHJETOR 2016 NË ORA: 09:17
https://www.botasot.info/aktuale-lajme/620114/ibrahim-kelmendi-ja-kush-eshte-i-dyshuari-per-vrasjen-e-jusuf-e-bardhosh-gervalles-dhe-kadri-zekes/
Zdravko Mustaç: “Ibrahim Kelmendi – agjent i UDB-së me emrin “Sialica”,
sakte.net, informohu sakte dhe drejte
Ibrahim Kelmendi ka vazhduar polemikën në distancë me Riza Salihun pas akuzave të ndërsjella për përfshirje në vrasjen e vëllezërve Gërvalla dhe Kadri Zekës.
Më poshtë debati i postuar nga Ibrahim Kelmendi
REAGIMET E VONUARA TË RIZA SALIHUT DHE PËRGJIGJET
Zdravko Mustaç: Ibrahim Kelmendi – agjent i UDB-së me emrin “Sialica”
HASHIM THAÇI, I MUNGUARI I MADH I KOSOVËS-(Në njëvjetorin e burgosjes së Presidentit) ,Shkruan; Mr.Ismail Syla, këshilltar i Presidentit
NOVEMBER 4, 2021
Kur fillova të punoj pa pagesë në gjimnazin ”17 Nëntori” në Malishevë, më 1991
Për fund:
Unë kam shkruajtur për Kolonel Ahmet Krasniqin, por lexuesit e Drinit nuk mund ti dërgoj vegzata pasi që ato janë botua herët e portalet i kanë hjekur.
Gjeta vetëm një, një kujtim për një përvjetor të Kolonelit, mikut tim:
”Në kujtim të Ministrit të Luftës, Kolonelit Ahmet Krasniqi!”
NGA: SINAN KASTRATI MË: 20 SHTATOR 2016 NË ORA: 22:01
https://www.botasot.info/opinione/579711/ne-kujtim-te-ministrit-te-luftes-kolonelit-ahmet-krasniqi/
Malmö, 5 nëntor 2021
