Gjon Keka, studjues
„Historia është mësuese e jetës“,jemi mësuar ta dëgjojmë e shkruajm shpesh këtë proverb, prandaj asnjëherë përgjatë historisë errësira nuk ka triumfuar kundër dritës, por drita ka triumfuar përball errësirës.
As urrejtja nuk ka triumfuar përball dashurisë, por dashuria përball urrejtjes etj. Koha që populli ynë t’i thotë lamtumirë natës së mendjes ka qenë që moti ,por edhe nëse sot ka filluar t’i thuhet lamtumirë natës së mendjes ,kurrë nuk është vonë me iu rikthy dritës ,me iu rikthy identitetit arbëror të vërtetë ,identitetit të kryezotit tonë arbëror Gjergj Kastriotit i cili na e vulosi këtë identitet në mënyrë të pashlyeshme në zemrat dhe gjakun tonë arbëror europian.
Kushdo që i thotë vetit arbëror dhe e dëgjon zërin e arsyes ,të ndërgjegjes kombëtare, zërin e brëndshëm të arbërit e të arbëreshëve dhe kudo ku ka arbëror që na thërret të bashkohemi; ia ndez një dritë të vogël kombit të vetë,sepse do të bëhet drita në mesin e shumë dritave që formojnë një diell të madh që do t’ia ndriçojë qiellin atdheut e kombit tonë arbëror përjetë brez pas brezi.
Ne si arbëror nuk kemi shembull tjetër për të ndjekur ,se si duhet kuptuar thelbi i lirisë,se si duhet të bashkohemi,se cila është e ardhmja jonë dhe brezave ,përveç shembullit të përjetshëm të kryezotit tonë Gjergj Kastrioti i cili me t’u kthyer në Arbëri e shpalosi identitetin e tij gjenetik iliro-arbëror dhe e shpalli Arbërinë të pavarur ,sovrane me identitet të vetin dhe me Kuvend përbashkues të të gjithë arbërorëve.
Ky është shembulli që duhet ndjekur ne sot dhe brezat në të ardhmen,sepse është shembull i vulosur nga qielli për ne Arbërorët, për shpëtimin dhe ekzistencën e kombit tonë të lashtë iliro-arbëror europian.Kështu qe edhe zgjimi kombëtar është i domosdoshëm për ta kthye kombin tonë në shtratin e tij të natyrshëm,si një komb me identitet të vulosur iliro-arbëror europian dhe me të ardhme të sigurt drejt rikthimit në familjen e përbashkët të civilizimit të kombeve europiane. Kombi apo më mirë identiteti kombëtar arbëror duhet të vendoset mbi të gjitha fetë,kështu ishte më parë kështu duhet të jetë tani e përgjithmonë.
Dhe krejt në fund,për skeptikët,hedhësit e gurëve,propaganduesit e së keqes ,renegatët etj etj,vetëm çka lodheni kot, Arbëria europiane një ditë do të bëhet ashtu si i bashkoi arbërorët rreth vetes së tij i lumi mbreti e kryezoti ynë Gjergj Kastrioti.
